Numeros 21:29 - Chol: I T’an Dios

²⁹ ¡P'ump'un jax Moab! Jisʌbilob jini año' bʌ ti Quemos. Tsa'ix puts'iyob i yalobilob. Tsa'ix xujch'ibentiyob majlel xch'oc bʌ i yalobilob cha'an majtan e'tel ti' tojlel Sehón i rey amorreojob. Che'ʌch tsi' yʌlʌyob jini tsa' bʌ mʌjliyob i cha'an.

Chol de Tumbalá Bible

²⁹ ¡P'ump'un jax Moab! Jisʌbilob jini año' bʌ ti Quemos. Tsa'ix puts'iyob i yalobilob. Tsa'ix xujch'ibentiyob majlel xch'oc bʌ i yalobilob cha'an majtan e'tel ti' tojlel Sehón i rey amorreojob. Che'ʌch tsi' yʌlʌyob jini tsa' bʌ mʌjliyob i cha'an.

Jiñi Tsiji' bʌ Wen T'añ cha'añ Estudio

²⁹ ¡O'bol a bʌ, Moab! Tsa'ix jisʌntiyetla añet bʌ la ti Quemos. Tsa'ix puts'tesʌbentiyob majlel i yalobilob, yic'ot xch'oc bʌ i yalobilob tsa' pʌjyiyob majlel ti yam bʌ lum, ti' tojlel Sehón, i rey amorreojob.

Numeros 21:29 Iomraidhean Croise

1 Reyob 11:33

Che'ʌch mic mel cha'an tsi' cʌyʌyon Salomón. Tsi' ch'ujutesa Astoret, jini x'ixic bʌ dios i cha'an sidoñajob, yic'ot Quemos i dios moabob, yic'ot Milcom i dios amoñob. Ma'anic tsi' jac'ʌ c mandar. Ma'anic woli' mel chuqui toj tic wut. Ma'anic woli' jac'beñon c t'an che' bajche' David i tat.

1 Reyob 11:7

Tsi' melbe i yotlel dioste' i c'aba' Quemos ya' ti Olivo wits am bʌ ti' tojel Jerusalén. Jiñʌch leco bʌ i dios moabob. Tsi' melbe i yotlel Moloc, i dios amoñob.

2 Reyob 23:13

Tsi' jisa ja'el i yotlel dioste' tac am bʌ ti bujbujtʌl ti' tojel Jerusalén ya' ba' mi' pasel q'uin yic'ot ya' ti sur. Salomón tsi' melbe i yotlel Astoret i dios jini sidoñob ts'a'lebil bʌ ti Dios, yic'ot i yotlel Quemos i dios Moab, ts'a'lebil bʌ ti Dios, yic'ot i yotlel Milcom i dios amoñob, ts'a'lebil bʌ ti Dios.

Isaias 15:5

Wen ch'ijiyem mi cubin cha'an i wocol jini año' bʌ ti Moab. Mi' puts'elob majlel c'ʌlʌl ti Zoar yic'ot ti Eglat. We'ecñayob mi' letselob majlel ya' ti' witsilel Luhit. Tsiquil i yuq'uel ti' i bijlel Horonaim, come talob jini yujilo' bʌ jisaya.

Isaias 16:2

Che' bajche' mi' lon cha'len wejlel jini mut mach bʌ anix i c'u', che'ʌch ja'el mi caj i ñumelob jini x'ixicob moabob ya' ti c'axib ja' am bʌ ti colem ja' i c'aba' Arnón.

Jeremias 48:13

Ti jim bʌ ora Moab mi caj i yubin quisin cha'an tsi' c'uxbi Quemos, che' bajche' tsi' cha'le quisin i p'olbal Israel cha'an tsi' ñopoyob lot ti Betel.

Jeremias 48:45

Mi' puts'elob majlel ti Hesbón, pero ma'anic i coltʌntel come tsa'ix tejchi c'ajc ti Hesbón. Wolix ti pulel i yotot rey yic'ot jini templo tac ti Sihon i tejclum rey. Mi caj i pam ñumel jini c'ajc ti Moab. Mi caj i laj jisʌntelob i winicob tsa' bʌ i chañ'esayob i bʌ.

Jeremias 48:46

Obol a bʌ Moab. Jisʌbilob jini mu' bʌ i c'uxbiñob a dios Quemos. Cʌchbilob majlel ch'iton bʌ yic'ot xch'oc bʌ a walobilob.

Jeremias 48:7

Tsa' la' ñopo la' coltan la' bʌ ti ts'ajquibil bʌ otot ba' lotol cabʌl chubʌ'añʌl. Jini cha'an mi caj la' cʌjchel majlel yic'ot la' dios Quemos yic'ot i motomajob yic'ot i yumob.

Numeros 24:17

Wolij q'uel, pero maxto poj wʌleyic. Wolij q'uel, anquese jalto i yorajlel. Mi caj i loq'uel Ec' ti' tojlel Jacob. Mi caj i cha'len i yumʌntel ti' tojlel israelob. Mi caj i jisan winicob ti Moab, yic'ot pejtelel i yalobilob Set.

Juezob 11:24

Isujm mi mejlel a ch'ʌm jini lum mu' bʌ i yʌq'ueñet a dios Quemos. Pero pejtelel chuqui tac tsi' yʌq'ueyon lojon tic wenta c Yum lojon, wersa mic ch'ʌm lojon.