Numeros 18:7 - Chol: I T’an Dios

⁷ Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Chol de Tumbalá Bible

⁷ Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Jiñi Tsiji' bʌ Wen T'añ cha'añ Estudio

⁷ Pero jatet yic'ot a walobilob, mi caj la' ch'ʌm ti la' wenta la' motomajintel yic'ot pejtelel e'tel tac ya' ti pulʌntib, ya' ti' mal juntsajl pisil, mi cajel la' mel la' we'tel. Joñon tsa' cʌq'ueyetla la' c'ʌjñibal cha'añ ili e'tel che' bajche' la' majtañ; mi tsi' lʌc'tesa i bʌ wiñic mach bʌ añic i ye'tel la' wic'ot, mi' cajel ti chʌmel.”

Numeros 18:7 Iomraidhean Croise

Salmos 115:10

Jatetla i yalobilet bʌ la Aarón, ñopola lac Yum. Jiñʌch la' waj coltaya, la' mʌctʌjibʌch.

Exodo 28:1

Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Exodo 29:9

Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Ezequiel 44:15

Pero jini motomajob yic'ot levíjob i yalobilo' bʌ Sadoc tsi' chʌn meleyob i motomajil ti Templo che' baqui ora jini israelob tsi' tʌts'ʌyob i bʌ tic tojlel cha'an mi' ch'ujutesañob dioste' tac. Jiñobʌch mu' bʌ caj i melbeñoñob que'tel cha'an mi' yʌc'ob i lewil yic'ot i ch'ich'el majtañʌl, che'en lac Yum Dios.

Ezequiel 44:16

Jiñob jach mi mejlel i yochelob ya' ti Ch'ujul bʌ Ajñibʌl c cha'an. Mi mejlel i cha'leñob i ye'tel ya' tic mesa. Yic'ot mi caj i jac'ob pejtelel c mandar.

Ezequiel 44:8

Come ma'anic tsa' la' jac'ʌ ti pejtelel jini tsa' bʌ ajli cha'an i cʌntʌntel jini Ch'ujul bʌ Ajñibʌl, come tsa'ix la' wotsa yambʌ winicob cha'an mi' cha'leñob i ye'tel ya' ti Ch'ujul bʌ Cajñib.

Levitico 7:35

Ti pejtelel majtañʌl mu' bʌ c pulbentel jiñʌch mu' bʌ caj i yʌq'uentel Aarón yic'ot i yalobilob come tsac wa'chocoyob ti' ye'tel motomaj tic tojlel.

Numeros 1:51

Baqui ora mi' ch'ʌjmel majlel jini Tabernáculo, an ti' wenta jini levíjob cha'an mi' chejob. An ti' wenta ja'el cha'an mi' cha' wa'chocoñob. Mi tsi' lʌc'tesa yambʌ winic mach bʌ levíjic la' chʌmic.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 18:20

Lac Yum tsi' sube Aarón: Ma'anic mic t'oxbeñetla lum yic'ot israelob. Ma'anic mi caj cʌq'ueñet a cha'an bʌ ti' tojlelob. Joñon la' cha'añon. Muq'uix la' taj i tijicñʌyel la' pusic'al tic tojlel.

Numeros 3:10

Jini jach an ti' wenta Aarón yic'ot i yalobilob cha'an mi' cha'leñob motomajiyel. Mi tsa' ochi joch winic ti' ye'tel motomaj mi' tsʌnsʌntel.

Numeros 3:38

Jini mu' bʌ caj i yajñelob ya' ti' tojel Tabernáculo ba' mi' pasel q'uin jiñobʌch Moisés yic'ot Aarón yic'ot i yalobilob, cha'an i ye'tel ti' mal jini Ch'ujul bʌ Ajñibʌl, cha'an mi' ch'ujutesañob Dios ti' tojlel israelob. Majqui jach joch winic mi tsa' ochi ya' ti Tabernáculo muq'uix i chʌmel.

Mateo 10:8

Lajmesanla xc'amʌjelob. Techela ch'ojyel chʌmeño' bʌ. Lajmesanla año' bʌ leco bʌ i tsoy. Chocola loq'uel xibajob. A majtan jach tsa' aq'uentiyetla. I majtan jach mi la' wʌq'ueñob ja'el.

Juan 3:27

Juan tsi' jac'ʌ: Ma'anic chuqui mi' tajob winicob, cojach mu' bʌ i tilel ti Dios am bʌ ti panchan.

Efesios 3:8

Anquese mach ñuconic che' bajche' yaño' bʌ i cha'año' bʌ Dios, tsa' aq'uentiyon que'tel cha'an mic subeñob gentilob jini wen t'an yic'ot i yutslel Cristo, cha'an mi' cʌñob i ñuclel Cristo mach bʌ lu' cʌmbilic lac cha'an.

Deuteronomio 18:2

Pero ti' tojlel i pi'ʌlob ma'añobic i chubʌ'an. Lac Yum i cha'anʌch Leví che' bajche' tsi' wʌn subeyob.

Hebreos 5:4

Ma'anic majch mi' bajñel ch'ʌm jini ñuc bʌ e'tel, cojach jini mu' bʌ i pʌjyel ti Dios che' bajche' tsa' pʌjyi Aarón.

Josue 18:7

Ma'anic mi caj i tajob i lum jini levíjob, come jini e'tel ti motomaj jiñʌch tsa' bʌ aq'uentiyob ti lac Yum. Tsa'ix aq'uentiyob i lum jini Gad, Rubén yic'ot Manasés, i pi'ʌl bʌ Efraín, come Moisés i winic lac Yum tsi' yʌq'ueyob i lum ti junwejl Jordán ja' ya' ba' mi' pasel q'uin, che'en.

1 Pedro 5:2

Cʌntanla i tiñʌme' Dios año' bʌ ti la' wenta. Mach cha'anic xic'bebiletla, pero ti pejtelel la' pusic'al che' bajche' yom Dios. Mach cha'anic ganar, pero cha'an che' yom la' pusic'al.

1 Pedro 5:3

Mach yomic mi la' chañ'esan la' bʌ ti' tojlel jini tiñʌme' año' bʌ ti la' wenta. Pʌsbeñob ti la' melbal bajche' yom mi' melob.

1 Samuel 2:28

Joñon tsac yajca a tat Aarón. Tsa cotsa ti motomaj ti' tojlel jini lajchʌnmojt i p'olbal Israel cha'an mi' yʌq'ueñoñob c majtan ti pulʌntib. Tsa cʌq'ue i ch'ʌm pejtelel jini ofrenda i cha'an bʌ israelob.