Numeros 21:33 - Chol: I T’an Dios

³³ Tsa' cajiyob ti letsel majlel israelob ti' bijlel Basán. Pero tsa' tili i tajob jini rey Og yic'ot pejtelel i soldadojob chumulo' bʌ ti Basán. Tsa' c'oti i contrajiñob israelob ya' ti Edrei.

Chol de Tumbalá Bible

³³ Tsa' cajiyob ti letsel majlel israelob ti' bijlel Basán. Pero tsa' tili i tajob jini rey Og yic'ot pejtelel i soldadojob chumulo' bʌ ti Basán. Tsa' c'oti i contrajiñob israelob ya' ti Edrei.

Jiñi Tsiji' bʌ Wen T'añ cha'añ Estudio

³³ Ti wi'il tsa' cha' sujtiyob tilel yic'ot tsa' cha' cajiyob ti letsel ti' bijlel Basán. Tsa' loq'ui tilel jiñi rey Og am bʌ ti Basán yic'ot pejtelel i soldadojob, cha'añ mi' contrajin israelob ya' ti Edrei.

Numeros 21:33 Iomraidhean Croise

Salmos 135:11

Sehón i rey amorreojob yic'ot Og jini rey am bʌ ti Basán, Yic'ot pejtel jini reyob año' bʌ ti Canaán.

Salmos 136:20

Yic'ot Og jini rey am bʌ ti Basán, Come ti pejtelel ora an i yutslel i pusic'al.

Salmos 22:12

Woli' joyoñob cabʌl bʌbʌq'uen bʌ j contrajob, lajal bajche' tat wacax ch'oyol bʌ ti Basán.

Salmos 68:15

I cha'añʌch Dios jini wits i c'aba' Basán am bʌ cabʌl chan tac bʌ i ñi'.

Salmos 68:22

Lac Yum tsi' yʌlʌ: Mi caj c cha' pʌy loq'uel la' contrajob ti Basán yic'ot ti tam bʌ ñajb

Isaias 33:9

C'ax ch'ijiyemob jax jini año' bʌ ti Israel. Tiquinix jini te'el Líbano. Jini Sarón tsa'ix sujti ti tiquin bʌ lum. Tsa'ix laj p'ajti i yopol te' ya' ti Basán yic'ot Carmelo.

Ezequiel 27:6

Tsi' c'ʌñʌyob c'olol te' am bʌ ti Basán cha'an mi' melob remo tac. I bojte'lel a wotot tsi' meleyob ti fino bʌ te' tilem bʌ ti' ti' ja' ya' ti Quitim.

Ezequiel 39:18

Mi caj la' c'uxbeñob i bʌc'tal jini p'ʌtʌlo' bʌ. Mi caj la' japbeñob i ch'ich'el jini ñuco' bʌ i ye'tel ti pañimil. I wentajobʌch tiñʌme' tac yic'ot i yal, yic'ot tat chivo, yic'ot tat wacax laj jujp'esʌbil bʌ ya' ti Basán.

Amos 4:1

Ubinla ili t'an, x'ixicob chumulo' bʌ ti' chañelal Samaria. Jujp'emetla bajche' ña' wacax am bʌ ti Basán, come woli la' chilben i chubʌ'an jini p'ump'uño' bʌ. Mi la' tic'lan jini pobrejob. Mi la' suben la' ñoxi'al: “Ch'ʌmbeñon tilel lembal cha'an mic jap”, che'etla.

Numeros 32:33

Jini cha'an Moisés tsi' yʌq'ueyob i lum i p'olbal Rubén, yic'ot i p'olbal Gad, yic'ot ojlil i p'olbal Manasés i yalobil bʌ José. Tsa' aq'uentiyob jini lum tsa' bʌ chilbentiyob Sehón i yum amorreojob, yic'ot Og jini yumʌl ti Basán. Tsi yʌq'ueyob ja'el pejtelel i tejclum tac wa'chocobil bʌ i cha'añob ti yambʌ ora.

Deuteronomio 1:4

Ujtemix i jisan jini Sehón i rey jini amorreojob tsa' bʌ i cha'le yumʌl ti Hesbón, yic'ot ja'el Og i rey jini año' bʌ ti Basán chumul bʌ ti Astarot. Tsi jisayob Og ya' ti Edrei am bʌ ti' junwejlel Jordán ti' lumal Moab. Moisés tsa' caji i tsictesʌbeñob jini mandar tac. Tsi' yʌlʌ:

Deuteronomio 2:30

Pero jini rey Sehón am bʌ ti Hesbón ma'anic tsi' yʌc'ʌyonla ti c'axel ti' lum, come lac Yum Dios tsi' tsʌts'esʌbe i pusic'al cha'an mi' yʌq'ueñetla i lum Sehón. Jini cha'an tsa' la' ch'ʌmʌ ti la' wenta. La' cha'anʌch c'ʌlʌl wʌle.

Deuteronomio 29:7

Che' bʌ tsa' juliyetla ila ti lum, tsa' loq'uiyob i tajetla Sehón jini rey chumul bʌ ti Hesbón, yic'ot Og jini rey chumul bʌ ti Basán. Tsa' tiliyob ti guerra ti la' contra, pero tsa' lac laj jisayob.

Deuteronomio 32:14

Tsi' yʌq'ueyob lech yic'ot we'elʌl, Uts'at bʌ tat tiñʌme' tac am bʌ ti Basán, Yic'ot wen uts'at bʌ trigo. Tsi' japʌyob i ya'lel ts'usub.

Deuteronomio 4:47

Israel tsi' ch'ʌmbeyob i lum yic'ot i lum jini Og rey bʌ ti Basán, yic'ot i lum jini cha'tiquil rey tsa' bʌ i yumayob jini amorreojob ti' tojel Jordán ba' mi' pasel q'uin.

Josue 12:4

Og jini yumʌl am bʌ ti Basán, juntiquil refaím tsa' bʌ colobaji, chumul bʌ ti Astarot yic'ot ti Edrei.

Josue 13:12

yic'ot pejtelel i lumal Og ya' ti Basán, ya' ba' tsi' cha'le yumʌl ti Astarot yic'ot ti Edrei. Jini jach Og tsa' cʌle ti' tojlel i pi'ʌlob jini refaíjob. Moisés tsa' mʌjli i cha'an. Tsi' laj chocoyob loq'uel.

Josue 13:30

Mahanaim yic'ot pejtelel Basán, pejtelel i lum Og jini yumʌl ti Basán, pejtelel jini xchumtʌl tac am bʌ ti Jair ya' ti Basán, an uxc'al xchumtʌl tac.

Josue 9:10

yic'ot pejtelel tsa' bʌ i tumbeyob i yum amorreojob ya' ti junwejl jini Jordán ja' ba' mi' pasel q'uin, Sehón i yum Hesbón yic'ot Og i yum Basán am bʌ ti Astarot.