Numeros 20:6 - Chol: I T’an Dios

⁶ Che' jini Moisés yic'ot Aarón tsi' tʌts'ʌyob i bʌ ti' tojlel i pi'ʌlob ba' chumulob. Tsa' majliyob ti' ti' Tabernáculo cha'an mi' ñochtañob Dios. Tsi' pʌcchocoyob i bʌ. I ñuclel lac Yum tsa' bʌc' tsictiyi ti' tojlelob.

Chol de Tumbalá Bible

⁶ Che' jini Moisés yic'ot Aarón tsi' tʌts'ʌyob i bʌ ti' tojlel i pi'ʌlob ba' chumulob. Tsa' majliyob ti' ti' Tabernáculo cha'an mi' ñochtañob Dios. Tsi' pʌcchocoyob i bʌ. I ñuclel lac Yum tsa' bʌc' tsictiyi ti' tojlelob.

Jiñi Tsiji' bʌ Wen T'añ cha'añ Estudio

⁶ Moisés yic'ot Aarón tsi' tʌts'ʌyob i bʌ ti' tojlel i pi'ʌlob, tsa' majliyob ti ti' jiñi Tabernáculo ba' mi' tempañob i bʌ, tsi' ñucchocoyob i bʌ. Che' jiñi tsa' tsictiyi i ñuclel lac Yum ti' tojlelob.

Numeros 20:6 Iomraidhean Croise

1 Cronicas 21:16

Che' bʌ tsi' ts'ita' letsa i wut David ti panchan, tsi' q'uele ya' wa'al i yángel lac Yum ya' ti yojlil pañimil, bots'bil i cha'an i yespada ti' c'ʌb cha'an mi' jisan jini año' bʌ ti Jerusalén. David yic'ot jini xñox taco' bʌ ya' ti tejclum tsi' ñocchocoyob i bʌ. Tsi' lʌpʌyob coxtal.

Exodo 16:10

Jini cha'an Aarón tsi' tempa tilel jini israelob. Che' woli to i pejcañob, tsi' q'ueleyob pañimil ya' ti' tojel colem bʌ i tiquiñal lum. Awilan, tsa' tsictiyi i ñuclel lac Yum ya' ti tocal.

Exodo 17:4

Jini cha'an Moisés c'am tsi' pejca lac Yum: ¿Chuqui yom mic melbeñob ili winicob x'ixicob? Yomob i julon ti xajlel, che'en.

Numeros 12:5

Lac Yum tsa' jubi tilel ti Tocal. Tsa' wa'le ti' ti' Tabernáculo. Tsi' pʌyʌ Aarón yic'ot Miriam. Tsi' lʌc'tesayob i bʌ ti' cha'ticlel.

Numeros 14:10

Pero mich'ob jini winicob. Awilan yomobix julbʌl ti xajlel. Ti jim bʌ ora tsa' tsictiyi i ñuclel lac Yum ya' ti' pam jini Tabernáculo ba' tsi' laj q'ueleyob.

Numeros 14:5

Tsi' yubiyob Moisés yic'ot Aarón. Tsi' pʌcchocoyob i bʌ ti' tojlel pejtelel israelob ya' ba' much'ulob.

Numeros 16:19

Ya' añob pejtelel israelob. Tsi' pʌyʌyob tilel Coré. Tsa' wa'leyob ti' tojel i wut Moisés ti' ti' jini Tabernáculo. Che' jini tsa' tsictiyi i ñuclel lac Yum ti' tojlelob.

Numeros 16:22

Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Numeros 16:4

Che' bʌ tsi' yubi Moisés, tsi' ñocchoco i bʌ ti lum. Tsi' sube Coré yic'ot pejtelel jini woli bʌ i tsajcañob: Ijc'ʌl to mi caj i tsictesan lac Yum majqui i cha'año' bʌ, yic'ot majqui jini ch'ujulo' bʌ, yic'ot majqui tsi' yajca cha'an motomaj.

Numeros 16:42

Che' bʌ woli' tempañob i bʌ ti' contra Moisés yic'ot Aarón, tsi' can q'ueleyob jini Tabernáculo. Awilan tsa'ix jubi jini Tocal ti' pam jini Tabernáculo. Tsa' tsictiyi i ñuclel lac Yum ti' tojlelob.

Numeros 16:45

Yom mi la' tʌts' la' bʌ ti' tojlel ili winicob, come mi caj c jisañob ti junyajlel, che'en. Pero Moisés yic'ot Aarón tsi' pʌcchocoyob i bʌ.

Numeros 20:7

Lac Yum tsi' sube Moisés: Ch'ʌmʌ junts'ijt bara. Cucu a wic'ot a wʌscun Aarón. Tempanla tilel pejtelel israelob. Pejcan jini xajlel ti' wutob pejtelel israelob cha'an mi' loq'uel tilel ja'. Che' jini mux caj a wʌq'ueñob ja' pejtelel israelob yic'ot i yʌlac', che'en.

Mateo 26:39

Tsa' to i ts'ita' xʌñʌ majlel. Tsi' pʌcchoco i bʌ. Tsi' cha'le oración. Tsi' yʌlʌ: C Tat mi che'ʌch yom, tʌts'beñon ili wocol. Pero mach a mel che' bajche' com. Mele che' bajche' yom a pusic'al, che'en Jesús.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.