Numeros 18:21 - Chol: I T’an Dios

²¹ Awilan tsa'ix cʌq'ueyob jini levíjob pejtelel jini diezmo tac mu' bʌ i ch'ʌmob tilel jini israelob. I wenta i lum cha'an woli' melob que'tel ti Tabernáculo ba' mi lac ñochtan lac bʌ.

Chol de Tumbalá Bible

²¹ Awilan tsa'ix cʌq'ueyob jini levíjob pejtelel jini diezmo tac mu' bʌ i ch'ʌmob tilel jini israelob. I wenta i lum cha'an woli' melob que'tel ti Tabernáculo ba' mi lac ñochtan lac bʌ.

Jiñi Tsiji' bʌ Wen T'añ cha'añ Estudio

²¹ Joñon tsa' cʌq'ueyob levijob pejtelel jiñi diezmo tac mu' bʌ i ch'ʌmob tilel jiñi israelob, i wentajlel i lum cha'añ woli' melob que'tel ti Tabernáculo ba' mi la' tempan lac bʌ.

Numeros 18:21 Iomraidhean Croise

Genesis 14:20

La' subentic i ñuclel Dios jini C'ax Ñuc Bʌ tsa' bʌ i yʌq'ueyet a t'uchtan a contrajob, che'en Melquisedec. Abram tsi' yʌq'ue Melquisedec i diezmojlel pejtelel i chubʌ'an.

Genesis 47:24

Che' ti yorajlel c'ajbal mi caj la' wʌq'uen Faraón junlujch trigo loq'uem bʌ ti jo'lujch. Chʌnlujch la' cha'añʌch cha'an la' pac' yic'ot cha'an i bʌl la' ñʌc'. La' cha'añʌch cha'an mi la' c'ux yic'ot la' pi'ʌlob yic'ot la' walobilob, che'en José.

Genesis 47:26

José tsi' mele ley. C'ʌlʌl ti ili ora leyʌch ti' lumal Egipto. I cha'añʌch Faraón i wut pʌc'ʌbʌl. Mi' yʌq'uentel Faraón jump'is ti jo'p'is. Cojach i lum motomajob mach i cha'anic Faraón.

2 Cronicas 31:12

Ya' ti tsalʌl tac tsa' caji i yʌc'ob jini ñaxan tac bʌ i wut pʌc'ʌbʌl, yic'ot yan tac bʌ i majtan Dios. Ti' xuc'tilel i pusic'al tsi' yʌc'ʌyob ti' wenta jini leví i c'aba' Conanías. Simei i yeran Conanías tsi' colta ti e'tel.

Nehemias 10:29

Pejtelel israelob yic'ot jini ñuco' bʌ i ye'tel woli' temob i t'an cha'an mi' jac'beñob i mandar Dios tsa' bʌ aq'uenti Moisés, i winic Dios. Woli' subob i bʌ cha'an mi caj i ch'ujbiñob pejtel i mandar lac Yum. Mi caj i melob che' bajche' cʌntesʌbilob ti ts'ijbujel. Machic mi' melob mi caj i tojob i mul.

Nehemias 10:37

Mux lac ch'ʌmbeñob majlel motomajob ya' ti' mal i yotot lac Dios: jini uts'at bʌ lac trigo yic'ot cebada yic'ot ofrenda mu' bʌ la cʌq'uen Dios, i wut jujump'ejl te' yic'ot jini tsiji' bʌ vino yic'ot aceite. Mux la cʌq'ueñob levíjob i diezmojlel i wut pʌc'ʌbʌl. Come an ti' wenta levíjob cha'an mi' ch'ʌmob jini diezmo tac ti pejtelel tejclum ba' chumulonla.

Nehemias 10:38

Jini motomaj, i yalobil bʌ Aarón, mi caj i q'uel levíjob che' bʌ mi' ch'ʌmob jini diezmo tac. Jini levíjob mi caj i cha' loc'sañob jini diezmo tac cha'an mi' yʌq'ueñob Dios. Mi caj i ch'ʌmob letsel ti' yotot lac Dios cha'an mi' yotsañob ti' yotlel ba' lotol i majtan.

