Numeros 18:6 - Chol: I T’an Dios

⁶ Awilan tsac yajca la' pi'ʌlob i yalobilo' bʌ Leví cha'an mi' coltañetob ti e'tel ti Tabernáculo.

Chol de Tumbalá Bible

⁶ Awilan tsac yajca la' pi'ʌlob i yalobilo' bʌ Leví cha'an mi' coltañetob ti e'tel ti Tabernáculo.

Jiñi Tsiji' bʌ Wen T'añ cha'añ Estudio

⁶ Come joñon tsa' c yajca la' pi'ʌlob i yalobilo' bʌ Leví loq'uemo' bʌ ti' tojlel israelob, tsa' bʌ aq'uentiyetla che' bajche' la' majtañ ti lac Yum cha'añ mi' melob i ye'tel ya' ti Tabernáculo ba' mi la' tempan la bʌ.

Numeros 18:6 Iomraidhean Croise

Genesis 6:17

Awilan, mi caj c choc tilel but'ja' cha'an mic jisan pejtel i bʌl pañimil am bʌ i cuxtʌlel. Mi' caj ti chʌmel pejtel cuxul bʌ ti pañimil,

Genesis 9:9

Awilan, mi cʌq'ueñetla xuc'ul bʌ c t'an ti la' tojlel yic'ot ti' tojlel jini talto bʌ la' p'olbal. Mi cʌq'uen trato bʌ c t'an ja'el jini mut yic'ot alʌc'ʌl yic'ot bʌte'el che' bajche' jaycojt tsa' loq'ui ti barco. Ma'anix mi caj c chʌn jisan pejtel pañimil ti but'ja'.

Exodo 14:17

Mi caj c wen tsʌts'esʌbeñob i pusic'al egiptojob cha'an mi' yajñesañetla majlel. Mi caj c tsictesan c ñuclel ti' tojlel Faraón, ti' tojlel i soldadojob yic'ot jini c'ʌchʌlo' bʌ ti carreta tac yic'ot ti caballo.

Exodo 31:6

Ña'tan ja'el joñon tsac pʌyʌ Aholiab i yalobil Ahisamac, loq'uem bʌ ti' p'olbal Dan. Tsac pʌyʌ cha'an mi' coltan jini Bezaleel. Pejtelel jini am bʌ i ña'tʌbal tsa'ix cʌq'ueyob i ch'ejlel cha'an pejtelel i p'ip'lel i pusic'al, cha'an mi' melob pejtelel chuqui tsa' bʌ c subeyet.

Isaias 48:15

Joñon tsac wʌn subu. Tsa cʌq'ue i ye'tel Ciro. Tsac pʌyʌ tilel. Tsaj colta cha'an mi' mʌjlel i cha'an.

Isaias 51:12

Joñon la' Yumon. Mic ñuq'uesʌbeñetla la' pusic'al. Mi cʌq'ueñetla la' tijicñʌyel. ¿Yom ba mi la' bʌc'ñan winicob yujilo' bʌ chʌmel? ¿Mach ba lajalobic bajche' pimel?

Ezequiel 34:11

Come lac Yum Dios woli' yʌl: Awilan joñon mic majlel c sajcan jini c tiñʌme' jinto mic taj.

Ezequiel 34:20

Jini cha'an lac Yum Dios mi' subeñetla. Mi caj c cha'len meloñel ti' tojlel jini jujp'em bʌ xcʌntaya yic'ot yajyaj bʌ tiñʌme'.