Numeros 22:6 - Chol: I T’an Dios

⁶ Awocolic yom ma' majlel quic'ot lojon ti ora cha'an ma' p'ajob, come ma'anic c p'ʌtʌlel lojon ti' tojlelob. Cujil muc'ʌch i coltʌntel jini mu' bʌ a coltan ti' yutslel a t'an. Cujil ja'el muc'ʌch i jisʌntelob jini mu' bʌ a p'ajob”. Che'ʌch yom mi la' suben, che'en.

Chol de Tumbalá Bible

⁶ Awocolic yom ma' majlel quic'ot lojon ti ora cha'an ma' p'ajob, come ma'anic c p'ʌtʌlel lojon ti' tojlelob. Cujil muc'ʌch i coltʌntel jini mu' bʌ a coltan ti' yutslel a t'an. Cujil ja'el muc'ʌch i jisʌntelob jini mu' bʌ a p'ajob”. Che'ʌch yom mi la' suben, che'en.

Jiñi Tsiji' bʌ Wen T'añ cha'añ Estudio

⁶ Awocolic, yom ma' tilel ti ora cha'añ ma' ch'ʌc jiñi wiñicob x'ixicob, come ñumen p'ʌtʌlob tic tojlel lojon; tic'ʌl che' jiñi muc'ʌch i mejlel c mʌlben lojon cha'añ mic choc lojon loq'uel ti ili lum, come cujil muc'ʌch i taj i wenlel jiñi mu' bʌ a wʌq'uen i yutslel a t'añ, yic'ot jiñi mu' bʌ a ch'ʌc mi caj i taj wocol.”

Numeros 22:6 Iomraidhean Croise

Genesis 12:3

Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Genesis 27:29

La' i yumañetob winicob ti mojt ti mojt. La' i c'uchchocoñob i bʌ jini tejclumob ti a tojlel. La' i yumañet a pi'ʌlob. La' i c'uchchocoñob i bʌ a wijts'iñob ti a tojlel. La' chojquicob loq'uel pejtel mu' bʌ i p'ajet. La' i tajob i yutslel Dios pejtel mu' bʌ i yʌq'ueñet i yutslel i t'an, che'en.

1 Reyob 22:13

Jini winic tsa' bʌ c'oti i pʌy Micaías tsi' sube: Pejtel jini yambʌ x'alt'añob wen uts'at bajche' woliyob ti t'an ti' tojlel jini rey. Jini cha'an yom ma' laj a t'an yic'otob cha'an uts'at mi' q'uelet jini rey, che'en.

1 Reyob 22:6

I rey israelob tsa' caji i tempan jumbajc' x'alt'añob. Tsi' c'ajtibeyob: Subeñon mi yom mic majlel ti guerra ti' contra Ramot ti Galaad, o mi mach yomic, che'en. Jini payxo bʌ x'alt'añob tsi' jac'beyob: Yomcu ma' majlel, come lac Yum mi caj i yʌc' ti a c'ʌb, che'ob.

1 Reyob 22:8

Jini rey ti Israel tsi' jac'be: Ancu juntiquil x'alt'an i cha'an lac Yum, jiñʌch Micaías (i yalobil Imla). Mu'cu mejlel laj c'ajtiben, pero ts'a' mij q'uel jini winic, come ti pejtelel ora ma'anic mi' subeñon chuqui wen. Jini jach tsʌts tac bʌ mi' subeñon, che'en. Josafat tsi' sube Acab: Mach ma' cha'len t'an che' bajche' jini. Pʌyʌ, che'en.

Nehemias 13:2

Come ma'anic tsa' loq'ui i yʌq'ueñob waj yic'ot ja' jini israelob che' bʌ tsi' c'ajtibeyob. Tsi' yʌq'ueyob Balaam i tojol cha'an mi' p'ajob. Dios tsi' mʌctʌbe i p'ajoñel. Tsi' yʌq'ue i cha'len wen bʌ t'an.

Salmos 109:28

Che' ma' pʌsbeñon i yutslel a t'an, ma'anic mic bʌc'ñan i p'ajoñel. La' i yubiñob quisin jini j contrajob, pero la' ñuc'ac c pusic'al come a winicon.

Proverbios 26:2

Jini xpuruwoc yic'ot x'ajlum che' jach mi' wejlel ñumel che' ma'anic mi' taj i t'uchlib. Che' ja'el i t'an xp'ajoñel ñumel jach mi' majlel. Ma'anic chuqui mi' tumbeñonla che' ma'anic lac mul.

Ezequiel 13:6

Mi' lon q'uelob chuqui mach isujmic. Mi' ñopob lot. Mi' lon alob: Che'ʌch tsi' yʌlʌ lac Yum, che'ob, pero mach chocbilic majlel c cha'an. Woli' lon ña'tañob che'ʌch mi caj i yujtel che' bajche' woli' yʌlob.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

Numeros 22:12

Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Numeros 22:17

Tsa'ix i yʌc'ʌ i t'an. Muq'uic a majlel, muq'uix i wen p'iset ti wenta. Chuqui jach ma' c'ajtiben mi caj i yʌq'ueñet. Jini cha'an jac'beñon lojon. Conla ti ora cha'an ma' p'ajbeñon lojon jini israelob, che'ob jini xpʌyojelob, come che'ʌch tsi' wʌn subeyob jini Balac.

Numeros 23:13

Balac tsi' sube: Conla ti yambʌ ajñibʌl ba' mi caj a q'uel lamital jini israelob, ba' mach laj tsiquilobic. Awocolic, aq'ueñob wocol jini lʌc'ʌl bʌ jomolob ti a tojlel, che'en.

Numeros 23:27

Balac tsi' sube ti wocol t'an: Conla ti yambʌ ajñibʌl mu' bʌ caj c pʌsbeñet. Tic'ʌl mi ya'i Dios mi caj i jac' chuqui com cha'an mi' yʌq'ueñet a p'ʌtʌlel ti p'ajoñel, che'en.

Numeros 24:9

Mi' cha'leñob wʌyel che' bajche' bajlum. Bʌbʌq'uen che' mi' ñijcʌntel ch'ojyel i ña' bajlum. Tijicñayob pejtelel mu' bʌ i coltañob israelob, pero mux caj i tajob wocol jini mu' bʌ i p'ajob. Che' tsi' cha'le t'an Balaam.

Hechos 16:16

Ti yambʌ q'uin che' tsajniyon lojon ba' mi' cha'leñob oración, juntiquil xch'oc am bʌ i xibʌjlel tsa' bʌ mejli i subeñob winicob chuqui tac tal, tsi' tajayon lojon ti bij. I yumob tsi' wen cha'leyob ganar cha'an i ye'tel.

Deuteronomio 23:4

Come ma'anic tsi' ch'ʌmbeyetla tilel i bʌl la' ñʌc' ya' ti bij che' bʌ tsa' loq'uiyetla ti Egipto. Tsi' yʌq'ueyob i majtan jini Balaam (i yalobil Beor am bʌ ti Petor ti Mesopotamia) cha'an mi' p'ajetla.

Josue 24:9

Ti wajali che' yumʌlʌch Balac i yalobil Zipor ti' tojlel moabob tsa' caji' contrajiñob jini israelob. Tsi' choco ti pʌyol Balaam i yalobil Beor cha'an mi' ch'ʌquetla.

1 Samuel 17:43

Tsa' caji' yʌ'len David: ¿Ts'i'on ba cha'an ma' tilel a tajon yic'ot te'? che'en. Tsa' caji' p'aj ti leco bʌ t'an ti' c'aba' i dios tac.