Numeros 18:8 - Chol: I T’an Dios

⁸ Lac Yum tsi' cha' sube Aarón: Joñon tsa'ix cʌq'ueyet ti a wenta jini c majtan tac. Jiñʌch majtañʌl tac mu' bʌ i yʌq'ueñoñob israelob. A cha'añʌch yic'ot i cha'añʌch ja'el a walobilob c'ʌlʌl ti pejtelel ora, come ch'ujuletla, motomajetla. La' tem cha'an jach pejtelel c majtan mu' bʌ i yʌq'ueñoñob.

Chol de Tumbalá Bible

⁸ Lac Yum tsi' cha' sube Aarón: Joñon tsa'ix cʌq'ueyet ti a wenta jini c majtan tac. Jiñʌch majtañʌl tac mu' bʌ i yʌq'ueñoñob israelob. A cha'añʌch yic'ot i cha'añʌch ja'el a walobilob c'ʌlʌl ti pejtelel ora, come ch'ujuletla, motomajetla. La' tem cha'an jach pejtelel c majtan mu' bʌ i yʌq'ueñoñob.

Jiñi Tsiji' bʌ Wen T'añ cha'añ Estudio

⁸ Lac Yum tsi' su'be Aarón: “Joñon tsa' cʌq'ueyet ti a wenta i cʌntʌntel jiñi c majtañ tac. Pejtelel sʌc-esʌbil bʌ i yalobilob israelob, tsa'ix cʌq'ueyet yic'ot a walobilob, come motomajetla. Jiñʌch xuc'ul bʌ c mandar ti pejtelel ora.

Numeros 18:8 Iomraidhean Croise

2 Reyob 12:16

Pero jini taq'uin tsa' bʌ i yʌc'ʌyob winicob cha'an majtañʌl cha'an mi' ñusʌbentelob i mul ma'anic tsa' otsʌnti ya' ti cajón cha'an i melol Templo. Tsa' aq'uenti ti' wenta jini motomajob cha'an mi' c'ʌñob.

2 Cronicas 31:4

Tsi' subeyob jini chumulo' bʌ ti Jerusalén cha'an mi' yʌq'ueñob i diezmo jini motomajob yic'ot jini levíjob cha'an xuc'ul mi' melob i ye'tel ya' ti Templo che' bajche' ts'ijbubil ti' mandar Dios.

2 Cronicas 31:5

Che' bʌ tsa' pam pujqui ili t'an, pejtel israelob tsa' caji i ch'ʌmob tilel jini ñaxan bʌ i wut i pʌc'ʌb, yic'ot vino, yic'ot olivo aceite, yic'ob chab, yic'ot pejtelel i wut pʌc'ʌbʌl. Tsi' laj ch'ʌmʌyob tilel i diezmo loq'uem bʌ ti pejtelel i pʌc'ʌb. Wen on tsi' yʌc'ʌyob. Jini israelob ya' bʌ chumulob ti Judá yic'ot i p'olbal Judá tsi' pʌyʌyob tilel ja'el i diezmojlel i wacax yic'ot i tiñʌme'. Tsi' ch'ʌmʌyob tilel ja'el i diezmojlel yan tac bʌ majtañʌl cha'an mi' yʌq'ueñob Dios. Che' jini cabʌl tsa' tempʌyi.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Exodo 29:21

Yom ma' c'ʌn lamital jini ch'ich' am bʌ ti pulʌntib yic'ot ts'ita' jini aceite mu' bʌ i c'ʌjñel ti Tabernáculo cha'an ma' tsijcañob Aarón yic'ot i yalobilob che' yic'ot i pislelob. Che' jini sʌq'uesʌbilobix mi' cʌytʌl jini Aarón yic'ot i yalobilob. Sʌq'uesʌbilix mi' cʌytʌl i pislel ja'el.

