Numeros 20:2 - Chol: I T’an Dios

² Tsa' caji i tempañob i bʌ winicob cha'an mi' contrajiñob Moisés yic'ot Aarón come ma'anic ja'.

Chol de Tumbalá Bible

² Tsa' caji i tempañob i bʌ winicob cha'an mi' contrajiñob Moisés yic'ot Aarón come ma'anic ja'.

Jiñi Tsiji' bʌ Wen T'añ cha'añ Estudio

² Cha'añ ti' caj ma'añic ja', tsa' caji i tempañob i bʌ israelob cha'añ mi' contrajiñob Moisés yic'ot Aarón.

Numeros 20:2 Iomraidhean Croise

Salmos 106:32

Tsi' chʌn cha'leyob mulil israelob. Tsi' techbeyob i mich'ajel Dios ya' ti ja' i c'aba' Meriba. Jini cha'an tsi' yubi wocol Moisés ti' cajob.

Exodo 16:2

Pejtelel jini israelob ti mojt ti mojt tsi' letsayob i t'an ti' contra Moisés yic'ot Aarón ya' ti colem bʌ i tiquiñal lum.

Exodo 16:7

Che' ti sʌc'ajel mi caj la' q'uel i ñuclel lac Yum, come tsi' yubi che' woliyetla ti wulwul t'an ti' contra. ¿Chuqui c mul lojon? ¿Chucoch woliyetla ti wulwul t'an tij contra lojon? che'en Moisés.

Numeros 14:2

Ti jump'ejlob i pusic'al tsa' caji i contrajiñob Moisés yic'ot Aarón pejtelel jini israelob. Tsi' yʌlʌyob ti c'am bʌ t'an: Uts'at tsa'ic chʌmiyon lojon ti' lumal Egipto yic'ot wʌ' ti tiquiñal pañimil ba' añonla.

Numeros 14:9

La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Numeros 16:19

Ya' añob pejtelel israelob. Tsi' pʌyʌyob tilel Coré. Tsa' wa'leyob ti' tojel i wut Moisés ti' ti' jini Tabernáculo. Che' jini tsa' tsictiyi i ñuclel lac Yum ti' tojlelob.

Numeros 16:3

Che' jini tsa' majliyob i pejcan Moisés yic'ot Aarón: Jasʌlix chuqui woli la' mel, che'ob. Come laj ch'ujulonla ti Israel. Junlajalonla. Baqui jach añonla ya'an lac Yum la quic'ot. ¿Chucoch mi la' chʌn otsan la' bʌ ti yumʌl ti' tojlel i cha'año' bʌ lac Yum cha'an mic yumañet lojon? che'ob.

Numeros 16:42

Che' bʌ woli' tempañob i bʌ ti' contra Moisés yic'ot Aarón, tsi' can q'ueleyob jini Tabernáculo. Awilan tsa'ix jubi jini Tocal ti' pam jini Tabernáculo. Tsa' tsictiyi i ñuclel lac Yum ti' tojlelob.

Numeros 21:5

Tsa' cajiyob ti wulwul t'an ti' contra Dios yic'ot ti' contra Moisés: ¿Chucoch tsa' lon pʌyʌyon lojon loq'uel ti Egipto cha'an mic chʌmel lojon ila ti' tiquiñal pañimil? Come ilayi ma'anic baqui mi lac taj waj yic'ot ja'. Tsa'ix c'ojyi j c'ux lojon jini maná, come mach p'ʌtʌlic tic ñʌc' lojon, che'ob.