Numeros 22:32 - Chol: I T’an Dios

³² I yángel lac Yum tsi' sube: ¿Chucoch uxyajl tsa' to'o jats'ʌ a burro? Tilemon cha'an mic mʌctañet cha'an a jontolil, ame jisʌntiquet cha'an jini chuqui woli bʌ a ña'tan a mel.

Chol de Tumbalá Bible

³² I yángel lac Yum tsi' sube: ¿Chucoch uxyajl tsa' to'o jats'ʌ a burro? Tilemon cha'an mic mʌctañet cha'an a jontolil, ame jisʌntiquet cha'an jini chuqui woli bʌ a ña'tan a mel.

Jiñi Tsiji' bʌ Wen T'añ cha'añ Estudio

³² I yángel lac Yum tsi' su'be: —¿Chucoch uxyajl tsa' jats'ʌ i ña'al a burro? Joñon tsa' loq'ui c mʌctañet, come jiñi a bijlel mach tojic tic tojlel.

Numeros 22:32 Iomraidhean Croise

Salmos 145:9

Lac Yum mi' pʌsbeñob i yutslel i pusic'al pejtel winicob x'ixicob. Mi' p'untañob come laj i melbalʌch.

Salmos 147:9

Mi' yʌq'uen i buc'bal alʌc'ʌl Yic'ot i yal xwachin che' mi' yuc'tan.

Salmos 36:6

C'ax ñuc a tojel bajche' jini wits tsa' bʌ a mele. Lajal a meloñel bajche' tam bʌ ñajb mach bʌ cʌmbilic ti pejtelel. C Yum, wola' cʌntan winicob x'ixicob yic'ot pejtelel bʌte'el ja'el.

Proverbios 14:2

Jini mu' bʌ i yajñel ti toj woli' bʌc'ñan lac Yum, pero jini sojquem bʌ i bijlel woli' ts'a'len lac Yum.

Proverbios 16:2

Winicob mi' lon ña'tañob sʌc pejtel i bijlel, pero lac Yum mi' laj ch'ʌm ti' wenta bajche' an lac pusic'al.

Proverbios 28:18

Jini mu' bʌ i mel chuqui toj mi' caj ti cʌntʌntel ti Dios. Jini cha'p'ejl jax bʌ i pusic'al mu' bʌ i mel jontolil mi' caj ti jilel.

Proverbios 28:6

Jini pobre mu' bʌ i cha'len xʌmbal ti toj bʌ i pusic'al ñumen tijicñayʌch bajche' jini socol bʌ i bijlel mu' bʌ i yotsan i bʌ ti rico.

Jonas 4:11

¿Mach ba yomic mic p'untan Nínive jini colem tejclum? Ya' añob ñumen ti wʌcc'al ti mil winicob x'ixicob mach bʌ i cʌñʌyobic c t'an. Lajalob bajche' alʌlob mach bʌ anic mi' ña'tañob baqui bʌ i ñoj mi baqui bʌ i ts'ej. Ya'an cabʌl alʌc'ʌl tac ja'el, che'en lac Yum.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

Numeros 22:20

Ti jim bʌ ac'ʌlel lac Yum tsi' sube Balaam: Mi tsa' tiliyob ili winicob cha'an mi' pʌyetob majlel, mi wersa a wom majlel, cucu a wic'otob, pero jini jach mi caj a sub jini mu' bʌ c subeñet, che'en lac Yum Dios.

Numeros 22:22

Pero tsa' wen mich'a lac Yum cha'an tsa' majli Balaam yic'otob. I yángel lac Yum tsa' majli i mʌctan ti bij che' c'ʌchʌl woli' majlel yic'ot cha'tiquil i yaj e'telob.

Numeros 22:28

Che' jini lac Yum tsi' yʌc'ʌ ti t'an jini burro. Tsa' caji i suben Balaam: ¿Chuqui tsac tumbeyet cha'an uxyajlix tsa' to'o jats'ʌyon? che'en.

Numeros 22:33

Jini burro tsi' q'ueleyon. Jini cha'an uxyajl tsi' tʌts'ʌ i bʌ tic tojlel. Machic tsi' tʌts'ʌ i bʌ tic tojlel tsac tsʌnsayet, pero tsac p'unta jini burro, che'en.

Numeros 22:35

I yángel lac Yum tsi' sube Balaam: Cucu a wic'ot jini winicob, pero jini jach ma' sub ili c t'an mu' bʌ caj c subeñet, che'en. Che' jini tsi' chʌn cha'le xʌmbal majlel Balaam yic'ot i winicob Balac.

Hechos 13:10

Tsi' sube: But'ulet ti cabʌl lot yic'ot cabʌl jontolil. I yalobilet xiba. I contrajet pejtelel chuqui tac toj. ¿A wom to ba a chʌn xoyben jini toj bʌ i bijlel lac Yum?

Deuteronomio 23:4

Come ma'anic tsi' ch'ʌmbeyetla tilel i bʌl la' ñʌc' ya' ti bij che' bʌ tsa' loq'uiyetla ti Egipto. Tsi' yʌq'ueyob i majtan jini Balaam (i yalobil Beor am bʌ ti Petor ti Mesopotamia) cha'an mi' p'ajetla.

Deuteronomio 25:4

Mach yomic ma' wʌq'uen i bosal wacax mu' bʌ i t'uchtan loq'uel i wut trigo.