Nehemias 12:44

Ti ili q'uin tsa' yajcʌntiyob winicob cha'an mi' q'uelob i yotlel tac chubʌ'añʌl yic'ot ofrenda tac yic'ot ñaxan bʌ i wut pʌc'ʌbʌl, yic'ot jini diezmo tac, cha'an mi' tempañob chuqui tac c'ajtibil ti ley cha'an mi' yotsañob ti' yotlel. An i ye'tel cha'an mi' lotbeñob i majtan tac motomajob yic'ot levíjob loc'sʌbil bʌ ti jujumpejt lum. Cabʌlix i tijicñʌyel jini año' bʌ ti Judá cha'an cha' c'uxbibilob motomajob yic'ot levíjob woliyo' bʌ ti e'tel.

Nehemias 12:47

Ti jujump'ejl q'uin che' cuxul to Zorobabel yic'ot Nehemías, pejtel israelob tsi' yʌq'ueyob i bʌl i ñʌc' jini xc'ayob yic'ot xcʌnta ti'ob. Tsi' yʌq'ueyob levíjob ja'el chuqui yom i cha'añob. Jini levíjob tsi' cha' aq'ueyob i p'olbal Aarón chu' bʌ yom che' bajche' ts'ijbubil.

Nehemias 13:12

Pejtel año' bʌ ti Judá tsi' ch'ʌmʌyob tilel i diezmojlel trigo yic'ot vino yic'ot aceite. Tsi' yotsayob ti' yotlel.

Nehemias 13:5

tsi' chajpa colem bʌ i mal otot cha'an mi' yajñel Tobías ya' ba' mi' lojtel i majtan tac Dios: jini melbil tac bʌ ti harina, yic'ot pom, yic'ot latu tac, yic'ot i diezmojlel trigo, yic'ot tsiji' bʌ vino, yic'ot aceite aq'uebilo' bʌ levíjob yic'ot xc'ayob yic'ot xcʌnta ti'ob yic'ot motomajob che' bajche' ts'ijbubil ti mandar.

Malaquias 2:4

Che' jini mi caj la' ña'tan joñoñʌch tsa' bʌ c chocbeyetla tilel ili t'an cha'an mi la' sutq'uin la' bʌ, cha'an mi la' jac' jini mandar tsa' bʌ cʌq'ue la' tat Leví, che'en i Yum Panchan yic'ot Pañimil.

Malaquias 3:10

Ch'ʌmʌla tilel pejtelel jini diezmo tac ti' yajñib cha'an mi' jastiyel i bʌl ñʌc'ʌl jini levíjob tic Templo. Che' jini mi caj la' q'uel xuc'ulon. Mi caj c jambeñetla jini panchan cha'an mi cʌq'ueñetla pejtel chuqui la' wom. Ñopola ti isujm. Che' jini mi caj c pʌsbeñetla isujmʌch c t'an.

Numeros 18:6

Awilan tsac yajca la' pi'ʌlob i yalobilo' bʌ Leví cha'an mi' coltañetob ti e'tel ti Tabernáculo.

Numeros 31:28

Pero ñaxan yom mi la' loc'beñon c cha'an bʌ i wenta i tojoñelob jini tsajñiyo' bʌ ti guerra. Yom jump'ejl loq'uem bʌ ti jo'c'al i cha'bajc' (500), mi winicob, mi x'ixicob, mi wacax, mi burro, mi tiñʌme'.

Gálatas 6:6

Jini woli bʌ ti cʌntesʌntel ti' t'an Dios, la' i coltan i yaj cʌntesa yic'ot i chubʌ'an.

Deuteronomio 18:8

Mi wen chumul jini winic o mi mach wen chumulic, lajal mi caj i taj i bʌl i ñʌc' yic'ot jini levíjob.

Hebreos 7:5

Isujm, ts'ijbubil ti jini mandar an ti' wenta i p'olbal Leví mu' bʌ i yochelob ti motomajil cha'an mi' ch'ʌmbeñob i diezmojlel i chubʌ'an i pi'ʌlob. Anquese laj i p'olbalob Abraham ti pejtelelob, pero che'ʌch yom mi' yʌq'ueñob i chubʌ'an i pi'ʌlob.