Numeros 20:12 - Chol: I T’an Dios

¹² Pero lac Yum tsi' sube Moisés yic'ot Aarón: Ma'anic tsa' la' ñopoyon che' bajche' yom. Ma'anic tsa' la' wʌc'ʌ ti cʌjñel c ñuclel ti' tojlel israelob cha'an mi' ña'tañob ch'ujulon. Jini cha'an mic subeñetla, ma'anic mi caj la' pʌy ochel ili winicob ti jini lum ba' tsa cʌq'ueyob, che'en lac Yum.

Chol de Tumbalá Bible

¹² Pero lac Yum tsi' sube Moisés yic'ot Aarón: Ma'anic tsa' la' ñopoyon che' bajche' yom. Ma'anic tsa' la' wʌc'ʌ ti cʌjñel c ñuclel ti' tojlel israelob cha'an mi' ña'tañob ch'ujulon. Jini cha'an mic subeñetla, ma'anic mi caj la' pʌy ochel ili winicob ti jini lum ba' tsa cʌq'ueyob, che'en lac Yum.

Jiñi Tsiji' bʌ Wen T'añ cha'añ Estudio

¹² Pero lac Yum tsi' su'be Moisés yic'ot Aarón: “Cha'añ ti' caj ma'añic tsa' la' ñopoyon yic'ot ma'añic tsa' la' wʌc'ʌ ti cʌjñel cha'añ ch'ujulon ti' tojlel israelob, jiñi cha'añ, ma'añic mi caj la' wochel yic'ot israelob ti jiñi lum tsa' bʌ cʌq'ueyob.”

Numeros 20:12 Iomraidhean Croise

2 Cronicas 20:20

Che' ti sʌc'ajel tsa' loq'uiyob majlel. Tsa' c'otiyob ti colem bʌ i tiquiñal lum i c'aba' Tecoa. Che' woli' loq'uelob majlel, Josafat tsa' wa' cʌle. Tsi' yʌlʌ: Ñich'tanla winicob chumulet bʌ la ti Jerusalén yic'ot ti Judá. Xuc'chocon la' pusic'al ti' tojlel lac Yum Dios. Che' jini mi caj la' coltʌntel, che'en.

Salmos 106:32

Tsi' chʌn cha'leyob mulil israelob. Tsi' techbeyob i mich'ajel Dios ya' ti ja' i c'aba' Meriba. Jini cha'an tsi' yubi wocol Moisés ti' cajob.

Salmos 99:8

C Yum lojon Dios, tsa' pejcayob. Tsa' ñusʌbeyob i mul, Pero tsa' wʌq'ueyob i toj che' bʌ tsa' jultesʌbeyob i pusic'al.

Isaias 7:9

Jini colem tejclum ti Efraín ba' mi' cha'len yumʌl Peka jiñʌch Samaria. Ya' jach jaxʌl i yumʌntel. Ma'anic mi caj i ñuc'an. Mi mach xuc'ulic a pusic'al tic t'an, mach xuc'ulic mi caj a wajñel”. Che'ʌch yom ma' suben Acaz, che'en lac Yum.

Isaias 8:13

Yom jach ma' bʌc'ñan i Yum Panchan yic'ot Pañimil. Cojach jini yom bʌc'ñʌntel ti pejtelel ora.

Ezequiel 20:41

Che' mic cha' pʌyetla loq'uel ya' ba' cʌchʌletla, lajaletla tic wut bajche' xojocña bʌ i yujts'il pom. Che' jini ch'ujul mi caj j q'uejlel ti' wutob winicob ti pañimil che' mi la' c'uxbiñon.

Ezequiel 36:23

Muq'uix c cha' ac' ti cʌjñel j c'aba' mach bʌ anic tsa' la' p'isi ti wenta ti' tojlel winicob ti pañimil. Che' mic pʌyetla loq'uel cha'an ch'ujul mi la' wajñel tic tojlel, mi caj i ña'tañob ch'ujulon, Dioson.

Ezequiel 38:10

Ti jim bʌ ora mi caj i tejchel jontol bʌ a pensar. Mi caj a ña'tan a mel jontolil.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Numeros 11:15

Mi che'ʌch woli a ña'tan, a wocolic mij c'ajtibeñet, tsʌnsañon ti ora. Pʌsbeñon i yutslel a pusic'al. La' loq'uicon ti ili wocol, che'en Moisés.

