Numeros 19:19 - Chol: I T’an Dios

¹⁹ Jini mach bʌ anic i bibi'lel tic wut, la' i tsijcan ti ja' jini bibi' bʌ che' ti yuxp'ejlel q'uin yic'ot che' ti wucp'ejlel q'uin. Che' ujtemix wucp'ejl q'uin i sʌq'uesʌntel mi caj i wuts' i pislel. Mi' caj ti ts'ʌmel. Che' jini cha' sʌquix che' mi' bʌjlel q'uin.

Chol de Tumbalá Bible

¹⁹ Jini mach bʌ anic i bibi'lel tic wut, la' i tsijcan ti ja' jini bibi' bʌ che' ti yuxp'ejlel q'uin yic'ot che' ti wucp'ejlel q'uin. Che' ujtemix wucp'ejl q'uin i sʌq'uesʌntel mi caj i wuts' i pislel. Mi' caj ti ts'ʌmel. Che' jini cha' sʌquix che' mi' bʌjlel q'uin.

Jiñi Tsiji' bʌ Wen T'añ cha'añ Estudio

¹⁹ Jiñi wiñic mach bʌ añic i bi'bi'lel tic wut, la' i tsijcan ti ja' jiñi bi'bi' bʌ che' ti yuxp'ejlel q'uiñ yic'ot che' ti wucp'ejlel q'uiñ. Che' bʌ tsa'ix ts'ʌctiyi wucp'ejl q'uiñ i sʌc-esʌntel jiñi wiñic mi caj i wuts' i pislel, mi' cajel ti ts'ʌmel, che' jiñi cha' sʌquix che' mi yic'an.

Numeros 19:19 Iomraidhean Croise

Genesis 2:2

Dios tsa' ujti i mel i ye'tel. Tsi' c'aja i yo ti' wucp'ejlel q'uin che' ujtemix pejtel i ye'tel tsa' bʌ i mele.

Exodo 19:10

Cucu subeñob, la' i wʌn chajpañob i bʌ wʌle yic'ot ijc'ʌl. La' i wuts'ob i pislel.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Levitico 14:7

Wucyajl yom mi' tsijcan jini i ch'ich'el ti' pam i bʌc'tal jini winic tsa' bʌ lajmi leco bʌ i tsoy. Jini motomaj mi caj i tsictesan lajmenix. Yom mi' cole' jini cuxul bʌ mut cha'an mi' cha' wejlel majlel.

Levitico 14:9

Che' ti' wucp'ejlel q'uin yom mi caj i cha' set'bentel i tsutsel i jol. Yom mi' jujchin i tsucti' yic'ot i tsutsel i wut. Yom mi' wuts' i pislel. Yom mi' cha'len ts'ʌmel. Che' jini mi caj i tsictiyel lajmenix.

Numeros 19:13

Jujuntiquil winic mu' bʌ i tʌlben i bʌc'tal ch'ujlelʌl wersa mi' sʌq'uesan i bʌ. Mi ma'anic tsi' sʌq'uesa i bʌ, tsa'ix i bibesa ja'el c Tabernáculo. Mi caj i chojquel loq'uel ti Israel. Come ma'anic tsi' c'ʌñʌ ja' mu' bʌ i sʌq'uesan. Bibi' mi' cʌytʌl. I bajñel an ti' wenta i mul.

Numeros 19:18

La' tilic juntiquil sʌc bʌ winic yic'ot hisopo cha'an mi' ts'aj ya' ti ja' am bʌ ti basija. Che' jini mi caj i tsijcan jini otot, yic'ot pejtelel jini p'ejt an tac bʌ ti' mal jini otot, yic'ot pejtelel jini bibi'o' bʌ año' bʌ ti' mal jini otot, yic'ot xjula'o' bʌ, yic'ot jini tsa' bʌ i tʌlbe i bʌquel ch'ujlelʌl, mi tsʌnsʌbil ti bij o mi che' jach tsa' chʌmi, yic'ot jini tsa' bʌ i tʌlʌ mucoñibʌl.

Numeros 31:19

Ña'tanla ja'el wersa mi la' wajñel wucp'ejl q'uin ti' pat tejclum, majqui jach tsi' tsʌnsa winicob, yic'ot majqui tsi' tʌlʌ xchʌmel. Yom mi la' sʌq'uesan la' bʌ che' ti yuxp'ejlel q'uin yic'ot che' ti wucp'ejlel q'uin, yic'ot ja'el jini mu' bʌ la' pʌyob tilel.

Numeros 31:24

Che' ti wucp'ejlel q'uin cha' sʌquetixla che' wuts'ulix la' pislel. Che' jini mux i mejlel la' cha' ochel ti tejclum”, che'en Eleazar.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Hebreos 10:22

Jini cha'an la' lac lʌc'tesan lac bʌ ba'an Dios ti jump'ejl lac pusic'al. Mach yomic tile bixel lac pusic'al che' mi lac ñop. Yom sʌq'uesʌbil lac pusic'al. Yom pocbil lac bʌc'tal ti yʌx bʌ ja'.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

Judas 1:23

Coltanla yaño' bʌ. Chucuyob loq'uel ti c'ajc. P'untanla yaño' bʌ yic'ot bʌq'uen ame bib'aquetla. Ts'a'lenla i pislel bib'esʌbil bʌ ti mulil.