Numeros 21:24 - Chol: I T’an Dios

²⁴ Pero jini israelob tsi' laj jisayob ti espada. Tsa' ochi i laj ch'ʌmbeñob i lum c'ʌlʌl ti Arnón ja' c'ʌlʌl ti Jaboc ja' ba' jaxʌl i lumal amoñob, come wen wits i cayajonlel i lumal.

Chol de Tumbalá Bible

²⁴ Pero jini israelob tsi' laj jisayob ti espada. Tsa' ochi i laj ch'ʌmbeñob i lum c'ʌlʌl ti Arnón ja' c'ʌlʌl ti Jaboc ja' ba' jaxʌl i lumal amoñob, come wen wits i cayajonlel i lumal.

Jiñi Tsiji' bʌ Wen T'añ cha'añ Estudio

²⁴ Pero jiñi israelob tsi' laj jisayob ti espada. Tsa' ochi i laj ch'ʌmbeñob i lum c'ʌlʌl ti Arnón ja' c'ʌlʌl ti Jaboc ja' ba' jaxʌl i lumal jiñi amoñob, come ya' ba' jaxʌl i lum jiñi amoñob wen cʌntʌbil.

Numeros 21:24 Iomraidhean Croise

Genesis 32:22

Tsa' ch'ojyi Jacob ti ac'ʌlel. Tsi' pʌyʌ majlel jini cha'tiquil i yijñam yic'ot jini cha'tiquil x'ixic bʌ x'e'telob yic'ot junlujuntiquil ch'iton bʌ i yalobilob. Tsa' c'axiyob ti junwejl ja' i c'aba' Jaboc.

Nehemias 9:22

Tsa' wʌq'ueyob i lumal yambʌ winicob yic'ot i yumʌntel. Tsa' t'oxbeyob i lum. Jini cha'an tsi' ch'ʌmbeyob i lum Sehón, jini rey am bʌ ti Hesbón, yic'ot i lum Og, jini rey am bʌ ti Basán.

Salmos 136:19

Sehón i rey amorreojob, Come ti pejtelel ora an i yutslel i pusic'al.

Amos 2:9

Pero joñon tsac jisa jini amorreojob tsa' bʌ i contrajiyetla. Lajal i chanlel amorreojob bajche' ch'ujte', wen tsʌtsob bajche' c'olol. Pero tsac jisayob che' bajche' te'. Tsac jisʌbe i wut am bʌ ti' c'ʌb. Tsac bocbe i wi' chucul bʌ ti lum.

Numeros 21:13

Tsa' cha' loq'uiyob ya'i. Tsa' c'otiyob ti poj chumtʌl ti' junwejlel Arnón, ya' ba'an i tiquiñal pañimil ba' jaxʌl i lum amorreojob. Jini Arnón ja' i cayajoñʌch i lumalob amorreojob yic'ot moabob. An ti yojlil ba' mi' ñup'añob i bʌ i lumal Moab yic'ot i lumal amorreojob.

Deuteronomio 1:4

Ujtemix i jisan jini Sehón i rey jini amorreojob tsa' bʌ i cha'le yumʌl ti Hesbón, yic'ot ja'el Og i rey jini año' bʌ ti Basán chumul bʌ ti Astarot. Tsi jisayob Og ya' ti Edrei am bʌ ti' junwejlel Jordán ti' lumal Moab. Moisés tsa' caji i tsictesʌbeñob jini mandar tac. Tsi' yʌlʌ:

Deuteronomio 29:7

Che' bʌ tsa' juliyetla ila ti lum, tsa' loq'uiyob i tajetla Sehón jini rey chumul bʌ ti Hesbón, yic'ot Og jini rey chumul bʌ ti Basán. Tsa' tiliyob ti guerra ti la' contra, pero tsa' lac laj jisayob.

Deuteronomio 31:4

Lac Yum mi caj i jisan i yumob jini lum che' bajche' tsi' jisa Sehón yic'ot Og, i reyob jini amorreojob, yic'ot i lumal.

Josue 13:12

yic'ot pejtelel i lumal Og ya' ti Basán, ya' ba' tsi' cha'le yumʌl ti Astarot yic'ot ti Edrei. Jini jach Og tsa' cʌle ti' tojlel i pi'ʌlob jini refaíjob. Moisés tsa' mʌjli i cha'an. Tsi' laj chocoyob loq'uel.

Josue 24:8

c'ʌlʌl tsac pʌyʌyetla ti' lumal jini amorreojob, chumulo' bʌ ti junwejl Jordán ja'. Che' bʌ tsi' cha'leyob guerra ti la' tojlel, joñon tsa cʌc'ʌ jini amorreojob ti la' c'ʌb. Tsa' la' ch'ʌmʌ ti la' wenta i lumob, come tsac jisayob ti la' tojlel.

Josue 9:10

yic'ot pejtelel tsa' bʌ i tumbeyob i yum amorreojob ya' ti junwejl jini Jordán ja' ba' mi' pasel q'uin, Sehón i yum Hesbón yic'ot Og i yum Basán am bʌ ti Astarot.

Juezob 10:11

Lac Yum tsi' jac'beyob: ¿Mach ba anic tsaj coltayetla che' bʌ tsa' la' wubi la' tic'lʌntel ti Egipto ti' tojlel amorreojob, yic'ot ti' tojlel amoñob, yic'ot ti' tojlel filisteojob,

Juezob 11:13

I rey amoñob tsi' sube i winicob Jefté: Jini israelob tsi' chilbeyoñob c lum che' bʌ tsa' loq'uiyob tilel ti Egipto. Tsi' chiliyob lum am bʌ ti Arnón ja' c'ʌlʌl ti Jaboc yic'ot ti Jordán. Jini cha'an yom ma' sutq'uibeñon c lum lojon ti' yutslel a pusic'al, che'en.

Juezob 21:8

Jini cha'an tsi' yʌlʌyob: ¿Am ba winicob ti' tojlel israelob mach bʌ anic tsa' letsiyob ba'an lac Yum ya' ti Mizpa? che'ob. Che' jini tsa' caji' ña'tañob ma'anic tsa' letsiyob tilel ba'an lac Yum jini año' bʌ ti Jabes Galaad mi juntiquilic.