Numeros 18:5 - Chol: I T’an Dios

⁵ Cojach jatetla motomajet bʌ la, an ti la' wenta jini e'tel ti Ch'ujul bʌ Ajñibʌl yic'ot ya' ti' t'ejl pulʌntib. Che' jini mi xuc'uletla ma'anix mi' chʌn tilel c mich'ajel ti' contra israelob.

Chol de Tumbalá Bible

⁵ Cojach jatetla motomajet bʌ la, an ti la' wenta jini e'tel ti Ch'ujul bʌ Ajñibʌl yic'ot ya' ti' t'ejl pulʌntib. Che' jini mi xuc'uletla ma'anix mi' chʌn tilel c mich'ajel ti' contra israelob.

Jiñi Tsiji' bʌ Wen T'añ cha'añ Estudio

⁵ Cojach jatetla motomajet bʌ la, añ ti la' wenta jiñi e'tel ti Ch'ujul bʌ Ajñibʌl yic'ot ya' ti' pulʌntib, cha'añ ma'añic mi' chʌn tilel i mich'ajel lac Yum ti' contra israelob.

Numeros 18:5 Iomraidhean Croise

1 Cronicas 23:24

Pejtelel iliyi jiñobʌch i p'olbalob Leví. Tsa' ochiyob ti censo che' bajche' jaytiquilob i p'olbal i ñojte'elob jini año' bʌ ti jujunc'al i jabilel yic'ot ñumenobix bʌ i jabilel. Jiñobʌch jini tsa' bʌ cajiyob ti e'tel ya' ti Templo.

1 Cronicas 23:32

Tsi' cʌntayob jini Tabernáculo yic'ot jini Templo. Tsi' chʌn coltayob jini motomajob ti pejtelel i ye'tel ti' yotot lac Yum.

1 Cronicas 24:5

Tsi' cha'leyob yajcaya ti alas cha'an mi' tajob i ye'tel ti jujunmojt, come añob ñuc taco' bʌ i ye'tel cha'an Dios ti' tojlel i p'olbalob Eleazar, yic'ot ti' tojlel i p'olbalob Itamar.

1 Cronicas 9:19

Salum jiñʌch i yalobil Coré, i yalobil Ebiasaf, i yalobil Coré. An ti' wenta Salum yic'ot i pi'ʌlob jini corejob cha'an mi' q'uelob jini majtañʌl tac ti Templo, cha'an mi' cʌntañob jini Ch'ujul bʌ Ajñibʌl, che' bajche' i ñojte'elob tsi' cʌntayob jini Tabernáculo.

1 Cronicas 9:23

An ti' wenta jini xcʌntayajob yic'ot i p'olbalob cha'an mi' cʌntañob jini Tabernáculo.

1 Cronicas 9:33

Jini xc'ayob levíjobʌch ti pejtelel. Tsa' chumleyob ti Templo ya' ti Jerusalén. An i ye'tel ti q'uiñil ti ac'ʌlel. Ma'anic yambʌ i ye'tel, cojach iliyi. Tsa' yajcʌntiyob loq'uel ti' yotot tac levíjob.

Exodo 27:21

Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Jeremias 23:15

Jini cha'an, q'uele chuqui mi caj c tumbeñob jini x'alt'añob. Mi caj cʌq'ueñob i jap ch'aj bʌ ja' am bʌ i venenojlel, che'en i Yum Panchan yic'ot Pañimil, come ti' caj i mul jini x'alt'añob ti Jerusalén but'ul ili lum ti jontolil.

Ezequiel 44:15

Pero jini motomajob yic'ot levíjob i yalobilo' bʌ Sadoc tsi' chʌn meleyob i motomajil ti Templo che' baqui ora jini israelob tsi' tʌts'ʌyob i bʌ tic tojlel cha'an mi' ch'ujutesañob dioste' tac. Jiñobʌch mu' bʌ caj i melbeñoñob que'tel cha'an mi' yʌc'ob i lewil yic'ot i ch'ich'el majtañʌl, che'en lac Yum Dios.

Ezequiel 44:16

Jiñob jach mi mejlel i yochelob ya' ti Ch'ujul bʌ Ajñibʌl c cha'an. Mi mejlel i cha'leñob i ye'tel ya' tic mesa. Yic'ot mi caj i jac'ob pejtelel c mandar.

