Numeros 18:9 - Chol: I T’an Dios

⁹ Jini majtañʌl bʌ harina yic'ot jini majtañʌl tac cha'an mulil yic'ot majtañʌl tac cha'an jontolil a cha'añʌch. Ch'ujul pejtelel jini majtañʌl tac.

Chol de Tumbalá Bible

⁹ Jini majtañʌl bʌ harina yic'ot jini majtañʌl tac cha'an mulil yic'ot majtañʌl tac cha'an jontolil a cha'añʌch. Ch'ujul pejtelel jini majtañʌl tac.

Jiñi Tsiji' bʌ Wen T'añ cha'añ Estudio

⁹ A cha'añʌch pejtelel jiñi ch'ujul bʌ majtañʌl mach bʌ añic mi' pulel ti c'ajc: pejtelel jiñi majtañʌl mu' bʌ cʌq'uentel, pejtelel majtañʌl mu' bʌ i yʌc'ob, pejtelel majtañʌl cha'añ mulil yic'ot majtañʌl tac cha'añ jontolil, ch'ujulʌch ti' pejtelel cha'añet yic'ot cha'añ a walobilob.

Numeros 18:9 Iomraidhean Croise

2 Reyob 12:17

Ti jim bʌ ora Hazael jini rey ti Siria tsa' tili ti guerra ti' contra Gat. Tsi' ch'ʌmʌ ti' wenta jini tejclum. Tsa' caji i contrajin Jerusalén ja'el.

Nehemias 10:36

Mux lac pʌy majlel ti Templo lac yʌx alʌlob ja'el yic'ot ñaxan bʌ i yal alʌc'ʌl: jini ñaxan bʌ i yal wacax yic'ot jini ñaxan bʌ i yal tiñʌme' che' bajche' ts'ijbubil ti ley. Mux lac pʌybeñob majlel motomajob año' bʌ i ye'tel ti' yotot lac Dios.

Ezequiel 42:13

Tsi' subeyon: Ch'ujulʌch jini tsalʌl tac am bʌ ti norte ti sur ya' bʌ an ti' tojel jini patio cha'an Templo. Jini motomajob i cha'an lac Yum mi caj i c'uxob jini majtañʌl tac ya'i. Ya'ʌch mi caj i yʌc'ob jini majtañʌl tac cha'an i ñusʌntel mulil, come ch'ujulʌch ili tsalʌl tac.

Ezequiel 44:29

Jiñʌch mu' bʌ caj i c'uxob: Jini majtañʌl chajpʌbil bʌ ti trigo, yic'ot mu' bʌ i tsʌnsʌntel cha'an mulil. Pejtelel mu' bʌ i yʌc'ob jini israelob i cha'añobʌch jini motomajob.

Levitico 10:17

¿Chucoch ma'anic tsa' la' c'uxu jini i bʌc'tal majtañʌl ila ti Ch'ujul bʌ Ajñibʌl? come wen ch'ujulʌch. Dios tsi' yʌq'ueyetla ili majtañʌl cha'an i tojol i mul israelob cha'an mi la' c'ux ti' tojlel lac Yum.

Levitico 14:13

Yom mi' tsʌnsan jini tiñʌme' baqui mi' tsʌnsʌntel jini alʌc'ʌl tac cha'an i tojol mulil yic'ot c majtan mu' bʌ c pulbentel ya' ti' ti' Tabernáculo. Yom mi' yʌq'uentel jini motomaj cha'an mi' c'ux che' bajche' jini majtañʌl cha'an i tojol mulil. Wen ch'ujulʌch jini majtañʌl.

Levitico 2:10

Jini i colobal majtañʌl mu' bʌ i cʌytʌl i cha'anix Aarón yic'ot i yalobilob cha'an mi' c'uxob. Pero ch'ujulʌch c majtan ti pejtelel.

Levitico 22:11

Mi mʌmbil i cha'an jini motomaj juntiquil i yaj e'tel, che' jini, mi mejlel i c'ux'. Che' ja'el jini mu' bʌ i yilan pañimil ya' ti' yotot mi mejlel i c'ux chuqui tac mi' c'uxe' jini motomaj.

Levitico 22:7

Che' mi' cha' pasel q'uin, cha' sʌquix jini motomaj. Che' jini muq'uix i cha' mejlel i c'ux chuqui tac ch'ujul, come i bʌlʌch i ñʌc'.

Levitico 4:22

Mi tsi' taja i mul juntiquil yumʌl ti' caj cha'an tsi' ñusʌbeyon c mandar che' mach tsajalic i cha'an,

Levitico 4:27

Mi an juntiquil winic mu' bʌ i cha'len mulil che' mach tsajalic i cha'an, tsa'ix i taja i mul.

Levitico 5:1

Mi an tsa' bʌ i q'uele ti mulil juntiquil i pi'ʌl, mi tsi' wen ubi chuqui tsa' ujti, mi ma'anic tsi' tsictesa, mi' yajñel ti' wenta jini mulil.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Levitico 6:17

Mach yomic tiq'uesʌbil yic'ot levadura, come tsa'ix cʌq'ueyob i yalobilob Aarón. I cha'añobʌch che' mi' yujtel i pulbeñon c majtan wen ch'ujulʌch che' bajche' jini majtañʌl cha'an mulil, yic'ot jini majtañʌl cha'an bʌ i ñusʌntel mandar.

Levitico 6:19

Che' ja'el lac Yum tsi' sube Moisés: Ti jim bʌ ora che' mi' wa'chocontel Aarón yic'ot i yalobilob ti' ye'tel motomaj, la' i yʌq'ueñon majtañʌl bʌ harina, wen chʌmen bʌ juch'bil. Yom chʌmp'ejl litro. La' i yʌc'ob ojlil ti sʌc'ajel, ojlil ti ic'ajel.

Levitico 6:30

Pero mach yomic mi' wis c'uxtʌl jini majtañʌl cha'an i tojol mulil. Mi' ch'ʌjmel ochel i ch'ich'el ili majtañʌl ti Tabernáculo ya' ti Ch'ujul bʌ Ajñibʌl. Yom mi' laj pulel ti c'ajc.

Levitico 7:1

Jiñʌch mandar che' an majqui mi' taj i mul. Ya' ti ajñibʌl baqui mi la' tsʌnsan jini pulbil bʌ c majtan, ya' yom mi la' tsʌnsan jini majtañʌl cha'an mulil. Yom mi la' tsijcʌben i ch'ich'el ti' joytʌlel jini pulʌntib. Ch'ujulʌch ili majtañʌl.

Levitico 7:6

Cojach jini motomajob yic'ot ch'iton bʌ i yalobilob mi mejlel i c'uxob. Yom mi' c'uxob ya' ti Ch'ujul bʌ Ajñibʌl, come c'ax ch'ujulʌch jini majtañʌl.

Levitico 7:7

Jun lajal mi caj la' mel yic'ot jini majtañʌl cha'an bʌ i ñusʌntel mandar che' bajche' jini majtañʌl cha'an bʌ mulil. Jini motomaj mu' bʌ i yʌc' ti ñusʌntel jini mulil mi caj i ch'ʌm jini majtañʌl.

Numeros 18:10

Ya' jach ti Ch'ujul bʌ Ajñibʌl mi mejlel la' c'uxe'. Cojach winicob mi mejlel i c'uxob.

Deuteronomio 18:1

Jini motomajob yic'ot levíjob i p'olbalo' bʌ Leví, ma'añobic i chubʌ'an che' bajche' israelob. Mi caj i c'uxob we'elʌl mu' bʌ i yʌq'uentel lac Yum ti' majtan cha'an israelob.