Exodo 29:28

I cha'añʌch Aarón yic'ot i yalobilob yom bʌ mi' yʌq'uentelob cha'an israelob ti pejtelel ora. Jiñʌch pulbil bʌ c majtan mu' bʌ i yʌc' jini israelob cha'an mi' yʌq'ueñoñob wocolix cʌlʌ.

Exodo 29:29

Jini ch'ujul bʌ i bujc tac Aarón mi caj i yʌq'uentelob i yalobilob che' mi' ch'ʌmbeñob i ye'tel. Mi caj i lʌpob cha'an mi' sʌq'uesʌntelob, cha'an mi' wa'chocontelob ti motomaj.

Exodo 40:13

Yom ma' lʌpben ch'ujul bʌ i bujc Aarón. Yom ma' bon. Yom ma' sʌq'uesan cha'an mi' melbeñoñob que'tel ti motomaj.

Exodo 40:15

Yom ma' bon ja'el che' bajche' tsa' mele i tat, cha'an mi' melbeñoñob que'tel ti motomaj. Che'ʌch yom mi' bojñelob jini motomajob ti' tojlel i p'olbalob c'ʌlʌl ti pejtelel ora, che'en lac Yum.

Isaias 10:27

Ti jim bʌ ora Dios mi caj i loc'sañetla ti to'ol jach bʌ e'tel. Mi caj i ch'ʌmbeñetla la' cuch che' mi' coltañetla jini yajcʌbil bʌ i cha'an.

Levitico 21:10

Suben jini ñuc bʌ motomaj tsa' bʌ bombenti i jol ti aceite, lʌpbil bʌ i cha'an jini yajcʌbil bʌ i pislel: “Mach yomic wojtsic'tic a jol. Mach ma' tsil a pislel.

Levitico 23:20

An ti' wenta jini motomajob cha'an mi' jʌmts'uñob ili majtañʌl tac tic tojlel come jiñʌch jʌmts'ubil bʌ c majtan. La' i yʌc'ob ili alʌc'ʌl tac yic'ot waj melbil bʌ ti ñaxan bʌ i wut pʌc'ʌbʌl. Jiñʌch ch'ujul bʌ c majtan tac. Mi caj i yʌq'uentelob motomajob cha'an i bʌlob i ñʌc'.

Levitico 6:16

Aarón yic'ot i yalobilob mi caj i c'uxob i colobal mu' bʌ i cʌytʌl. Mach yomic mi' c'uxtʌl yic'ot levadura ya' ti Ch'ujul bʌ Ajñibʌl. La' i c'uxob i colobal c majtan ya' ti' pat jini pisil bʌ cotot.

Levitico 6:18

Pejtelel winic bʌ i p'olbal Aarón mi mejlel i c'uxob c'ʌlʌl ti pejtelel ora jini loq'uem tac bʌ tic majtan. Cojach jini motomajob mi mejlel i c'uxob jini majtañʌl. Ch'ujul mi' yajñel majqui jach mi' tʌl jini majtañʌl tac, che'en lac Yum.

Levitico 6:26

Jini motomaj mu bʌ i yʌc' jini majtañʌl cha'an mulil mi caj i c'uxe' ya' ti ch'ujul bʌ ajñibʌl ti' pat jini pisil bʌ cotot ba' mi lac tempan lac bʌ.

Levitico 7:14

Jini motomaj mi caj i yʌq'ueñon junq'uejl waj loq'uem bʌ ti' yonlel. Jini motomaj mu' bʌ i tsijcʌben i ch'ich'el alʌc'ʌl ti' tojel pulʌntib mi caj i ch'ʌm i colobal c majtan ti chajp ti chajp.

Levitico 7:28

Lac Yum tsi' cha' sube Moisés: Subeñob israelob: Jini yom bʌ i yʌq'ueñon c majtan cha'an mi' subeñon wocolix cʌlʌ, la' i ch'ʌmbeñon tilel c majtan.

Levitico 7:6

Cojach jini motomajob yic'ot ch'iton bʌ i yalobilob mi mejlel i c'uxob. Yom mi' c'uxob ya' ti Ch'ujul bʌ Ajñibʌl, come c'ax ch'ujulʌch jini majtañʌl.

