Numeros 18:2 - Chol: I T’an Dios

^2-3 La' i coltañet ti e'tel a pi'ʌlob, i p'olbal bʌ Leví. Muq'uix i jac'beñetob pejtelel chuqui ma' subeñob, pero jatet jach yic'ot a walobilob mi caj i melob que'tel ti' mal ili Tabernáculo. Mach yomic mi' lʌc'tesañob i bʌ ame i tʌlob chuqui tac ch'ujul, mi jini e'tijibʌl mi jini pulʌntib, ame chʌmicob, ame chʌmiquet ja'el.

Chol de Tumbalá Bible

^2-3 La' i coltañet ti e'tel a pi'ʌlob, i p'olbal bʌ Leví. Muq'uix i jac'beñetob pejtelel chuqui ma' subeñob, pero jatet jach yic'ot a walobilob mi caj i melob que'tel ti' mal ili Tabernáculo. Mach yomic mi' lʌc'tesañob i bʌ ame i tʌlob chuqui tac ch'ujul, mi jini e'tijibʌl mi jini pulʌntib, ame chʌmicob, ame chʌmiquet ja'el.

Jiñi Tsiji' bʌ Wen T'añ cha'añ Estudio

² Su'ben i lʌc'tesañob i bʌ ja'el a pi'ʌlob ti a tojlel cha'añ mi' tempañob i bʌ a wic'ot, jiñi i p'olbalo' bʌ Leví i ñojte'el a tat, la' i coltañetob ti a we'tel; jatet yic'ot a walobilob mi cajel la' mel la' we'tel ya' ti tabernáculo ba' lotol jiñi Mandar.

Numeros 18:2 Iomraidhean Croise

Genesis 29:34

Tsi' cha' cʌnta i yalobil. Tsi' yʌlʌ: Wʌle c ñoxi'al mi caj i yajñel quic'ot, come tsa'ix cʌq'ue uxtiquil ch'iton bʌ i yalobilob, che'en. Jini cha'an tsa' otsʌbenti i c'aba' Leví, “Mi' c'uxbin”.

2 Cronicas 30:16

Tsa' caji i melob jini e'tel ti jujuntiquil che' bajche' tsi' yʌc'ʌ mandar Moisés i winic Dios. Jini motomajob tsa' caji i tsijcañob jini ch'ich' tsa' bʌ i ch'ʌmbeyob tilel levíjob.

Ezequiel 44:11

Jiñobʌch mi caj i cha'leñob cʌntaya ya' ti Templo. Mi caj i tsʌnsañob jini alʌc'ʌl tac cha'an pulbil tac bʌ majtañʌl. Mi caj i melbeñob i ye'tel jini winicob x'ixicob.

Ezequiel 44:15

Pero jini motomajob yic'ot levíjob i yalobilo' bʌ Sadoc tsi' chʌn meleyob i motomajil ti Templo che' baqui ora jini israelob tsi' tʌts'ʌyob i bʌ tic tojlel cha'an mi' ch'ujutesañob dioste' tac. Jiñobʌch mu' bʌ caj i melbeñoñob que'tel cha'an mi' yʌc'ob i lewil yic'ot i ch'ich'el majtañʌl, che'en lac Yum Dios.

Malaquias 2:4

Che' jini mi caj la' ña'tan joñoñʌch tsa' bʌ c chocbeyetla tilel ili t'an cha'an mi la' sutq'uin la' bʌ, cha'an mi la' jac' jini mandar tsa' bʌ cʌq'ue la' tat Leví, che'en i Yum Panchan yic'ot Pañimil.

Numeros 1:53

Jini levíjob mi caj i melob i yotot ya' ti' pam jini Tabernáculo cha'an ma'anic mic mich'len israelob. An ti' wenta jini levíjob cha'an mi' cʌntañob Tabernáculo. Che' tsi' yʌlʌ lac Yum.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 17:7

Tsi' yʌq'ueyob Moisés jini bara tac. Tsi' yotsa ti' tojlel lac Yum ti' mal jini Tabernáculo.

Numeros 18:4

Mux caj a wʌq'ueñob i ye'tel a pi'ʌlob ti jujuntiquil cha'an mi' ch'ʌmob ti' wenta jini e'tel ti Tabernáculo ba' mic ñochtañet, pero mach yomic mi' wis ochel la' wic'ot ti e'tel jini joch winic mach bʌ la' pi'ʌlic.

Numeros 3:5

Lac Yum tsi' sube Moisés: Yom ma' pʌyob tilel i p'olbalob Leví cha'an mi' tilelob i coltan Aarón.

Numeros 4:15

Aarón yic'ot i yalobilob mi caj i pixob jini Ch'ujul bʌ Ajñibʌl, yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl. Che' laj pixbilix mi caj i tilelob i yalobilob Coat cha'an mi' ch'ʌmob majlel che' mi' techob i xʌmbal. Pero mach mejlic i tʌlob jini ch'ujul tac bʌ ame chʌmicob. Jiñʌch ch'ujul bʌ i ye'tel i p'olbal Coat.

Numeros 8:19

Tsa cʌc'ʌyob ti' wenta Aarón yic'ot i yalobilob cha'an mi' cha'leñob e'tel ti Tabernáculo ti' q'uexol israelob. Mi caj i yʌq'ueñoñob c majtan tac cha'an i mul israelob. Che' jini muq'uix i mʌctañob wocol ba' ora mi' lʌc'tesañob i bʌ ya' ti Ch'ujul bʌ Ajñibʌl jini israelob. Che' tsi' yʌlʌ lac Yum.

Numeros 8:22

Ti wi'il tsa' cajiyob ti tilel jini levíjob cha'an mi' melob i ye'tel ti Tabernáculo ti' tojlel Aarón yic'ot i yalobilob. Che'ʌch tsa' laj ts'ʌctiyi i mandar lac Yum tsa' bʌ subenti Moisés cha'an jini levíjob.

Hebreos 9:6

Chajpʌbilix jini otot, mi' yochelob jini motomajob ti ñaxan bʌ i mal cha'an mi' melob i ye'tel ti jujump'ejl q'uin.