Numeros 27:14

Come tsa' ñusʌbeyon c t'an ya' ti colem bʌ i tiquiñal pañimil i c'aba' Zin. Ma'anic tsa' tsictesayon ti' tojlel israelob cha'an mi' ch'ujutesañoñob ya' ti Meriba ti Cades, che'en lac Yum Dios. (Jiñʌch ba' tsa' aq'uentiyob ja' che' bʌ tsi' cha'leyob a'leya.)

Mateo 17:17

Jesús tsi' jac'ʌ: Winicob x'ixicob año' bʌ wʌle, mach bʌ anic mi la' ñop, sojquemetla. ¿Jayp'ejl to q'uin wʌ' añon la' wic'ot? ¿Jayp'ejl to q'uin mi caj j cuchbeñetla la' sajtemal? Pʌyʌla tilel wʌ' ba' añon, che'en.

Mateo 17:20

Jesús tsi' subeyob: Come ma'anic mi la' ñop ti pejtelel la' pusic'al. Come isujm mic subeñetla, mi tsa' la' ñopo ti la' pusic'al mi che' jach ya wistʌl che' bajche' i bʌc' mostaza, che' jini muq'uix mejlel la' suben jini wits cha'an mi' tʌts' i bʌ ti yambʌ i yajñib. Mi caj i tʌts' i bʌ. Ma'anic chuqui mach bʌ mejlic la' cha'an.

Lucas 1:20

Awilan, mi caj a wochel ti uma'. Ma'anic mi caj a mejlel ti t'an c'ʌlʌl ti jini q'uin che' mi' yujtel jini tsa' bʌ c subeyet. Come ma'anic tsa' ñopo c t'an cha'an jini mu' bʌ caj ti ujtel che' ti' yorajlel, che'en jini ángel.

Lucas 1:45

Tijicñayet cha'an tsa' ñopbe i t'an lac Yum mu' bʌ caj i ts'ʌctiyel, che'en Elisabet.

Juan 1:17

Come tsa' c'oti jini mandar ti' tojlel Moisés. Pero ti' caj Jesucristo tsa' tili i yutslel i pusic'al Dios yic'ot i sujmlel.

Romanos 4:20

Ma'anic tsi' wis cʌyʌ i ñop. Ma'anic tsa' tejchi tile bixel bʌ i pusic'al cha'an jini t'an tsa' bʌ subenti ti Dios. Tsa' p'ʌt'a i pusic'al ti jini tsa' bʌ i ñopo. Tsi' subu i ñuclel Dios.

Deuteronomio 1:37

Che' ja'el lac Yum tsi' mich'leyon ti la' caj. Tsi' subeyon: Jatet ma'anic mi caj a wochel ya' ti jini lum,

Deuteronomio 34:4

Lac Yum tsi' sube Moisés: Jiñʌch jini lum woli bʌ cʌq'ueñob israelob che' bajche' tsac subeyob Abraham, yic'ot Isaac, yic'ot Jacob. Wʌle, tsa'ix a q'uele, pero ma'anic mi caj a wochel ya'i, che'en lac Yum.

Deuteronomio 4:21

Lac Yum tsi' mich'leyon cha'an ti la' mul. Tsi' yʌlʌ ma'anic mi caj i yʌc'on ti c'axel ti Jordán cha'an mi cochel ti tsiji' bʌ lum mu' bʌ caj i yʌq'ueñetla.

Josue 1:2

Tsa'ix chʌmi c winic Moisés. Yom ma' chajpan a bʌ wʌle. Yom ma' c'axel ti ili colem ja' i c'aba' Jordán a wic'otob pejtel ili israelob. Yom ma' majlel ti jini lum mu' bʌ caj cʌq'ueñetla.

1 Pedro 3:15

Pero chʌn yumanla Cristo ti la' pusic'al. Yom chajpʌbil la' pusic'al ti pejtelel ora cha'an mi la' suben la' pi'ʌlob baqui tilem la' pijtaya che' mi' c'ajtibeñetla. Subenla ti uts bʌ t'an yic'ot c'uxbiya.