Numeros 20:21 - Chol: I T’an Dios

²¹ Che' jini ma'anic tsi' yʌc'ʌyob ti c'axel israelob ya' ti' lumal. Jini cha'an wersa tsi' xoyoyob i bijlel.

Chol de Tumbalá Bible

²¹ Che' jini ma'anic tsi' yʌc'ʌyob ti c'axel israelob ya' ti' lumal. Jini cha'an wersa tsi' xoyoyob i bijlel.

Jiñi Tsiji' bʌ Wen T'añ cha'añ Estudio

²¹ Come Edom ma'añic tsi' yʌc'ʌyob ti c'axel israelob ya' ti' lum, jiñi cha'añ wersa tsi' xoyoyob i bijlel.

Numeros 20:21 Iomraidhean Croise

2 Cronicas 20:10

Jini cha'an q'uele wʌle, ix tilelob ti guerra jini amoñob yic'ot moabob, yic'ot jini chumulo' bʌ ti wits i c'aba' Seir. Pero che' bʌ tsa' loq'uiyob c ñojte'el lojon ti Egipto, ma'anic tsa' wʌc'ʌyob ti ochel ti' lumalob. Tsa' xoybeyob i bijlel c tat lojon. Ma'anic chuqui tsi' tumbeyob.

Numeros 21:23

Pero jini Sehón ma'anic tsi' yʌc'ʌyob ti c'axel israelob ya' ti' lumal. Tsa jach caji i tempan i winicob cha'an mi' loq'uelob ti' contra israelob ya' ti' tiquiñal pañimil. Tsa' c'oti i tajob ti Jahaza. Ya' tsi' cha'leyob guerra ti' contra israelob.

Numeros 21:4

Che' jini tsa' sujtiyob ti wits i c'aba' Hor. Tsa' caji i xʌñob majlel i bijlel jini Chʌchʌc bʌ Ñajb, cha'an wersa tsi' xoyoyob i bijlel ya' ba'an i lumal Edom. Che' jini tsa' cajiyob ti wen lujb'an come wen ñajt jini bij.

Deuteronomio 2:27

Tsa' lac sube: “La' c'axicon lojon ti a lum. Toj jach mi caj c ñumel lojon ti bij. Ma'anic mi caj c xoy c bijlel lojon mi tic ts'ejic lojon mi tic ñojic.

Deuteronomio 2:29

Che'ʌch tsi' meleyob i p'olbal Esaú año' bʌ ti Seir. Tsi' yʌc'ʌyon lojon ti ñumel. Che' ja'el tsi' meleyob jini moabob año' bʌ ti Ar. Cojach com c ñumel lojon ba' añetla ti coc lojon c'ʌlʌl ti Jordán ja' ba' jaxʌl c lum lojon. Che' mij c'axel ti ja', mi caj cochel lojon tic lum lojon woli bʌ i yʌq'ueñon lojon lac Yum”, cho'on tsac sube.

Deuteronomio 23:7

Mach yomic mi la' ts'a'len jini edomob, come la' pi'ʌlob. Mach mi la' ts'a'len jini egiptojob, come ti yambʌ ora ya' chumuletla ti' lumal.

Juezob 11:17

Awilan jini israelob tsi' chocoyob majlel suboñel ba'an jini rey ti Edom. Tsi' subeyob: Awocolic com ñumel lojon ti la' lum, che'ob. Pero jini rey ti Edom ma'anic tsi' jac'ʌ. Che' ja'el tsi' chocoyob majlel suboñel ba'an jini rey ti Moab. Jini ja'el ma'anic tsi' jac'ʌ. Jini cha'an jini israelob wersa tsa' cʌleyob ya' ti Cades.

Juezob 11:18

Ti wi'il tsa' caji i xoyob i bijlel ya' ti colem bʌ i tiquiñal pañimil. Tsi' wersa xoyoyob i bijlel ya' ti Edom yic'ot ti' lum Moab c'ʌlʌl tsa' c'otiyob ti' tojel Moab ba' mi' pasel q'uin. Tsa' c'otiyob ti jijlel ya' ti junwejl jini Arnón ja'. Ma'anic tsa' wis ochi ya' ti' lum Moab, come ya' ti Arnón ja' ya' jaxʌl i lumob jini Moab.

Juezob 11:24

Isujm mi mejlel a ch'ʌm jini lum mu' bʌ i yʌq'ueñet a dios Quemos. Pero pejtelel chuqui tac tsi' yʌq'ueyon lojon tic wenta c Yum lojon, wersa mic ch'ʌm lojon.