Numeros 22:12 - Chol: I T’an Dios

¹² Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Chol de Tumbalá Bible

¹² Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Jiñi Tsiji' bʌ Wen T'añ cha'añ Estudio

¹² Che' jiñi Dios tsi' su'be Balaam: —Mach yomic ma' majlel a wic'otob, mach a ch'ʌc c wiñicob come tsa'ix cʌq'ueyob i yutslel c t'añ.

Numeros 22:12 Iomraidhean Croise

Genesis 12:2

Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

2 Cronicas 31:10

Azarías jini ñuc bʌ motomaj (i pi'ʌl bʌ Sadoc) tsi' jac'be: Jiñʌch diezmo tac. C'ʌlʌl che' bʌ tsa' caji i ch'ʌmob tilel i yofrenda ti' yotot lac Yum, jasʌlon lojon. Uts'at mic cha'len lojon we'el. Cabʌl woli' tempʌyel i colojbal, come lac Yum woli' wen coltan jini tejclumob. Jini cha'an tsa' wen tempʌyi cabʌl chubʌ'añʌl, che'en.

Salmos 144:15

Tijicña mi' yajñelob jini winicob x'ixicob. Tijicñayob come i cha'añob Dios, lac Yum.

Salmos 146:5

Tijicña mu' bʌ i taj i coltʌntel ti' Dios Jacob. Ñʌch'ʌl i pusic'al woli' pijtan lac Yum, come jiñʌch i Dios.

Isaias 61:9

Mi caj la' cʌjñel ti' tojlel yan tac bʌ tejclum cha'an mero i p'olbaletla Israel. Majqui jach mi' q'ueletla mi caj i ña'tan c'uxbibiletla c cha'an. Che' tsi' yʌlʌ lac Yum.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

Numeros 22:11

“Awilan jini winicob loq'uemo' bʌ ti Egipto woli' wen mʌctañob lum. Awocolic la' tiq'uiyob. Tic'ʌl mi che' jini mi mejlel cajñesan lojon loq'uel”, che'ob. Che' tsi' yʌlʌ Balaam.

Numeros 22:13

Che' bʌ tsa'ix ch'ojyi Balaam che' ti wen sʌc'ajel, tsi' subeyob i yaj e'telob Balac: Cha' cucuxla ti sujtel ti la' lumal, come lac Yum mach yomic i chocon majlel, che'en.

Numeros 22:6

Awocolic yom ma' majlel quic'ot lojon ti ora cha'an ma' p'ajob, come ma'anic c p'ʌtʌlel lojon ti' tojlelob. Cujil muc'ʌch i coltʌntel jini mu' bʌ a coltan ti' yutslel a t'an. Cujil ja'el muc'ʌch i jisʌntelob jini mu' bʌ a p'ajob”. Che'ʌch yom mi la' suben, che'en.

Numeros 23:23

Ma'anic xwujtob mu' bʌ mejlel i contrajiñob Jacob. Ma'anic jini payxo x'alt'añob mu' bʌ mejlel i p'ajob. Mux caj i tsictiyel, Dios mi' contrajin xjontolilob ti ñuc bʌ i p'ʌtʌlel.

Numeros 23:3

Balaam tsa' caji i suben: Wa'i to ti' t'ejl jini majtañʌl woli bʌ a wʌq'uen lac Yum jinto mic cha' tilel, come an ba' mic majlel. Tic'ʌl mux i tilel i tajon lac Yum. Che' jini mic cha' tsictesʌbeñet chuqui mi' subeñon, che'en. Tsa' majli Balaam.

Numeros 23:8

¿Bajche' mi caj c lon mich'len jini winicob che' mach mich'ic Dios? ¿Bajche' mi caj c lon a'leñob winicob che' ma'anic woli' yʌ'leñob lac Yum?

Numeros 24:9

Mi' cha'leñob wʌyel che' bajche' bajlum. Bʌbʌq'uen che' mi' ñijcʌntel ch'ojyel i ña' bajlum. Tijicñayob pejtelel mu' bʌ i coltañob israelob, pero mux caj i tajob wocol jini mu' bʌ i p'ajob. Che' tsi' cha'le t'an Balaam.

Mateo 27:19

Che' ja'el, che' buchul Pilato ti meloñibʌl, i yijñam tsi' chocbe tilel t'an. Tsi' yʌlʌ: Mach yomic chuqui ma' tumben jini toj bʌ winic, come sajmʌl tsa cubi cabʌl wocol tic ñajal cha'an jini winic, che'en.

Romanos 11:29

Dios ma'anic mi' q'uextan i pusic'al che' mi' yʌq'ueñonla lac majtan. Ma'anic mi' q'uextan i pusic'al che' mi' pʌyonla.

Efesios 1:3

La' sujbic i ñuclel Dios, i Tat lac Yum Jesucristo tsa' bʌ i yʌq'ueyonla ti lac majtan ya' ti panchan pejtel chuqui uts'at ti Cristo.

Deuteronomio 2:7

Come la' Yum Dios tsa'ix i wen cʌntayetla. Tsi' wen q'ueleyetla che' bʌ tsa' ñumiyetla ti pejtelel ili colem bʌ i tiquiñal pañimil. Cha'c'al jab tsi' pi'leyetla la' Yum. Ma'anic chuqui anto yom la' cha'an. Che' tsi' yʌlʌ lac Yum.

Deuteronomio 23:5

Lac Yum Dios ma'anic tsi' ñich'tʌbe i t'an Balaam. Tsi' yʌq'ueyetla i yutslel i pusic'al ti' q'uexol i p'ajoñel Balaam, come c'ux mi' yubiñetla lac Yum Dios.

Deuteronomio 33:29

Wen tijicñayetla, israelob, Coltʌbiletla i cha'an lac Yum. Jiñʌch la' mʌctijib mu' bʌ i cʌntañetla, Jiñʌch la' waj coltaya i wenta bʌ espada mu' bʌ caj i yʌq'ueñet la' yumʌntel. Mi caj i pʌcchocoñob i bʌ la' contrajob ti' tojel la' wut. Mi caj i mʌjlel la' cha'an. Tsa' ujti ti t'an Moisés.

Deuteronomio 7:14

Ñumen tijicñayetla bajche' pejtelel yan tac bʌ tejclum, come ma'anic ti' la' tojlel ch'iton mi xch'oc mach bʌ anic mi caj i yʌc' i yalobil. La' wʌlac' ja'el mi caj i yʌc' i yal.