Numeros 20:1 - Chol: I T’an Dios

¹ Tsa' c'otiyob pejtelel jini israelob ya' ti' tiquiñal pañimil i c'aba' Zin, jiñʌch ti abril che' bʌ tsa' cajiyob ti chumtʌl ti Cades. Ya' tsa' chʌmi Miriam. Ya'ix tsi' mucuyob.

Chol de Tumbalá Bible

¹ Tsa' c'otiyob pejtelel jini israelob ya' ti' tiquiñal pañimil i c'aba' Zin, jiñʌch ti abril che' bʌ tsa' cajiyob ti chumtʌl ti Cades. Ya' tsa' chʌmi Miriam. Ya'ix tsi' mucuyob.

Jiñi Tsiji' bʌ Wen T'añ cha'añ Estudio

¹ Che' ti ñaxan bʌ uw, tsa' c'otiyob pejtelel israelob ya' ti' tiquiñal lum i c'aba' Zin, ya' tsa' cajiyob ti chumtʌl ti Cades. Ya'i tsa' chʌmi María, yic'ot ya'i tsa' mujqui.

Numeros 20:1 Iomraidhean Croise

Genesis 14:7

Tsa' sujtiyob. Tsa' c'otiyob ti Enmispat, jiñʌch Cades. Tsi' jisayob majlel i lumal amalecob yic'ot amorreojob chumulo' bʌ ti Hazezón Tamar.

Salmos 29:8

Lac Yum mi' yʌc' i t'an, mi' yujcun i bʌ jini jochol bʌ lum. Lac Yum mi' yujcun jini colem bʌ i tiquiñal lum i c'aba' Cades.

Exodo 15:20

Miriam jini x'alt'an, i yijts'in Aarón, tsi' ñijca jini música am bʌ ti' c'ʌb. Jini yaño' bʌ x'ixicob tsi' tʌp'leyob majlel ti son yic'ot música.

Exodo 2:4

I chich tsa' caji i ñajtʌ q'uel chuqui mi' caj ti ujtel.

Exodo 2:7

Tsa' tili i chich jini alʌl. Che' jini i chich tsi' sube i yalobil Faraón: ¿A wom ba mic majlel c pʌybeñet tilel xmec' alʌl ti' tojlel hebreojob cha'an mi' tsu'san jini alʌl? che'en.

Ezequiel 47:19

I cayajonlel am bʌ ti sur mi' tejchel ti Tamar, mi' majlel ti' tojel i bʌjlibal q'uin c'ʌlʌl ti Cades. Che' jini mi' tsajcan jini ñoj ja' i c'aba' Egipto c'ʌlʌl ti Mediterráneo.

Miqueas 6:4

Joñon tsac pʌyʌyet loq'uel ti' lumal Egipto, ya' ba' tsa' la' cha'le majtan e'tel. Joñon tsaj coltayetla. Tsac chocbeyetla tilel Moisés yic'ot Aarón, yic'ot Miriam i yijti'an. Tsi' pʌyʌyetla majlel.

Numeros 12:1

Awilan tsa' cajiyob ti wulwul a'leya Miriam yic'ot Aarón ti' contra Moisés cha'an tsi' pʌyʌ i yijñam ch'oyol bʌ ti Cus.

Numeros 12:10

Tsa' letsi majlel jini Tocal ti' tojlel Tabernáculo. Awilan anix i c'amʌjel Miriam. Sʌc petepet tsa' majli i pʌchʌlel. Tsa' caji i q'uel Aarón mach wenix i pʌchʌlel Miriam.

Numeros 12:15

Jini cha'an wucp'ejl q'uin tsa' chojqui loq'uel Miriam ti' tojlel i pi'ʌlob. Jini winicob x'ixicob tsi' pijtayob wucp'ejl q'uin. Ma'anic tsi' poj techeyob i xʌmbal jinto che' cha' ya'ix an yic'otob.

Numeros 13:21

Jini cha'an tsa' cajiyob ti letsel majlel. Tsa' caji i tsajiñob jini lum c'ʌlʌl ti' tiquiñal pañimil i c'aba' Zin c'ʌlʌl ti Rehob am bʌ ti' bijlel Hamat.

Numeros 13:26

Tsa' cha' c'otiyob ti Cades am bʌ ya' ti colem bʌ i tiquiñal pañimil i c'aba' Parán. Tsi' subeyob Moisés yic'ot Aarón yic'ot pejtelel israelob bajche' yilal i lumal Canaán. Tsi' pʌsbeyob ja'el i wut jini pʌc'ʌbʌl tsa' bʌ i tajayob.

Numeros 20:16

Che' jini tsa' caji c wen pejcan lojon lac Yum. Tsi' yubibeyon lojon c t'an. Tsi' choco tilel i yángel cha'an mi' pʌyon lojon loq'uel ti Egipto. Wʌle wʌ'ix añon lojon ti Cades, lʌc'ʌl ba' jaxʌl la' lumal.

Numeros 20:22

Che' jini pejtelel israelob tsa' loq'uiyob ti Cades. Tsa' majliyob ti wits i c'aba' Hor.

Numeros 20:28

Moisés tsa' caji i jochben i bujc Aarón. Tsi' xojbe cʌytʌl Eleazar i yalobil Aarón. Che' jini Aarón tsa' chʌmi ya' ti' pam chan bʌ wits. I bajñelob jax tsa' jubiyob sujtel Moisés yic'ot Eleazar i yalobil Aarón.

Numeros 26:59

Amram tsi' pʌyʌ i yijñam i c'aba' Jocabed, xch'oc bʌ i yalobil Leví, tsa' bʌ i yila pañimil ti Egipto. Tsi' yʌc'ʌ ti pañimil Aarón yic'ot Moisés yic'ot i chich i c'aba' Miriam.

Numeros 27:14

Come tsa' ñusʌbeyon c t'an ya' ti colem bʌ i tiquiñal pañimil i c'aba' Zin. Ma'anic tsa' tsictesayon ti' tojlel israelob cha'an mi' ch'ujutesañoñob ya' ti Meriba ti Cades, che'en lac Yum Dios. (Jiñʌch ba' tsa' aq'uentiyob ja' che' bʌ tsi' cha'leyob a'leya.)

Deuteronomio 1:46

Jini cha'an cabʌl ora tsa' cʌleyetla ti Cades.

Deuteronomio 2:14

Tsa' lac joy xʌñʌ jini Cades Barnea c'ʌlʌl ti ñoja' i c'aba' Zered. Waxʌclujump'ejl i cha'c'al (38) jab tsa' lac cha'le xʌmbal che' bajche' tsi' wʌn alʌ lac Yum, cha'an mach mejliconla ti' ochel che' cuxulob to jini yujilo' bʌ guerra tsa'ix bʌ i ñusʌbeyob i t'an. Tsa' laj chʌmiyob jini winicob yujilo' bʌ guerra.

Deuteronomio 32:51

Ti la' cha'ticlel tsa' la' chañ'esa la' bʌ ya' ti ja' i c'aba' Meriba am bʌ ti Cades ya' ti colem bʌ i tiquiñal pañimil i c'aba' Zin. Ma'anic tsa' la' q'ueleyon ti ñuc ti' tojlel israelob.

Juezob 11:16

Come che' bʌ tsa' loq'uiyob ya' ti Egipto tsa' ñumiyob ti jochol bʌ lum c'ʌlʌl tsa' c'otiyob ti Chʌchʌc bʌ Ñajb. Che' jini tsa' c'otiyob ti Cades.