Numeros 23:19 - Chol: I T’an Dios

¹⁹ mach lajalic Dios bajche' winicob yujilo' bʌ lot. Mach lajalic bajche' jini cha'chajp jax bʌ i pusic'al mu' bʌ i q'uextan i t'an. Che' mi' yʌc' i t'an, ¿mach ba anic mi' ts'ʌctesan? Che' tsa'ix i subu chuqui mi caj i cha'len, ¿mach ba anic mi' mel?

Chol de Tumbalá Bible

¹⁹ Mach lajalic Dios bajche' winicob yujilo' bʌ lot. Mach lajalic bajche' jini cha'chajp jax bʌ i pusic'al mu' bʌ i q'uextan i t'an. Che' mi' yʌc' i t'an, ¿mach ba anic mi' ts'ʌctesan? Che' tsa'ix i subu chuqui mi caj i cha'len, ¿mach ba anic mi' mel?

Jiñi Tsiji' bʌ Wen T'añ cha'añ Estudio

¹⁹ Mach lajalic Dios bajche' wiñic yujil bʌ lot, mi i yalobilic wiñic mu' bʌ i q'uextan i t'añ. ¿Am ba chuqui mi yʌl mach bʌ añic mi' mel? ¿Am ba xuc'ul bʌ i t'añ mach bʌ añic mi' ts'ʌctesan?

Numeros 23:19 Iomraidhean Croise

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

1 Reyob 14:11

Jini mu' bʌ i chʌmel ti mal tejclum mi caj i c'uxtʌl ti ts'i'. Jini mu' bʌ i chʌmel ti bij mi caj i c'uxtʌl ti xta'jol. Jiñʌch i t'an lac Yum.

2 Reyob 15:12

Che' jini tsa' ts'ʌctiyi i t'an lac Yum Dios tsa' bʌ i sube Jehú: “Mi caj i yumʌntelob ti Israel a walobilob c'ʌlʌl ti' chʌnlajmlel a p'olbal”, che'en. Che'ʌch tsa' ujti.

2 Reyob 7:2

Juntiquil am bʌ i ye'tel mu' bʌ i coltan jini rey tsi' sube i winic Dios: A lot. Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic, che'en. Eliseo tsi' sube: Mu'to caj a q'uel che' mi' yujtel, pero jatet ma'anic mi caj a c'ux, che'en.

1 Cronicas 17:17

Wen ñuc jini tsa'ix bʌ a mele tic tojlel. Pero jini tsa' bʌ a subeyon ñumen ñuc che' bajche' tsa'ix bʌ a mele. Che' ja'el c Yum Dios, tsa' wʌlʌ mi caj i yochelob ti rey c p'olbalob.

Salmos 110:4

Lac Yum tsi' yʌc'ʌ i t'an, mach yujilic q'uextiyel. Jatet motomajet ti pejtelel ora. Che'ʌch a motomajil bajche' i motomajil Melquisedec, che'en.

Salmos 132:11

Lac Yum tsi' yʌq'ue David i t'an mu' bʌ caj i ts'ʌctiyel, xuc'ul bʌ ti pejtelel ora: Ya' ba' buchulet ti a yumʌntel mi caj c buchchocon juntiquil a p'olbal.

Salmos 77:9

¿Tsa' ba ñajiyi ti' pusic'al i pʌs i yutslel Dios? ¿Tsa' ba i cʌyʌ i p'untañonla cha'an mich'?

Salmos 89:34

Ma'anic mi caj c ñusan xuc'ul bʌ c t'an. Ma'anic mi caj c yʌñe' jini tsa' bʌ cʌlʌ.

Salmos 89:35

Junyajl jach tsa cʌc'ʌ c t'an. Mach c lotic tsa' bʌ c sube David.

Isaias 21:17

Che' jini ma'anix jaytiquil mi' cʌytʌl ti Cedar yujilo' bʌ julbʌl ti jalʌjb. Mux i cʌytʌl cha'tiquil uxtiquil jach. Che' tsi' yʌlʌ lac Yum i Dios Israel.

Isaias 31:2

Laj ña'tʌbil i cha'an lac Yum. Wersa mi caj i tojob. Lac Yum ma'anic mi caj i q'uextan i t'an. Mi caj i contrajin pejtel xjontolilob yic'ot pejtel mu' bʌ i coltañob.

Isaias 40:8

Mi' tiquin pimel yic'ot i nich. Mi' yajlel. Pero i t'an lac Dios mi' yajñel ti pejtelel ora”, che'en.

Isaias 46:11

Mi caj c pʌy tilel wi'ñal bʌ mut tilem bʌ ba' mi' pasel q'uin. Jiñʌch Ciro ch'oyol bʌ ti ñajt bʌ lum, mu' bʌ caj i jolontesan jini e'tel ña'tʌbil bʌ c cha'an. Tsa'ix c wʌn subu. Mi cajel c ts'ʌctesan che' bajche' tsac ña'ta. Che'ʌch mi caj c mel.

