Numeros 22:7 - Chol: I T’an Dios

⁷ Jini xñoxob año' bʌ i ye'tel ti Moab yic'ot ti Madián tsa' c'otiyob ba'an Balaam. Tsi' ch'ʌmbeyob c'otel i majtan cha'an mi' jac' i pʌyol, cha'an mi' majlel i coltañob.

Chol de Tumbalá Bible

⁷ Jini xñoxob año' bʌ i ye'tel ti Moab yic'ot ti Madián tsa' c'otiyob ba'an Balaam. Tsi' ch'ʌmbeyob c'otel i majtan cha'an mi' jac' i pʌyol, cha'an mi' majlel i coltañob.

Jiñi Tsiji' bʌ Wen T'añ cha'añ Estudio

⁷ Jiñi xñoxob año' bʌ i ye'tel ti Moab yic'ot ti Madián tsa' majliyob ba'añ Balaam yic'ot majtañʌl cha'añ ch'ʌcojel. Tsa' c'otiyob ba'añ Balaam, tsi' su'beyob i t'añ Balac.

Numeros 22:7 Iomraidhean Croise

Isaias 1:23

Jini yumʌlob la' cha'an xñusa t'añob, i pi'ʌlobʌch xujch'. Mi ch'ʌmob taq'uin cha'an mi' mucbeñob i mul i pi'ʌlob. Mu' jach i sʌclañob i majtan. Ma'anic mi' wen coltañob jini meba'ob. Ma'anic mi' p'isob ti wenta i wocol t'an jini meba' x'ixicob.

Isaias 56:11

Lajalob bajche' wi'ñal bʌ ts'i' mach bʌ muq'uic i ñaj'an. Ma'anobic i pusic'al jini xcʌnta tiñʌme'ob. Ti jujuntiquilob mi' bajñel ña'tañob chuqui yomob. Mi' bajan sʌclañob i wenlel.

Ezequiel 13:19

Mi la' p'ajon ti' tojlel c tejclumob cha'an mi la' wʌq'uentel junmujch' cebada yic'ot ts'ita' waj. Che' jini mi la' wʌc' ti chʌmel jini mach bʌ añobic i mul. Mi la' lon coltan jini año' bʌ i mul ame chʌmicob. Mi la' subeñob lot pejtel mu' bʌ i ñich'tañob.

Ezequiel 21:21

Come poj jumuc' mi caj i wa'tʌl ti xʌc' bij jini rey ti Babilonia. Ma'anic mi' ña'tan mi yom majlel i contrajin Jerusalén o mi yom majlel i contrajin Rabá. Mi caj i pʌy tilel jini yujil bʌ wujt cha'an mi' cha'len yajcaya ti alas. Mi caj i tsʌnsʌben i majtan dioste' tac cha'an mi' q'uelben i yolmal.

Miqueas 3:11

Mi la' tempan la' chubʌ'an ya' ti Jerusalén ti' caj la' xujch'. Jini am bʌ i ye'tel mi' to'ol ñusan jontolil che' on mi' yʌq'uentel taq'uin. Jini motomajob yic'ot jini x'alt'añob mi' cha'leñob cʌntesa cha'an jach i mulʌntel taq'uin. Pero mi' lon alob: “Añonla ti' wenta lac Yum. Mach talic wocol ti lac tojlel”, lon che'ob.

Numeros 22:8

Balaam tsi' subeyob: Cʌlen to la wʌle ti ili ac'ʌlel. Ijc'ʌl to mic subeñetla chuqui mi' tsictesʌbeñon lac Yum, che'en. Jini cha'an tsa' poj cʌleyob ti jini ac'ʌlel ti' yotot Balaam.

Numeros 23:23

Ma'anic xwujtob mu' bʌ mejlel i contrajiñob Jacob. Ma'anic jini payxo x'alt'añob mu' bʌ mejlel i p'ajob. Mux caj i tsictiyel, Dios mi' contrajin xjontolilob ti ñuc bʌ i p'ʌtʌlel.

Numeros 24:1

Wen ña'tʌbilix i cha'an Balaam mux caj i yʌq'ueñob i yutslel i t'an israelob jini lac Yum. Jini cha'an ma'anix tsa' majli i taj lac Yum che' bajche' ti ñaxan yic'ot che' ti' cha'yajlel cha'an mi' yubin chuqui mi' yʌl lac Yum Dios, pero toj jach tsa' majli i ñajti q'uel jini ya' bʌ añob ti' tiquiñal pañimil.

Romanos 16:18

Come jini mu' bʌ i cha'leñob bajche' jini ma'anic mi' jac'ob chuqui yom lac Yum Jesucristo. Jini jach mi' jac'ob chuqui yom i tsucul pusic'al. Ti maña jax bʌ t'an yic'ot ti uts bʌ t'an mi' lotiñob jini mach bʌ añobic i ña'tʌbal.

Tito 1:11

Yom mi' tijq'uelob come ti' caj i t'an woli' laj cʌyob jini wen t'an ti cabʌl otot. Woli' cʌntesañob chuqui mach tojic cha'an mi' tajob taq'uin.

Josue 13:22

Jini israelob tsi' tsʌnsayob ja'el Balaam jini yujil bʌ wujt, i yalobil Beor. Tsi' tsʌnsayob yaño' bʌ ja'el.

2 Pedro 2:15

Tsa'ix i cʌyʌyob jini toj bʌ bij. Sajtemob. Tsi' tsajcʌbeyob majlel i bijlel Balaam, i yalobil Beor tsa' bʌ i mulʌbe i chobejtʌbal jontolil.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.