Numeros 19:9 - Chol: I T’an Dios

⁹ Che' jini mux i tilel juntiquil winic mach bʌ bibi'ic tic wut cha'an mi' tempʌben i tʌñʌl jini wacax, cha'an mi' majlel i much'chocon ya' ti' junwejlel tejclum baqui sʌc pañimil. Ya' yom mi' lojtel cha'an mi' c'ʌjñel che' mi' sʌq'uesañob i bʌ israelob. Jini wacax jiñʌch majtañʌl cha'an i ñusʌntel mulil.

Chol de Tumbalá Bible

⁹ Che' jini mux i tilel juntiquil winic mach bʌ bibi'ic tic wut cha'an mi' tempʌben i tʌñʌl jini wacax, cha'an mi' majlel i much'chocon ya' ti' junwejlel tejclum baqui sʌc pañimil. Ya' yom mi' lojtel cha'an mi' c'ʌjñel che' mi' sʌq'uesañob i bʌ israelob. Jini wacax jiñʌch majtañʌl cha'an i ñusʌntel mulil.

Jiñi Tsiji' bʌ Wen T'añ cha'añ Estudio

⁹ Jiñi wiñic mach bʌ bi'bi'ic tic wut mi caj i tempʌben i tʌñʌl jiñi ña'al wacax cha'añ mi' majlel i much'chocon ya' ti' junwejlel tejclum ba' jochol pañimil; mi caj i lotob jiñi israelob cha'añ mi yotsañob ti ja' cha'añ mi' c'ʌn i sʌc-esañob i bʌ; jiñi majtañʌl jiñʌch cha'añ i ñusʌntel mulil.

Numeros 19:9 Iomraidhean Croise

Levitico 15:20

Che' ja'el ya' ba' mi' ñoltʌl yic'ot ba' mi' buchtʌl jini x'ixic che' woli' q'uel i c'amʌjel, bibi' mi' cʌytʌl c'ʌlʌl mi' bʌjlel q'uin.

Zacarias 13:1

I Yum Panchan yic'ot Pañimil woli' chʌn sub: Ti jim ora mi caj i jambentelob Cuxul bʌ Ja' jini xchumtʌlob ti Israel yic'ot ti Jerusalén. Jini ja' mi caj i sʌq'uesañob ti pejtelel i mul yic'ot pejtelel i bibi'lel.

Numeros 19:13

Jujuntiquil winic mu' bʌ i tʌlben i bʌc'tal ch'ujlelʌl wersa mi' sʌq'uesan i bʌ. Mi ma'anic tsi' sʌq'uesa i bʌ, tsa'ix i bibesa ja'el c Tabernáculo. Mi caj i chojquel loq'uel ti Israel. Come ma'anic tsi' c'ʌñʌ ja' mu' bʌ i sʌq'uesan. Bibi' mi' cʌytʌl. I bajñel an ti' wenta i mul.

Numeros 19:17

Jini bibi'o' bʌ la' i ch'ʌmob i tʌñʌl wacax tsa' bʌ puli cha'an i tojol mulil. La' i yotsan yic'ot cuxul bʌ ja' ti jump'ejl basija.

Numeros 19:18

La' tilic juntiquil sʌc bʌ winic yic'ot hisopo cha'an mi' ts'aj ya' ti ja' am bʌ ti basija. Che' jini mi caj i tsijcan jini otot, yic'ot pejtelel jini p'ejt an tac bʌ ti' mal jini otot, yic'ot pejtelel jini bibi'o' bʌ año' bʌ ti' mal jini otot, yic'ot xjula'o' bʌ, yic'ot jini tsa' bʌ i tʌlbe i bʌquel ch'ujlelʌl, mi tsʌnsʌbil ti bij o mi che' jach tsa' chʌmi, yic'ot jini tsa' bʌ i tʌlʌ mucoñibʌl.

Numeros 19:8

Jini tsa' bʌ i pulu wacax mi caj i wuts' i pislel. Mi caj i cha'len ts'ʌmel. Bibi' to mi' cʌytʌl tic wut c'ʌlʌl mi' bʌjlel q'uin.

Numeros 6:12

Che' jini mi' cha' cajel i sʌq'uesan i jol tic tojlel cha'an mi' ts'ʌctesan i ye'tel ti nazareo che' bajche' jayp'ejl q'uin tsi' wʌn ña'ta. Wersa mi' pʌy tilel juncojt tat tiñʌme' am bʌ jump'ejl i jabilel cha'an mi' ñusʌbentel i mul. Jini ñaxan bʌ q'uin tac che' bʌ tsa' ochi ti nazareo ma'anix mi' ch'ʌjmel ti wenta, come tsa' bib'esʌnti.

Numeros 8:7

Jiñʌch bajche' mi caj a sʌq'uesañob. Yom ma' ch'ʌm jini ch'ujul bʌ ja' cha'an ma' tsijcañob. Yom mi' laj jujchiñob i tsutsel i cuctal. La' i wuts'ob i pislel.

Numeros 9:13

Pero mi an winic mu' bʌ i to'o cʌy i bʌ che' sʌcʌch, che' ma'anic ba' tsa' majli, cha'an jach mach yomic i mel i q'uiñilel Pascua, che' jini wersa yom mi' chojquel loq'uel ti' tojlel c winicob, come ma'anic tsi' yʌc'ʌ i bʌ che' ti' yorajlel mi' cha'leñob q'uiñijel tic tojlel. Jini cha'an i bajñel an ti' wenta i mul jini winic.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

2 Corintios 7:1

C'uxbibilo' bʌ hermanojob, lac cha'añʌch jini albil bʌ i t'an Dios. Jini cha'an la' lac poc loq'uel pejtelel bibi' tac bʌ am bʌ ti lac bʌc'tal yic'ot lac pusic'al. La' lac bʌc'ñan Dios cha'an ch'ujul mi la cajñel ti' tojlel.

Hebreos 7:26

Jesús jiñʌch c'ax ñuc bʌ la caj motomaj che' bajche' yom lac cha'an. Come ch'ujulʌch, ma'anic i jontolil, sʌc i pusic'al, mach xmulilic. Tsa'ix aq'uenti i ñuclel ti panchan.

Hebreos 9:13

I ch'ich'el tat wacax yic'ot i ch'ich'el alʌ chivo yic'ot i tʌñil alʌ ña' wacax tsa' mejli i poj sʌq'uesʌbeñob i bʌc'tal jini bibi'o bʌ che' tsijcʌbil ti' pam.