Numeros 17:8 - Chol: I T’an Dios

⁸ Che' ti yijc'ʌlal tsa' cha' c'oti Moisés ya' ti Tabernáculo. Tsi' q'uele i barate' Aarón, am bʌ ti' wenta i p'olbal Leví, tsa'ix yax'a. Anix i nich yic'ot i buts tac. Tsi' yʌc'ʌ c'ʌñix bʌ i wut i c'aba' almendra.

Chol de Tumbalá Bible

⁸ Che' ti yijc'ʌlal tsa' cha' c'oti Moisés ya' ti Tabernáculo. Tsi' q'uele i barate' Aarón, am bʌ ti' wenta i p'olbal Leví, tsa'ix yax'a. Anix i nich yic'ot i buts tac. Tsi' yʌc'ʌ c'ʌñix bʌ i wut i c'aba' almendra.

Jiñi Tsiji' bʌ Wen T'añ cha'añ Estudio

⁸ Che' ti yijc'ʌlal tsa' cha' c'oti Moisés ya' ti Tabernáculo ba' lotol jiñi Mandar, tsi' q'uele i barajte' Aarón i p'olbal bʌ Leví tsa'ix yax-a, añix i ñich yic'ot añix i buts tac yic'ot tsi' yʌc'ʌ i wut i c'aba' almendra.

Numeros 17:8 Iomraidhean Croise

Genesis 40:10

An uxp'ejl i xʌc' ac'. Che' bʌ tsa' caji ti loq'uel i buts, ora jach tsa' loq'ui i nich. Tsa' caji ti c'ʌñ'an i wut ts'usub.

Salmos 110:2

Lac Yum tsi' buchchocoyet ti a yumʌntel ya' ti Sion. Cha'len yumʌl ti' tojlel a contrajob.

Cantares 2:3

Jini c'uxbibil bʌ c cha'an lajalʌch bajche' manzana te'. Ñumen uts'at bajche' yambʌ ch'iton winicob. Tijicñayon che' buchulon ti' yʌxñilel. Wen sumuc i wut te' mi cubin.

Isaias 4:2

Ti jini wi'il bʌ q'uin mi caj i tsictiyel jini Mesías, che' bajche' mi' ch'ocan i buts tsa' bʌ i pʌc'ʌ lac Yum. Jini cuxulob to bʌ ti Israel i t'ojol jax mi caj i q'uelob. Jiñʌch i ch'ʌjlil yic'ot i ñuclel. Uts'at mi caj i yʌq'ueñob i yonlel i wut jini lum. Jini cuxulob to bʌ tsa' bʌ coliyob ti wocol, tsa' bʌ cʌleyob ti Jerusalén, ochemo' bʌ i c'aba'ob ti' juñilel laj cuxtʌlel, mi caj i pejcʌntelob ti “Ch'ujulo' bʌ i cha'an lac Yum” che' bʌ tsa'ix i pulbeyob i bibi'lel. I yEspíritu lac Yum mi caj i loc'sʌbeñob i bibi'al i mul ya' ba' tsa' bejq'ui i ch'ich'el jini tsʌnsʌbilo' bʌ.

Ezequiel 17:24

Ti jim bʌ ora pejtelel año' bʌ ti pañimil mi caj i ña'tañob c melbalʌch. Joñon mic sec' chan tac bʌ te'. Joñon mic letsan jini pec' tac bʌ. Mic tiquesan wen yʌx bʌ te'. Mi cʌc' ti ch'ocan jini tiquinix bʌ. Pejtelel iliyi mi caj c mel. Joñon la' Yumon tsa' bʌ cʌc'ʌ c t'an”, che'en lac Yum.

Ezequiel 19:12

Pero tsa' bojqui cha'an mich' i yum. Tsa' lu' jajqui, tsa' chojqui ti lum. Che' bʌ tsa' tili jini ic', tsi' lu' pulbe i wut. Tsa' c'ʌscu jini p'ʌtʌl bʌ i c'ʌb. Che' jini tsa' tiqui jini ac'. Tsa' laj puli ti c'ajc.

Ezequiel 19:14

Tsa' caji ti pulel i c'ʌb, tsa' c'oti i lu' pulben i buts yic'ot i wut. Ma'anix p'ʌtʌl bʌ i c'ʌb te' cha'an i barate' jini rey, ma'anix rey. Jiñʌch uc'taya cha'an che'ʌch woli' yujtel Israel”. Che' tsi' yʌlʌ lac Yum.

Numeros 17:5

Mi caj c tsictesan ti barate' majqui yajcʌbil c cha'an. Mi' cajel ti nich jini barate' i cha'an bʌ c winic. Che' jini mi cajel i ñʌjch'elob ti t'an jini israelob woliyo' bʌ ti wulwul t'an ti la' tojlel, che'en lac Yum.

Numeros 17:9

Che' jini Moisés tsi' loc'sa pejtelel jini bara tac tsa' bʌ i yʌc'ʌyob jini ñuc taco' bʌ i ye'tel ti Israel. Moisés tsi' pʌsbeyob israelob. Tsi' q'ueleyob jini bara tac. Tsi' cha' ch'ʌmʌyob jini barate' ti jujuntiquil.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.