Numeros 21:25 - Chol: I T’an Dios

^25-26 Jini cha'an jini israelob tsi' laj ch'ʌmbeyob i tejclum tac amorreojob. Ya' tsa' cajiyob ti chumtʌl. Tsi' ch'ʌmʌyob ja'el Hesbón, i tejclum jini rey Sehón i yum jini amorreojob tsa'ix bʌ i cha'le guerra ti yambʌ ora ti' contra jini rey am bʌ ti Moab. Che' bʌ tsa' mʌjli i cha'an, tsi' chilbe cabʌl i lum c'ʌlʌl ti colem ja' i c'aba' Arnón.

Chol de Tumbalá Bible

^25-26 Jini cha'an jini israelob tsi' laj ch'ʌmbeyob i tejclum tac amorreojob. Ya' tsa' cajiyob ti chumtʌl. Tsi' ch'ʌmʌyob ja'el Hesbón, i tejclum jini rey Sehón i yum jini amorreojob tsa'ix bʌ i cha'le guerra ti yambʌ ora ti' contra jini rey am bʌ ti Moab. Che' bʌ tsa' mʌjli i cha'an, tsi' chilbe cabʌl i lum c'ʌlʌl ti colem ja' i c'aba' Arnón.

Jiñi Tsiji' bʌ Wen T'añ cha'añ Estudio

²⁵ Jiñi israelob tsi' laj ch'ʌmʌyob jiñi tejclum tac yic'ot tsa' ochiyob ti chumtʌl ya' ti' tejclum amorreojob ya' ti Hesbón yic'ot ti alʌ xchumtʌl tac.

Numeros 21:25 Iomraidhean Croise

Cantares 7:4

Chan a bic' che' bajche' i t'ojol jax bʌ q'ueloñib melbil bʌ ti marfil. Lajal a wut che' bajche' sʌc ja' ti Hesbón, am bʌ ti' ti' jini tejclum Batrabim. Che'ʌch a ni' bajche' Líbano am bʌ ti' tojel Damasco.

Isaias 15:4

Jini chumulo' bʌ ti Hesbón yic'ot Eleale c'am mi' cha'leñob uq'uel. Ya' tsiquil c'ʌlʌl ti Jahaza. Woliyob ti bʌq'uen jini wen ch'ejl bʌ soldadojob ti Moab. Jini cha'an mi' cha'leñob c'am bʌ oñel.

Jeremias 48:2

Ma'anix i ñuclel Moab. Ya' ti Hesbón tsi' temeyob i t'an cha'an mi' contrajiñob: “Conla. La' lac jisan”, che'ob. Ñʌch'ʌl mi caj i cʌytʌl Madmena. Mi caj i laj puts'elob i winicob, ajñesʌbilob ti espada.

Jeremias 48:34

Mi' cha'leñob c'am bʌ t'an ya' ti Hesbón yic'ot Eleale. C'ʌlʌl ti Jahaza woli' yubintel, ya' ti Zoar c'ʌlʌl ti Horonaim yic'ot ti Eglet ja'el. Woliyob ti uq'uel, come mi caj i tiquin i ya'lel jini colem ja' Nimrim.

Jeremias 48:45

Mi' puts'elob majlel ti Hesbón, pero ma'anic i coltʌntel come tsa'ix tejchi c'ajc ti Hesbón. Wolix ti pulel i yotot rey yic'ot jini templo tac ti Sihon i tejclum rey. Mi caj i pam ñumel jini c'ajc ti Moab. Mi caj i laj jisʌntelob i winicob tsa' bʌ i chañ'esayob i bʌ.

Ezequiel 16:46

Jini ñaxan bʌ a chich jiñʌch Samaria ya' bʌ chumul yic'ot xch'oc bʌ i yalobilob ti' tojel norte. Jixcu la' wijts'in jiñʌch Sodoma yic'ot i yalobilob ya' bʌ chumulob ti' tojel sur.

Ezequiel 16:49

Awilan jiñʌch i mul a wijts'in ti Sodoma. Tsi' chañ'esa i bʌ, tsi' ñaj'esa i bʌ yic'ot cabʌl i bʌl ñʌc'ʌl. Ma'anix tsi' chʌn ñopo i mel chuqui uts'at, junlajal xch'oc bʌ i yalobilob. Ma'anic tsi' coltayob jini p'ump'uño' bʌ. Ma'anic tsi' p'ʌtesayob jini año' bʌ i wocol.

Ezequiel 16:53

Pero mi caj c cha' pʌy tilel jini loq'uemo' bʌ ti Judá yic'ot jini año' bʌ ti Sodoma, yic'ot ti Samaria,

Amos 2:10

Joñon tsac pʌyʌyetla loq'uel ti' lumal Egipto. Cha'c'al jab tsac pʌyʌyetla majlel ti jochol bʌ lum cha'an mi la' ch'ʌm i lumal amorreojob.

Numeros 21:31

Jini cha'an tsa' chumleyob israelob ti' lum jini amorreojob.

Numeros 32:3

Tsi' yʌlʌyob: Anix lac cha'an cabʌl tejclum tsa' bʌ i yʌq'ueyonla lac Yum: Atarot, Dibón, Jazer, Nimra, Hesbón, Eleale, Sebam, Nebo yic'ot Beón. Lac Yum tsi' laj ac'ʌ ti' wenta israelob che' bʌ tsa' loq'uiyonla ti guerra. Wen uts'atax ili lum cha'an mic p'ol lojon wacax. Tsa'ix wen p'ojli lojon c wacax. Joñon lojon yic'ot pejtelel i yalobilob Rubén, yic'ot i yalobilob Gad a winicon lojon.

Deuteronomio 2:12

Ya' ti Seir tsa' ñaxan chumleyob jini horeojob, pero tsi' chocoyob loq'uel i yalobilob Esaú. Tsi' laj jisayob. Che' jini tsa' cajiyob ti chumtʌl ya' ti' lumob che' bajche' tsa' chumleyob jini israelob ti jini lum tsa' bʌ i yʌq'ueyob lac Yum.)

Josue 24:8

c'ʌlʌl tsac pʌyʌyetla ti' lumal jini amorreojob, chumulo' bʌ ti junwejl Jordán ja'. Che' bʌ tsi' cha'leyob guerra ti la' tojlel, joñon tsa cʌc'ʌ jini amorreojob ti la' c'ʌb. Tsa' la' ch'ʌmʌ ti la' wenta i lumob, come tsac jisayob ti la' tojlel.

Juezob 11:26

Anix jo'lujunc'al (300) jab woliyob ti chumtʌl jini israelob ya' ti Hesbón yic'ot jini xchumtʌl tac am bʌ ti' joytʌlel yic'ot ti Aroer yic'ot xchumtʌl tac, yic'ot pejtelel jini tejclum am bʌ ti' ti' Arnón ja'. ¿Chucoch ma'anic tsa' toj ch'ʌmʌ ti jim bʌ ora?