Numeros 22:5 - Chol: I T’an Dios

⁵ Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum.

Chol de Tumbalá Bible

⁵ Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum.

Jiñi Tsiji' bʌ Wen T'añ cha'añ Estudio

⁵ tsi' choco majlel wiñicob ti Pector ba'añ Balaam i yalobil Beor, am bʌ ti' t'ejl colem ja' i c'aba' Éufrates ya' ba' chumul i p'olbalob, cha'añ mi' pʌyob tilel Balaam. Jiñi wiñicob tsi' su'beyob: “Junmojt wiñicob x'ixicob tsa' bʌ loq'uiyob tilel ti Egipto, woli' mʌctañob ca'bʌl lum, tsa'ix juliyob ti chumtʌl tic tojel lojon.

Numeros 22:5 Iomraidhean Croise

Genesis 13:16

Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Salmos 105:24

Lac Yum tsi' yʌc'ʌ ti p'ojlel i yalobilob. Che' wen cabʌlobix ñumen an i p'ʌtʌlel bajche' i contrajob.

Exodo 10:15

Como tsa' mujliyi pejtel jini lum ti sajc'. Tsi' mʌcbe i sʌclel pañimil. Tsi' jisa pejtel pimel yic'ot pejtel i wut te' tsa' bʌ cʌle che' bʌ tsa' ñumi tuñija'. Ma'anix yʌjyʌx bʌ mi yopol te' mi pimel ti pejtelel i lumal egiptojob.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

Numeros 23:7

Tsa' caji ti t'an Balaam: C'ʌlʌl ti Aram tsi' choco majlel winicob Balac cha'an mi' pʌyon tilel. Jiñʌch rey ti Moab, chumul bʌ ti wits ti' tojel i pasibal q'uin. Tsi' subeyon: Yom ma' tilel cha'an ma' p'aj i p'olbalob Jacob cha'an ma' p'aj jini israelob, che'en.

Numeros 31:8

Che' ja'el tsi' tsʌnsayob jo'tiquil rey ti Madián temel yic'ot i winicob. Jiñobʌch Eví yic'ot Requem, yic'ot Zur, yic'ot Hur, yic'ot Reba. Tsi' tsʌnsayob ja'el Balaam i yalobil Beor.

Deuteronomio 23:4

Come ma'anic tsi' ch'ʌmbeyetla tilel i bʌl la' ñʌc' ya' ti bij che' bʌ tsa' loq'uiyetla ti Egipto. Tsi' yʌq'ueyob i majtan jini Balaam (i yalobil Beor am bʌ ti Petor ti Mesopotamia) cha'an mi' p'ajetla.

Deuteronomio 23:5

Lac Yum Dios ma'anic tsi' ñich'tʌbe i t'an Balaam. Tsi' yʌq'ueyetla i yutslel i pusic'al ti' q'uexol i p'ajoñel Balaam, come c'ux mi' yubiñetla lac Yum Dios.

Josue 13:22

Jini israelob tsi' tsʌnsayob ja'el Balaam jini yujil bʌ wujt, i yalobil Beor. Tsi' tsʌnsayob yaño' bʌ ja'el.

Josue 24:9

Ti wajali che' yumʌlʌch Balac i yalobil Zipor ti' tojlel moabob tsa' caji' contrajiñob jini israelob. Tsi' choco ti pʌyol Balaam i yalobil Beor cha'an mi' ch'ʌquetla.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.

Apocalipsis 2:14

Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.