Levitico 10:6

Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Levitico 24:3

Ya'an jini lámpara melbil bʌ ti oro ti' tojel jini tsalʌl bʌ pisil mu' bʌ i mʌctan jini C'ax Ch'ujul bʌ Ajñibʌl. An ti' wenta Aarón cha'an mi' cha' otsan aceite, cha'an mi' tsepben tac i mechajlel ti jujump'ejl sʌc'ajel. Pejtelel iliyi yom mi la' chʌn ña'tan ti pejtelel q'uin jatetla yic'ot la' p'olbal.

Zacarias 10:3

Ti' caj i mul jini jontol bʌ xcʌntayajob wen mich'on. Mi caj cʌq'ueñob i toj i mul jini yumʌlob, come tsa'ix tili lac Yum Dios cha'an mi' coltan jini año' bʌ ti Judá, come i yʌlac'. Mi caj c p'ʌtesañob cha'an lajal mi' sujtelob che' bajche' wen ch'ejl bʌ caballo ti guerra, che'en.

Numeros 1:50

Come jini levíjob tsa' aq'uentiyob i ye'tel ya' ti Tabernáculo. An ti' wenta cha'an mi' cuchob majlel jini Tabernáculo yic'ot pejtelel i bʌl. Lʌc'ʌl mi' chumtʌlob ti Tabernáculo.

Numeros 1:53

Jini levíjob mi caj i melob i yotot ya' ti' pam jini Tabernáculo cha'an ma'anic mic mich'len israelob. An ti' wenta jini levíjob cha'an mi' cʌntañob Tabernáculo. Che' tsi' yʌlʌ lac Yum.

Numeros 16:46

Moisés tsi' sube Aarón: Ch'ʌmʌ i yajñib pom ti ora. Otsan jini nich c'ajc am bʌ ya' ti pulintib. Che' woli to ti pulel, cucu ti ajñel. Ch'ʌmʌ majlel ya' ba'an israelob cha'an mi' ñusʌbentelob i mul, come mich' lac Yum. Woli' pʌsbeñob i mich'ajel cha'an tsi' mich'leyob. Woliyobix ti chʌmel, che'en Moisés.

Numeros 18:4

Mux caj a wʌq'ueñob i ye'tel a pi'ʌlob ti jujuntiquil cha'an mi' ch'ʌmob ti' wenta jini e'tel ti Tabernáculo ba' mic ñochtañet, pero mach yomic mi' wis ochel la' wic'ot ti e'tel jini joch winic mach bʌ la' pi'ʌlic.

Numeros 8:19

Tsa cʌc'ʌyob ti' wenta Aarón yic'ot i yalobilob cha'an mi' cha'leñob e'tel ti Tabernáculo ti' q'uexol israelob. Mi caj i yʌq'ueñoñob c majtan tac cha'an i mul israelob. Che' jini muq'uix i mʌctañob wocol ba' ora mi' lʌc'tesañob i bʌ ya' ti Ch'ujul bʌ Ajñibʌl jini israelob. Che' tsi' yʌlʌ lac Yum.

1 Timoteo 1:18

Calobil Timoteo, che'ʌch wolic subeñet cha'an ma' cha'len wen bʌ guerra, cha'an mi' ts'ʌctiyel chuqui tsa' wʌn ajli ti a tojlel.

1 Timoteo 3:15

Mi tsa' jaleyon, mi mejlel a ña'tan bajche' yom ma' mel ti' yotot Dios ti' tojlel jini xñopt'añob mu' bʌ i tempañob i bʌ, i cha'año' bʌ jini cuxul bʌ Dios. Jini xñopt'añob jiñʌch i cucujlel yic'ot i yoyel i yotot Dios ba' mi' tsictesʌntel i sujmlel.

1 Timoteo 5:21

Ti' tojlel Dios yic'ot lac Yum Jesucristo, yic'ot yajcʌbilo' bʌ i yángelob, mic subeñet ti mandar cha'an ma' jac' ili cʌntesa ti toj. Mach yomic jelchojc ma' cha'len c'uxbiya.

1 Timoteo 6:20

Timoteo, wen cʌntan pejtelel chuqui tac aq'uebilet ti a wenta. Mach a ñich'tan lolom jach bʌ i t'an pañimil ti' tojlel jini mu' bʌ i cʌlʌx pejcañob i bʌ, mu' bʌ i lon ña'tañob cabʌlʌch i ña'tʌbal.