Isaias 55:11

Che'ʌch ja'el c t'an mu' bʌ c sub. Mach lolomic jach. Mach to'o sujtic. Mi' mel chuqui tac com. Mi' jolontesan i ye'tel tsa' bʌ cʌq'ue i mel.

Jeremias 4:28

Jini cha'an la' i yuc'tañob i lumal. La' mʌjquic yic'ot i'ic' bʌ pisil yilal jini q'uin, cha'an tsac cha'le t'an. Tsac wʌn ña'ta tic pusic'al bajche' mi caj c mel. Mach quepelic mi caj j cʌy. Ma'anic mij q'uextan c pusic'al, che'en lac Yum.

Daniel 4:28

Pejtelel iliyi tsa' bʌ tsictesʌbenti jini rey Nabucodonosor tsa' ts'ʌctiyi ti' tojlel.

Oseas 11:9

Anquese cabʌl c mich'ajel, ma'anic mi caj c cha' jisañet, Efraín. Come joñon Dioson. Mach lajalonic bajche' winicob. Joñoñʌch jini Ch'ujul Bʌ ti la' tojlel. Mach cha'anic jisaya tsa' tiliyon.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Habacuc 2:3

Anquese jal to mi caj i yujtel pejtel iliyi, pero wersa mi caj i lu' ts'ʌctiyel che' ti' yorajlel. Mach cujilic lot. Mi woli' jal'an yubil, yom xuc'ul ma' chʌn pejcan, come melel mi caj i bʌc' tilel che' ti' yorajlel.

Malaquias 3:6

Come joñon la' Yumon. Ma'anic mi' q'uextiyel c pusic'al. Jini cha'an ma'anic mic junyajlel jisañetla, come chʌn an i yutslel c pusic'al ti pejtelel ora.

Numeros 14:35

Joñon la' Yumon. Tsa'ix c cha'le t'an. Mi caj c mel ili winicob tsa' bʌ i contrajiyoñob che' bajche' tsac subeyetla. Mi caj i laj c'un'añob ila ti' tiquiñal pañimil. Mi' cajelob ti chʌmel”. Che' yom ma' subeñob, che'en lac Yum Dios.

Numeros 23:18

Che' jini Balaam tsa' caji ti t'an: Tejchen ti ora, Balac, i yalobilet bʌ Zipor cha'an ma' ñich'tʌbeñon c t'an.

Lucas 21:33

Mi' caj ti jilel panchan yic'ot pañimil. Pero mach jilic c t'an.

Romanos 11:29

Dios ma'anic mi' q'uextan i pusic'al che' mi' yʌq'ueñonla lac majtan. Ma'anic mi' q'uextan i pusic'al che' mi' pʌyonla.

Romanos 9:6

Puru isujm i t'an Dios. Mach lolomic tsi' yʌc'ʌ i t'an, anquese mach i cha'añobic Dios pejtelel i p'olbal Israel.

2 Timoteo 2:13

Mi xuc'ulonla o mach xuc'ulonicla, pero xuc'ul Cristo Jesús yic'ot i t'an. Mach yujilic lot.

Tito 1:2

yic'ot cha'an mi' tajob i cuxtʌlel mach bʌ anic mi' jilel, woli bʌ lac pijtan. Come Dios, mach bʌ yujilic lot, tsi' wʌn ac'ʌ i t'an che' maxto anic pañimil.

Hebreos 6:18

Dios mach mejlic i cha'len lot. An cha'chajp mach bʌ yujilic q'uextʌyel. Jiñʌch i xuc'tʌlel i pusic'al yic'ot albil bʌ i t'an. Jini cha'an joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'an mi lac chʌn pijtan chuqui subebilonla.

Hebreos 7:21

Mach che'ic tsi' mele ti' tojlel yambʌ motomajob che' bʌ tsa' cajiyob ti' ye'tel. Pero Dios tsi' yʌc'ʌ i t'an ti' tojlel Jesús. Tsi' sube: “A Yum Dios tsa'ix i yʌc'ʌ i t'an. Ma'anic mi' q'uextan i pusic'al. Jatet motomajet ti pejtelel ora”, che'en.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

Santiago 4:5

Ña'tanla isujm mi' subeñonla i Ts'ijbujel: “Dios tsi' chumchoco ti lac pusic'al jini Espíritu mu' bʌ i cʌntañonla ame sojquiconla”.

Josue 21:45

Ti pejtelel jini wʌn albil bʌ i cha'an lac Yum tsa' ts'ʌctiyi ti uts'at che' ti' tojlel israelob bajche' tsi' wʌn subeyob.

1 Samuel 15:29

Jini Dios i ñuclel bʌ Israel mach yujilic lot. Ma'anic mi' yʌn i t'an, come mach lajalic Dios bajche' winic mu' bʌ i cha' wi'il q'uextan i t'an, che'en.

1 Samuel 3:12

Ti jump'ejl jach q'uin mi caj c ts'ʌctesan c t'an ti' contra Elí yic'ot ti' contra i yalobilob. Ti jini jach bʌ q'uin che' mi' tejchel que'tel ti' tojlelob mi' joloñel.