Numeros 22:34 - Chol: I T’an Dios

³⁴ Che' jini Balaam tsi' subu i bʌ: Isujm tsa'ix c taja c mul. Ma'anic tsac ña'ta mi wʌ' wa'alet ti bij cha'an ma' mʌctañon. Wʌle mi mach a womic mic majlel ba'an Balac, mux c cha' sujtel majlel, che'en.

Chol de Tumbalá Bible

³⁴ Che' jini Balaam tsi' subu i bʌ: Isujm tsa'ix c taja c mul. Ma'anic tsac ña'ta mi wʌ' wa'alet ti bij cha'an ma' mʌctañon. Wʌle mi mach a womic mic majlel ba'an Balac, mux c cha' sujtel majlel, che'en.

Jiñi Tsiji' bʌ Wen T'añ cha'añ Estudio

³⁴ Jiñi cha'añ Balaam tsi' su'be i yángel lac Yum: —Tsa'ix c taja c mul, come ma'añic tsa' c ña'ta mi wʌ' wa'alet ti bij cha'añ ma' mʌctañon; pero wʌle, mi mach uts'atic ma' q'uel, mux c cha' sujtel majlel.

Numeros 22:34 Iomraidhean Croise

2 Samuel 12:13

David tsi' sube: Tsa'ix c cha'le mulil ti' contra lac Yum, che'en. Natán tsi' sube: Lac Yum tsa'ix i ñusʌbeyet a mul. Ma'anic ma' cajel ti chʌmel.

1 Cronicas 21:7

Che' ja'el lac Yum mach uts'atic tsi' q'uele i tsicol winicob. Jini cha'an lac Yum tsi' yʌq'ueyob wocol jini israelob.

Salmos 78:34

Che' woli' jisañob Dios, tsa' caji i sʌclañob. Tsi' cha' sutq'uiyob i bʌ ba'an Dios. Tsa' caji i sʌclañob ti jump'ejl i pusic'al.

Exodo 9:27

Faraón tsi' pʌyʌ Moisés yic'ot Aarón. Tsi' subeyob: Wolix c ña'tan c mul wʌle. Tojʌch la' Yum. Joñon quic'ot c pi'ʌlob an lojon c mul.

Proverbios 24:18

ame ts'a'ic mi' q'uelet lac Yum che' jini, ame c'axic i mich'ajel Dios ti a tojlel.

Numeros 11:1

Jini winicob tsa' cajiyob ti wʌlwʌl a'leya ti' tojlel lac Yum cha'an mach tijicñayobic. Lac Yum tsi' yubibeyob i t'an. Tsa' wen mich'a. Tsi' choco jubel c'ajc. Tsa' caji i jisañob ya' ti junwejl i lum.

Numeros 14:40

Che' ti yijc'ʌlal wen sebto tsa' ch'ojyiyob. Tsa' cajiyob ti letsel majlel ya' ti chan bʌ wits. Tsi' yʌlʌyob: Wolix c ña'tan lojon an lojon c mul cha'an ma'anic tsac jac'ʌ lojon c pʌyol, pero chajpʌbilonix lojon cha'an mic majlel lojon ti jini lum tsa' bʌ i ña'ta i yʌq'ueñonla lac Yum Dios, che'ob.

Numeros 22:12

Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Numeros 22:33

Jini burro tsi' q'ueleyon. Jini cha'an uxyajl tsi' tʌts'ʌ i bʌ tic tojlel. Machic tsi' tʌts'ʌ i bʌ tic tojlel tsac tsʌnsayet, pero tsac p'unta jini burro, che'en.

1 Samuel 15:24

Saúl tsi' sube Samuel: Isujm tsac taja c mul. Tsac ñusʌbe i t'an lac Yum yic'ot a t'an cha'an mic tajben i yutslel i t'an winicob. Jini cha'an tsac jac'beyob i t'an.

1 Samuel 15:30

Saúl tsi' yʌlʌ: Isujm tsa'ix c taja c mul, pero ti wocol t'an mij c'ajtibeñet cha'an ma' q'uelon ti ñuc ti' tojlel jini xñoxtacob ila tic tejclum yic'ot ti' tojlel israelob. Che' jini mi caj c ch'ujutesan a Yum Dios, che'en.

1 Samuel 24:17

Saúl tsi' yʌlʌ: Ñumen tojet calobil che' bajche' joñon. Tsa'ix a pʌsbeyon a wutslel. Pero jontol tsac pʌsʌ c bʌ ti a tojlel.

1 Samuel 26:21

Saúl tsi' jac'ʌ: Tsa'ix c cha'le mulil. Sujten, calobil David. Ma'anix mi caj c tic'lañet, come sajmʌl tsa' pʌsbeyon i yutslel a pusic'al. Tontojon. Ñucʌch c sajtemal, che'en.