Numeros 22:36 - Chol: I T’an Dios

³⁶ Che' bʌ tsi' yubi Balac lʌc'ʌlix yom c'otel Balaam, tsa' tili i taj ya' ti colem ja' i c'aba' Arnón ya' ba' jaxʌl i lumal Moab.

Chol de Tumbalá Bible

³⁶ Che' bʌ tsi' yubi Balac lʌc'ʌlix yom c'otel Balaam, tsa' tili i taj ya' ti colem ja' i c'aba' Arnón ya' ba' jaxʌl i lumal Moab.

Jiñi Tsiji' bʌ Wen T'añ cha'añ Estudio

³⁶ Che' bʌ tsi' yu'bi Balac cha'añ wolʌch i tilel Balaam, tsa' loq'ui tilel i taj ya' ti tejclum i c'aba' Moab am bʌ ti ti' jiñi colem ja' i c'aba' Arnón, ya' ba' jaxʌl i lumob.

Numeros 22:36 Iomraidhean Croise

Genesis 14:17

Tsa' sujti Abram che' bʌ tsi' t'uchta Quedorlaomer yic'ot jini reyob tsa' bʌ i pi'leyob ti guerra. Tsa' tili i rey Sodoma cha'an mi' taj Abram ti joctʌl i c'aba' Save, i Joctʌl Rey.

Genesis 18:2

Tsa' caji' can q'uel pañimil. Awilan, ix tilelob uxtiquil winicob. Che' bʌ tsi' q'ueleyob, tsa' loq'ui ti pisil bʌ i yotot. Ajñel tsa' majli i tajob. Tsi' pʌcchoco i bʌ ti lum.

Genesis 46:29

José tsi' cʌchʌ i carreta ti' yʌlac'. Tsa' tili i taje' Israel i tat ya' ti Gosén. Tsi' cha' ac'ʌ i bʌ ti cʌjñel. Tsi' tul meq'ue. Jal tsi' cha'le uq'uel.

Exodo 18:7

Moisés tsa' majli i taj i nij'al. Tsi' c'uchchoco i bʌ. Tsi' ts'ujts'ube i c'ʌb. Tsi' c'ajtibeyob i bʌ bajche' añob. Tsa' tem ochiyob ti otot.

Isaias 16:2

Che' bajche' mi' lon cha'len wejlel jini mut mach bʌ anix i c'u', che'ʌch ja'el mi caj i ñumelob jini x'ixicob moabob ya' ti c'axib ja' am bʌ ti colem ja' i c'aba' Arnón.

Jeremias 48:20

Jisʌbilix i yumʌntel Moab, jisʌbilix i ñuclel. Cha'lenla oñel yic'ot uq'uel. Subeñob xchumtʌlob ti' ti' jini Arnón cha'an jisʌbilix Moab.

Numeros 22:35

I yángel lac Yum tsi' sube Balaam: Cucu a wic'ot jini winicob, pero jini jach ma' sub ili c t'an mu' bʌ caj c subeñet, che'en. Che' jini tsi' chʌn cha'le xʌmbal majlel Balaam yic'ot i winicob Balac.

Numeros 22:37

Balac tsi' sube: ¿Mach ba anic tsac pʌyʌyet ti wocol t'an? ¿Chucoch ma'anic tsa' tiliyet ti ora ba' añon? ¿Mach ba mejlic cʌq'ueñet cabʌl a ñuclel? che'en.

Hechos 28:15

Che' bʌ tsi' yubiyob ya' ti Roma c'otemonix lojon, jini hermanojob tsa' tiliyob i tajon lojon ya' ba'an choñoñibʌl tac ti Apio. Yaño' bʌ tsi' tajayon lojon ya' ti Tres Tabernas. Tsa' ñuc'a i pusic'al Pablo che' bʌ tsi' q'ueleyob. Tsi' sube Dios wocolix i yʌlʌ.

Deuteronomio 2:24

Tsi' yʌlʌ lac Yum: “Tejchenla ti ora. C'axenla ya' ti ñoja' i c'aba' Arnón. Come tsa'ix cʌq'ueyetla ti la' wenta jini rey Sehón jini amorreo am bʌ ti Hesbón yic'ot pejtelel i lum. Jini cha'an ochenla ya' ti' lumob. Techela guerra ti' tojlelob.

Deuteronomio 3:8

Ti jim bʌ ora tsa' lac chilbeyob i lum jini cha'tiquil reyob amorreojob pejtel jini lum am bʌ ti' tojel Jordán ba' mi' pasel q'uin. Ya' jaxʌl ti' jajp ja' i c'aba' Arnón yic'ot ti wits i c'aba' Hermón.

Juezob 11:18

Ti wi'il tsa' caji i xoyob i bijlel ya' ti colem bʌ i tiquiñal pañimil. Tsi' wersa xoyoyob i bijlel ya' ti Edom yic'ot ti' lum Moab c'ʌlʌl tsa' c'otiyob ti' tojel Moab ba' mi' pasel q'uin. Tsa' c'otiyob ti jijlel ya' ti junwejl jini Arnón ja'. Ma'anic tsa' wis ochi ya' ti' lum Moab, come ya' ti Arnón ja' ya' jaxʌl i lumob jini Moab.

1 Samuel 13:10

Che' ujtel jax to i pul jini majtañʌl, awilan tsa' caji' q'uel ya'ix tilel Samuel. Che' jini Saúl tsa' majli i taj cha'an mi' yʌq'uen cortesía.