Numeros 20:15 - Chol: I T’an Dios

¹⁵ come tsa' jubiyob majlel c tat lojon ti Egipto. Cabʌl ora tsa' jal'ayob ya'i. Jini egiptojob p'ump'un tsi' tic'layob che' bajche' tsi' tic'layoñob lojon ja'el.

Chol de Tumbalá Bible

¹⁵ come tsa' jubiyob majlel c tat lojon ti Egipto. Cabʌl ora tsa' jal'ayob ya'i. Jini egiptojob p'ump'un tsi' tic'layob che' bajche' tsi' tic'layoñob lojon ja'el.

Jiñi Tsiji' bʌ Wen T'añ cha'añ Estudio

¹⁵ Awujil bajche' c tat lojon tsa' ju'biyob majlel ti Egipto, yic'ot bajche' jayp'ejl ja'b tsa' ajñiyon lojon ti Egipto, yic'ot bajche' jiñi egiptojob tsi' p'ump'un tic'layon lojon yic'ot c tat lojon.

Numeros 20:15 Iomraidhean Croise

Genesis 15:13

Lac Yum tsi' sube Abram: Yom ma' ña'tan muc'ʌch i yajñelob a p'olbal ti lum ba' mach i cha'añobic. Muc'ʌch i yochelob ti majtan e'tel ti' yum. Mi caj i yubiñob wocol jumbajc' jab.

Genesis 46:6

Tsi' pʌyʌyob majlel i yʌlac'. Tsi' ch'ʌmʌyob majlel i chubʌ'an tsa' bʌ i tajayob ti' lumal Canaán. Tsa' c'oti Jacob ti Egipto yic'ot pejtelel i p'olbal.

Genesis 46:7

Tsa' c'otiyob i yalobilob Jacob yic'ot i butsob.

2 Samuel 12:18

Ti' wucp'ejlel q'uin tsa' chʌmi jini ch'iton. Jini x'e'telob i cha'an David woliyob ti bʌq'uen. Mach yomobic i tsictesʌben jini rey cha'an chʌmenix i yalobil. Tsi' subeyob i bʌ: Che' cuxul to jini alʌl, mach yomic i jac'beñonla lac t'an. Che' mi lac suben chʌmenix i yalobil, ¿mach ba muq'uic i ñumen ac' i bʌ ti wocol jini rey? che'ob.

Exodo 1:16

Che' mi' q'uelob pañimil i yalobilob hebreojob, mi ch'iton, yom mi la' tsʌnsan. Mi xch'oc, la' colic, che'en.

Exodo 1:22

Che' jini Faraón tsi' yʌq'ue mandar pejtelel winicob x'ixicob ti' lumal: Che' mi' yilan pañimil ch'iton ti' tojlel hebreojob, chocola ti colem ja', pero la' cuxtiyic jini xch'oc tacob, che'en.

Exodo 12:40

Jini israelob tsa' chumleyob ti Egipto jumbajc' yic'ot lujump'ejl i cha'c'al (430) jab.

Exodo 5:14

Jini mayordomojob i cha'an bʌ Faraón tsi' bajbeyob jini caporalob año' bʌ i ye'tel ti' tojlel israelob. Tsi' c'ajtibeyob: ¿Chucoch mach ts'ʌcʌlic mi la' mel ladrillo che' bajche' ti yambʌ ora? che'ob.

Numeros 11:5

Sumuc jax jini chʌy, yic'ot pepino, yic'ot melón, yic'ot cebolla, yic'ot x'axux, yic'ot xwelux tsa' bʌ laj c'uxu che' ya'to añonla ti Egipto, che'ob.

Numeros 16:13

Tsa' pʌyʌyon lojon loq'uel ba' tijicñayon lojon ti Egipto. Jiñʌch wen bʌ lum ba' tsac japʌ lojon lech. Tsac mʌc'ʌ lojon chab. Tsa' pʌyʌyon lojon tilel ti chʌmel ila ti colem bʌ i tiquiñal pañimil. ¿C yumet ba lojon cha'an mic jac'beñet lojon a t'an?

Numeros 20:14

Ti yambʌ q'uin che' ya'to añob ti Cades, ba' jaxʌl i lumal Edom, Moisés tsi' choco majlel winicob ba'an jini rey am bʌ ti Edom. Tsa' c'oti i yʌlob: Lac pi'ʌlʌch lac bʌ, come i p'olbalon lojon Israel. Wen la' wujil jini wocol tsa' bʌ cubi lojon,

Numeros 20:16

Che' jini tsa' caji c wen pejcan lojon lac Yum. Tsi' yubibeyon lojon c t'an. Tsi' choco tilel i yángel cha'an mi' pʌyon lojon loq'uel ti Egipto. Wʌle wʌ'ix añon lojon ti Cades, lʌc'ʌl ba' jaxʌl la' lumal.

Hechos 7:15

Tsa' jubi majlel Jacob ya' ti Egipto. Ya' tsa' chʌmi yic'ot lac ñojte'elob.

Hechos 7:19

Mach tojic chuqui tsi' tumbe lac pi'ʌlob jini rey. Tsi' tic'la lac ñojte'elob cha'an mi' wersa ac'ob i yalobilob ti chʌmel cha'an mi' jilel i p'olbal Israel.

Deuteronomio 26:6

Jini egiptojob tsa' caji' p'ump'un tic'lañonla. Tsi' yʌc'ʌyonla ti mel pusic'al. Cabʌl tsi' yʌc'ʌyonla ti to'ol e'tel.