Levitico 8:30

Tsi' ch'ʌmʌ ja'el jini aceite yic'ot jini ch'ich' am bʌ ti pulʌntib. Tsa' caji i tsijcan Aarón yic'ot i yalobilob yic'ot i pislelob. Che' jini Moisés tsi' yʌc'ʌ ti' c'ʌb Dios jini motomaj Aarón yic'ot i yalobilob yic'ot pejtel i pislelob.

Numeros 18:9

Jini majtañʌl bʌ harina yic'ot jini majtañʌl tac cha'an mulil yic'ot majtañʌl tac cha'an jontolil a cha'añʌch. Ch'ujul pejtelel jini majtañʌl tac.

Numeros 5:9

Pejtelel jini majtañʌl tac yic'ot ch'ujul tac bʌ mu' bʌ i yʌc'ob jini israelob, i cha'añʌch jini motomajob, che'en lac Yum Dios.

1 Corintios 9:13

¿Mach ba la' wujilic? Jini mu' bʌ i cha'leñob e'tel ti templo mi' c'uxob jini ac'bil bʌ ti templo. Jini mu' bʌ i yʌq'ueñob i majtan Dios ya' ti pulʌntib mi' c'uxob chuqui ac'bil ya'i.

Deuteronomio 12:11

Yom ts'ʌcʌl mi la' ch'ʌm majlel chuqui mic subeñetla ya' ti' yajñib lac Yum Dios yajcʌbil bʌ i cha'an. Ya' yom mi la' ch'ujutesan. Ya' yom mi la' wʌq'uen jini pulbil tac bʌ majtañʌl, yic'ot tsʌnsʌbil bʌ majtañʌl, yic'ot la' diezmo, yic'ot la' wofrenda tac, yic'ot ja'el pejtel mu' bʌ la' wʌq'uen lac Yum.

Deuteronomio 12:6

Ya' yom mi la' pʌyben tilel i majtan mu' bʌ caj i laj pulel, yic'ot i majtan mu' bʌ caj i tsʌnsʌntel, yic'ot la' diezmo, yic'ot la' wofrenda, yic'ot ja'el jini t'an mu' bʌ caj la' wʌc', yic'ot jini majtañʌl tilem bʌ ti la' pusic'al, yic'ot i yʌx al la' wacax, yic'ot i yʌx al la' tiñʌme'.

Deuteronomio 18:1

Jini motomajob yic'ot levíjob i p'olbalo' bʌ Leví, ma'añobic i chubʌ'an che' bajche' israelob. Mi caj i c'uxob we'elʌl mu' bʌ i yʌq'uentel lac Yum ti' majtan cha'an israelob.

Deuteronomio 26:13

Che' jini mi caj a wʌl ti' wut lac Yum: “Tsa'ix c loc'sa c diezmo ti cotot. Tsa'ix cʌq'ueyob jini levíjob, yic'ot jini ñajt bʌ ch'oyolob, yic'ot meba' alʌlob, yic'ot meba' x'ixicob che' bajche' tsa' subeyon ti mandar. Ma'anic tsac ñusʌbeyet a t'an. Ma'anic tsa' ñajʌyi c cha'an.

Hebreos 1:9

Tsa' mula chuqui toj. Tsa' ts'a'le jontolil. Jini cha'an joñon, a Dios, tsa'ix c ñumen aq'ueyet i tijicñʌyel a pusic'al bajche' yaño' bʌ”, che'en.

1 Juan 2:20

Pero tsa'ix tili jini Ch'ujul bʌ Espíritu ti la' tojlel. Jini cha'an mi la' cʌmben i sujmlel ti la' pejtelel.

1 Juan 2:27

Tsa'ix aq'uentiyetla jini Ch'ujul bʌ Espíritu woli bʌ i chʌn ajñel ti jatetla. Jini cha'an mach wersajic mi' cʌntesañetla yambʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.