Numeros 21:34 - Chol: I T’an Dios

³⁴ Lac Yum tsi' sube Moisés: Mach yomic mi la' bʌc'ñañob, come tsa'ix cʌq'ueyetla ti la' wenta winicob x'ixicob yic'ot i lumalob. Yom ma' melbeñob che' bajche' tsa' la' melbe Sehón i rey jini amorreojob chumul bʌ ti Hesbón, che'en lac Yum.

Chol de Tumbalá Bible

³⁴ Lac Yum tsi' sube Moisés: Mach yomic mi la' bʌc'ñañob, come tsa'ix cʌq'ueyetla ti la' wenta winicob x'ixicob yic'ot i lumalob. Yom ma' melbeñob che' bajche' tsa' la' melbe Sehón i rey jini amorreojob chumul bʌ ti Hesbón, che'en lac Yum.

Jiñi Tsiji' bʌ Wen T'añ cha'añ Estudio

³⁴ Jiñi cha'añ lac Yum tsi' su'be Moisés: “Mach a bʌc'ñañob, come tsa'ix cʌq'ueyet ti a c'ʌb jiñi rey yic'ot pejtelel jiñi año' bʌ ti' lumal yic'ot i lum. Mi caj a melben che' bajche' tsa' melbe Sehón i rey jiñi amorreojob chumulo' bʌ ti Hesbón.”

Numeros 21:34 Iomraidhean Croise

2 Samuel 5:19

David tsi' pejca lac Yum: ¿Yom ba mic majlel c cha'len guerra ti' contra filisteojob? ¿Mu ba caj a wʌc'ob tij c'ʌb? che'en. Lac Yum tsi' sube David: Cucu come ti isujm mi caj c'ʌc' jini filisteojob ti a c'ʌb, che'en.

1 Reyob 20:13

Awilan juntiquil x'alt'an tsa' c'oti ba'an Acab jini rey ti Israel. Tsi' sube: Jiñʌch i t'an lac Yum: “¿Mu' ba a q'uel jini motocña bʌ soldadojob? Mi caj cotsañob ti a wenta cha'an mi' yumañetob. Che' jini mi caj a ña'tan joñon a Yumon”, che'en lac Yum. Che' tsi' yʌlʌ jini x'alt'an.

1 Reyob 20:28

I winic Dios tsa' cha' c'oti ba'an Acab jini rey ti Israel. Tsi' sube: Chocbilon tilel ti Dios cha'an mic subeñet: “Jini siriajob mi' lon ña'tañob ya' jach mi' yajñel la' Yum ti bujtʌl tac. Ma'anic mi' yajñel ti joctʌl tac lon che'ob. Jini cha'an mi caj i mʌjlel a cha'an ti' tojlel pejtel jini siriajob cha'an ma' wen ña'tan Dioson”, che'en lac Yum. Che' tsi' yʌlʌ x'alt'an.

2 Reyob 3:18

Cabʌl to mi caj i pʌsbeñetla i yutslel i pusic'al lac Yum Dios. Mi caj i yʌc' ti la' c'ʌb jini moabob.

Isaias 41:13

Come joñon a Yumon, a Dioson. Mi caj c chuquet ti ñoj bʌ a c'ʌb. Mach a cha'len bʌq'uen, come mi caj j coltañet.

Numeros 14:9

La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Deuteronomio 2:30

Pero jini rey Sehón am bʌ ti Hesbón ma'anic tsi' yʌc'ʌyonla ti c'axel ti' lum, come lac Yum Dios tsi' tsʌts'esʌbe i pusic'al cha'an mi' yʌq'ueñetla i lum Sehón. Jini cha'an tsa' la' ch'ʌmʌ ti la' wenta. La' cha'anʌch c'ʌlʌl wʌle.

Deuteronomio 20:3

“Ubinla israelob: Tempʌbiletla wʌle cha'an mi la' cha'len guerra. Mach yomic mi' c'uñ'an la' pusic'al cha'an mi la' bʌc'ñanob.

Deuteronomio 3:1

Tsa' letsiyonla majlel ti' bijlel Basán. Tsa' tili i contrajiñonla jini rey Og loq'uem bʌ ti Basán yic'ot pejtelel i winicob. Tsi' tajayonla ti Edrei.

Deuteronomio 3:11

Che' bʌ tsa' chʌmi jini rey Og chumul bʌ ti Basán, ma'anix tsa' cʌle chan bʌ winicob refimob. Melbil i wʌyib Og ti tsucu taq'uin, lotol to ti Rabá ti' wenta jini amoñob. An chʌmp'ejl metro i tamlel yic'ot cha'p'ejl metro i xujc.

Deuteronomio 31:6

P'ʌtesan la' bʌ. Yom mi la' ch'ejl'an. Mach yomic mi la' bʌc'ñañob, come lac Yum Dios temel mi caj i majlel la' wic'ot. Ma'anic mi caj i cʌyetla. Ma'anic mi caj i choquetla. Che' tsi' yʌlʌ Moisés.

Deuteronomio 7:17

Mi tsa' caji la' wʌl ti la' pusic'al: “Ñumen cabʌlob che' bajche' joñonla. ¿Bajche' mi mejlel lac choc loq'uel?” mi che'etla,

Deuteronomio 7:18

mach yomic mi la' bʌc'ñañob. Ña'tanla chuqui tsi' mele lac Yum ti' tojlel Faraón yic'ot ti' tojlelob pejtelel jini año' bʌ ti Egipto.

Deuteronomio 7:21

Mach la' bʌc'ñañob, come lac Yum Dios an la' wic'ot. Wen ñuc ajñel, wen bʌc'ñʌbil.

Deuteronomio 7:24

Dios mi caj i yʌc' ti la' c'ʌb i reyob. Jatetla mi caj la' jisʌbeñob i c'aba' ila ti pañimil. Ma'anic majqui mi caj i coltan i bʌ ti la' tojlel.

Josue 10:25

Josué tsi' yʌlʌ: Mach la' cha'len bʌq'uen. Mach yomic mi la' lij la' bʌ. Yom p'ʌtʌletla. Yom ch'ejletla. Come lac Yum che'ʌch mi caj i melbeñob pejtel mu' bʌ la' contrajin, che'en Josué.

Josue 10:8

Lac Yum tsi' sube Josué: Mach ma' cha'len bʌq'uen. Mi caj cʌq'ueñet ti a c'ʌb pejtel jini winicob. Ma'anic mi juntiquilic a contra mu' bʌ caj i mʌjlel i cha'an, che'en lac Yum.

Josue 8:7

Che' woliyonix lojon ti puts'el, yom mi la' wochel ti tejclum. Lac Yum Dios mi caj i yʌc' ti la' c'ʌb jini tejclum.

Juezob 11:30

Jefté tsi' cha'le trato ti' tojlel lac Yum. Tsi' yʌlʌ: Mi awom a wʌc' tij c'ʌb jini amoñob,

1 Samuel 23:4

Jini cha'an David tsi' cha' c'ajtibe lac Yum. Lac Yum tsi' jac'be: Juben majlel ti Keila. Joñon mi caj cʌc' ti a c'ʌb jini filisteojob, che'en.