Numeros 18:1 - Chol: I T’an Dios

¹ Lac Yum tsi' sube Aarón: An ti a wenta yic'ot ti' wenta a walobilob cha'an mi la' cʌntan jini Ch'ujul bʌ Ajñibʌl. Muq'uix a toj jatet yic'ot a walobilob mi mach ts'ʌcʌlic tsa' la' mele bajche' yom.

Chol de Tumbalá Bible

¹ Lac Yum tsi' sube Aarón: An ti a wenta yic'ot ti' wenta a walobilob cha'an mi la' cʌntan jini Ch'ujul bʌ Ajñibʌl. Muq'uix a toj jatet yic'ot a walobilob mi mach ts'ʌcʌlic tsa' la' mele bajche' yom.

Jiñi Tsiji' bʌ Wen T'añ cha'añ Estudio

¹ Lac Yum tsi' su'be Aarón: “Jatet yic'ot a walobilob yic'ot jiñi año' bʌ ti a wotot, añ ti la' wenta cha'añ mi la' c'ajtin i ñusʌntel mi tsi' cha'leyob mulil jiñi israelob ti jiñi Ch'ujul bʌ Ajñibʌl; ixcu jatet yic'ot a walobilob añ ti la' wenta mi la' c'ajtin i ñusʌntel mi tsa' la' cha'le mulil che' añ la' we'tel ti motomaj.

Numeros 18:1 Iomraidhean Croise

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Ezequiel 4:4

Che' bʌ tsa'ix ujti a mel pejtelel iliyi, yom ma' ñoltʌl ti a ts'ej jo'lujunc'al yic'ot lujump'ejl i jo'c'al (390) q'uin cha'an ma' cuchben i mul Israel. Jujump'ejl q'uin mi caj a cuchben i mul Israel. Jump'ejl q'uin i wentajʌch jump'ejl jab ti' tojlel israelob. Che' jini mi caj a tsictesʌbeñob mi caj i tojob i mul 390 jab.

Levitico 10:17

¿Chucoch ma'anic tsa' la' c'uxu jini i bʌc'tal majtañʌl ila ti Ch'ujul bʌ Ajñibʌl? come wen ch'ujulʌch. Dios tsi' yʌq'ueyetla ili majtañʌl cha'an i tojol i mul israelob cha'an mi la' c'ux ti' tojlel lac Yum.

Levitico 22:16

Bʌbʌq'uen che' an majqui mi' ñusan ili mandar, come tsa'ix i c'uxu ch'ujul bʌ we'elʌl, come joñoñʌch mu' bʌ c sʌq'uesan, che'en lac Yum.

Levitico 22:9

Yom ts'ʌcʌl mi' jac'beñoñob c mandar, cha'an ma'anic mi' tajob i mul, cha'an ma'anic mi' chʌmelob, come joñoñʌch mu' bʌ c sʌq'uesañob.

Numeros 14:34

Che' lajal bajche' tsajniyetla la' tsajin jini lum cha'c'al q'uin che' ja'el cha'c'al jab mi caj la' wubin cabʌl wocol cha'an la' mul, jujump'ejl jab cha'an jujump'ejl q'uin. Che' jini mux caj cʌntesañetla. Wocol jax mi caj la' toj la' mul cha'an tsa'ix la' ts'a'leyon.

Numeros 16:10

Tsa'ix i pʌyʌyetla ti la' we'tel ti' tojlel, temel yic'ot la' pi'ʌlob. ¿Mach ba jasʌlic mi la' q'uel? ¿Woli ba la' lon ña'tan cha'an anto yom mi la' ch'ʌmben i ye'tel motomaj?

Numeros 17:3

Yom ma' ts'ijbuben i c'aba' Aarón ya' ti barate' i cha'an bʌ Leví, come ti jujuntiquil yumʌl loq'uem bʌ ti lajchʌnmojt israelob an i barate'.

Numeros 17:7

Tsi' yʌq'ueyob Moisés jini bara tac. Tsi' yotsa ti' tojlel lac Yum ti' mal jini Tabernáculo.

Numeros 18:11

Che' ja'el pejtelel iliyi a cha'añʌch: Jini yan tac bʌ c majtan mu' bʌ i yʌq'ueñoñob israelob cha'an ma' jʌmts'un mi caj la' ch'ʌm cha'an mi la' c'ux yic'ot la' pi'ʌlob. Junlajal mi mejlel la' c'ux mi sʌquetla tic tojlel. Jini mach bʌ sʌquic mach mejlic i c'ux. Che'ʌch yom mi' chʌn melob a walobilob ti pejtelel ora.

Deuteronomio 10:8

Ti jim bʌ ora lac Yum tsi' wa'choco i p'olbal Leví cha'an mi' ch'ʌmob majlel jini Arca ba' lotol jini xuc'ul bʌ t'an i cha'an lac Yum. Tsi' wa'chocoyob cha'an mi' chʌn ajñelob ti' tojlel lac Yum, cha'an ja'el mi' subob i yutslel i pusic'al lac Yum che' bajche' woli' chʌn melob c'ʌlʌl wʌle.

Hebreos 13:17

Jac'benla i t'an xcʌntayajob la' cha'an. Otsan la' bʌ ti' wenta come añob i ye'tel cha'an mi' wen pʌsbeñetla i bijlel la' coltʌntel. Wersa mi caj i subob i bʌ ti' tojlel Dios. Mi uts'at mi la' jac'ob tijicña mi caj i subob. Pero mi wola' wʌq'ueñob i ch'ijiyemlel i pusic'al mach che'ic mi la' taj la' wenlel.

Hebreos 4:15

C'ax ñuc la caj motomaj. Yujil i p'untañonla, come yujil c'uñonla. Tsa' pʌjyi ti chajp ti chajp bʌ mulil ja'el, che' bajche' mi lac pʌjyel ti mulil. Pero ma'anic tsi' jac'ʌ.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

Juezob 17:12

Micaía tsi' wa'choco jini leví cha'an mi' cha'len i ye'tel ti motomaj. Ya' tsa' ajni ti' yotot Micaía.