Numeros 18:12 - Chol: I T’an Dios

¹² La' cha'añʌch ja'el jini ñaxan bʌ i wut pʌc'ʌbʌl jini c'ax wen bʌ mu' bʌ i yʌq'ueñoñob: jiñʌch aceite olivo, yic'ot i ya'lel ts'usub yic'ot trigo.

Chol de Tumbalá Bible

¹² La' cha'añʌch ja'el jini ñaxan bʌ i wut pʌc'ʌbʌl jini c'ax wen bʌ mu' bʌ i yʌq'ueñoñob: jiñʌch aceite olivo, yic'ot i ya'lel ts'usub yic'ot trigo.

Jiñi Tsiji' bʌ Wen T'añ cha'añ Estudio

¹² Jiñi olivo aceite yic'ot jiñi tsiji' bʌ i ya'lel ts'usub yic'ot trigo, pejtelel jiñi wen yajcʌbil tac bʌ, jiñi ñaxan tac bʌ i wut pʌc'ʌbʌl, mu' bʌ i yʌjq'uel ti' tojlel lac Yum, la' cha'añʌch tsa' cʌq'ueyetla.

Numeros 18:12 Iomraidhean Croise

Genesis 27:28

La' i yʌq'ueñet Dios jini ye'eb tilem bʌ ti panchan yic'ot wen bʌ lum yic'ot cabʌl ixim yic'ot cabʌl vino.

2 Reyob 4:42

Ti jump'ejl q'uin tsa' c'oti winic ch'oyol bʌ ti Baal Salisa. Tsi' ch'ʌmbe tilel Eliseo juncujch tsijib to bʌ ixim, yic'ot junc'al pan melbil bʌ ti tsijib harina. Eliseo tsi' sube Giezi: Aq'ueñob i c'ux jini x'alt'añob, che'en.

2 Cronicas 31:5

Che' bʌ tsa' pam pujqui ili t'an, pejtel israelob tsa' caji i ch'ʌmob tilel jini ñaxan bʌ i wut i pʌc'ʌb, yic'ot vino, yic'ot olivo aceite, yic'ob chab, yic'ot pejtelel i wut pʌc'ʌbʌl. Tsi' laj ch'ʌmʌyob tilel i diezmo loq'uem bʌ ti pejtelel i pʌc'ʌb. Wen on tsi' yʌc'ʌyob. Jini israelob ya' bʌ chumulob ti Judá yic'ot i p'olbal Judá tsi' pʌyʌyob tilel ja'el i diezmojlel i wacax yic'ot i tiñʌme'. Tsi' ch'ʌmʌyob tilel ja'el i diezmojlel yan tac bʌ majtañʌl cha'an mi' yʌq'ueñob Dios. Che' jini cabʌl tsa' tempʌyi.

Salmos 147:14

Mi' yʌc' ti lajmel guerra ya' ti la' lumal. Mi' yʌq'ueñetla jini wen bʌ trigo.

Salmos 81:16

Tsa'ic i jac'beyoñob, tsac wen we'sayob ti trigo, jini wen fino bʌ. Tsa cʌq'ueyob chab loq'uem bʌ ti xajlel cha'an mi' wen jastiyelob, che'en Dios.

Exodo 22:29

Che' i yorajlelix c'ajbal mach mi' jal'an c majtan mu' bʌ caj a wʌq'ueñon, i diezmojlel tac pejtel i wut lum. Aq'ueñon ja'el jini ascuñʌl bʌ a walobilob.

Exodo 23:19

Yom mi la' tuc' ochel ti cotot jini ñaxan bʌ i wut la' pʌc'ʌb, jini yajcʌbil bʌ. Mach mejlic la' ch'ʌx alʌ tiñʌme' mi chivo ti' ya'lel i chu' i ña'.

Exodo 34:26

Pejtelel ñaxan bʌ i wut la' pʌc'ʌb ya' ti la' lum yom mi la' ch'ʌm majlel ya' ti Tabernáculo. Joñon la' Yumon la' Dioson. Mach yomic mi la' ch'ʌx jini alʌ chivo ti jini jach bʌ i ya'lel i chu' i ña', che'en.

Ezequiel 44:30

Pejtelel ñaxan tac bʌ i wut tac pʌc'ʌbʌl yic'ot mu' bʌ i yʌq'ueñoñob cha'an c majtan, i cha'añʌch motomajob. Che' ja'el jini ñaxan bʌ jujunc'ojl sa' yom mi' yʌq'ueñon jini motomajob cha'an mi mejlel cʌq'ueñob i yutslel c t'an.

Levitico 2:12

Mi mejlel la' wʌq'ueñon yic'ot ñaxan bʌ i wut pʌc'ʌbʌl, pero mach yomic mi la' wʌc' ti' pulʌntib yic'ot xojocña bʌ c majtan.

Levitico 2:14

Mi tsa' wʌq'ueyon jini ñaxan bʌ i wut a pʌc'ʌb, yom ma' ch'il ti c'ajc jini yax to bʌ i wut jini trigo. Cujbil yom ja'el. Yom ma' wʌq'ueñon jini juch'bilix bʌ i wut trigo.

Levitico 23:17

Ch'ʌmbeñon tilel cha'q'uel waj tilem bʌ ti la' wotot. Yom mi la' jʌmts'un tic tojlel. Yom mi la' mel yic'ot ojlil lata harina yic'ot levadura chajpʌbil bʌ yic'ot jini ñaxan bʌ i wut jam.

Levitico 23:20

An ti' wenta jini motomajob cha'an mi' jʌmts'uñob ili majtañʌl tac tic tojlel come jiñʌch jʌmts'ubil bʌ c majtan. La' i yʌc'ob ili alʌc'ʌl tac yic'ot waj melbil bʌ ti ñaxan bʌ i wut pʌc'ʌbʌl. Jiñʌch ch'ujul bʌ c majtan tac. Mi caj i yʌq'uentelob motomajob cha'an i bʌlob i ñʌc'.

Deuteronomio 18:3

Jiñʌch yom bʌ mi' yʌq'uentelob motomajob cha'an israelob che' mi' pʌyob tilel i yʌlac' mi wacax mi tiñʌme' cha'an mi' yʌq'ueñob lac Yum. Yom mi' yʌq'uentelob i quejlab yic'ot i xʌc'ti' yic'ot i chuyib.

Deuteronomio 18:4

Pejtelel jini ñaxan tac bʌ i wut la' pʌc'ʌb, yic'ot i ya'lel la' ts'usub, yic'ot la' waceite, yic'ot jini ñaxan tac bʌ i tsutsel la' tiñʌme', yom mi la' wʌq'uen motomajob.

Deuteronomio 26:2

che' jini yom ma' loc'san pejtelel jini ñaxan tac bʌ i wut a pʌc'ʌb ya' ti a lum tsa' bʌ i yʌq'ueyetla lac Yum Dios. Yom ma' wotsan ti a chiquib, cha'an ma' ch'ʌm majlel ya' ti ajñibʌl yajcʌbil bʌ i cha'an lac Yum Dios ya' ba' yom ajñel la' wic'ot ba' mi' yʌc' ti cʌjñel i c'aba'.

Deuteronomio 32:14

Tsi' yʌq'ueyob lech yic'ot we'elʌl, Uts'at bʌ tat tiñʌme' tac am bʌ ti Basán, Yic'ot wen uts'at bʌ trigo. Tsi' japʌyob i ya'lel ts'usub.