Numeros 17:10 - Chol: I T’an Dios

¹⁰ Lac Yum tsi' sube Moisés: Yom ma' cha' ch'ʌm i barate' Aarón. Otsan ti' tojel jini Arca cha'an mi' cha'leñob bʌq'uen jini xñusa mandarob, cha'an mi' ñʌjch'elob ti wulwul t'an tic tojlel mi mach yomobic chʌmel, che'en lac Yum.

Chol de Tumbalá Bible

¹⁰ Lac Yum tsi' sube Moisés: Yom ma' cha' ch'ʌm i barate' Aarón. Otsan ti' tojel jini Arca cha'an mi' cha'leñob bʌq'uen jini xñusa mandarob, cha'an mi' ñʌjch'elob ti wulwul t'an tic tojlel mi mach yomobic chʌmel, che'en lac Yum.

Jiñi Tsiji' bʌ Wen T'añ cha'añ Estudio

¹⁰ Lac Yum tsi' su'be Moisés: “Cha' otsan i barajte' Aarón ya' ti Arca, cha'añ mi' lojtel che' bajche' i yejtal cha'añ jiñi mu' bʌ i ñusañob t'añ. Che'ʌch mi cajel a wʌc'ob ti ñʌjch'el cha'añ ma'añic mi' chʌn cha'leñob wulwul t'añ tic tojlel, cha'añ ma'añic mi' chʌmelob.”

Numeros 17:10 Iomraidhean Croise

Salmos 57:4

Joyolon ti cabʌl bajlum yilal. Añon ti ojlil ba mich'ob winicob. Lajalob bajche' bajlum am bʌ jay bʌ i bʌquel i yej. Mi' c'ʌñob i yac' che' bajche' jay bʌ espada.

Exodo 16:32

Moisés tsi' yʌlʌ: Lac Yum tsi' yʌlʌ ja'el: “Yom mi la' ch'ʌm tilel jump'ejl p'isonib but'ul ti maná cha'an mi la' lot ti pejtelel ora, cha'an mi' chʌn q'uejlel bajche' yilal jini waj tsa' bʌ cʌq'ueyetla ti colem bʌ i tiquiñal lum che' bʌ tsac pʌyʌyetla loq'uel ti Egipto”, che'en lac Yum. Che' tsi' yʌlʌ Moisés.

Exodo 16:34

Aarón tsi' mele che' bajche' lac Yum tsi' yʌq'ue mandar Moisés. Tsi' yʌc'ʌ jini maná ya' ti' t'ejl jini cha'q'uejl xajlel ba' ts'ijbubil i mandar lac Yum.

Isaias 1:2

Tsi' yʌlʌ: Ñich'tanla c t'an, añet bʌ la ti panchan yic'ot ti pañimil. Tsac lon cosa calobilob. Tsac lon cʌntayob. Wolix i chañ'esañob i bʌ tij contra.

Oseas 10:9

Woli' yʌl lac Yum: C'ʌlʌl ti oniyi che' bʌ tsa' cajiyet ti mulil ya' ti Gabaa c'ʌlʌl wʌle wola' chʌn cha'len mulil, Israel. Ma'anic ma' tic' jini xjontolilob. Uts'at tsa' jisʌntiyob jini año' bʌ ti Gabaa.

Numeros 14:5

Tsi' yubiyob Moisés yic'ot Aarón. Tsi' pʌcchocoyob i bʌ ti' tojlel pejtelel israelob ya' ba' much'ulob.

Numeros 16:38

Ch'ʌmʌ i yajñib tac pom tsa' bʌ i c'ʌñʌyob jini winicob tsa' bʌ i jisayob i bʌ cha'an i mul, cha'an ma' mel welel bʌ c'ʌnc'ʌn taq'uin, cha'an mi la' tep' jini pulʌntib, come ch'ujul i yajñib tac pom, come c cha'añʌch. Che' jini mux i ña'tañob israelob chuqui tsa' ujti, che'en lac Yum.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 17:11

Che'ʌch tsi' mele Moisés che' bajche' lac Yum tsi' sube.

Numeros 17:4

Yom mi la' wotsan jini lajchʌnts'ijt ya' ti' mal Tabernáculo ti' tojel jini Arca ba' mi caj c tsictesan c bʌ ti la' wut.

Numeros 17:9

Che' jini Moisés tsi' loc'sa pejtelel jini bara tac tsa' bʌ i yʌc'ʌyob jini ñuc taco' bʌ i ye'tel ti Israel. Moisés tsi' pʌsbeyob israelob. Tsi' q'ueleyob jini bara tac. Tsi' cha' ch'ʌmʌyob jini barate' ti jujuntiquil.

Numeros 20:9

Moisés tsi' ch'ʌmʌ jini bara lotol bʌ ti' tojlel lac Yum che' bajche' tsa' subenti.

1 Corintios 10:10

Mach la' cha'len wulwul t'an ti la' pusic'al che' bajche' tsi' cha'leyob jini tsa' bʌ jisʌntiyob cha'an jini Angel yujil bʌ tsʌnsa.

Efesios 5:6

Mach yomic mi la' jac' lot yic'ot lolom jach bʌ t'an, come jini cha'an tal i mich'ajel Dios ti' contra xñusa mandarob.

Deuteronomio 9:24

Xñusa t'añetla ti' tojlel lac Yum c'ʌlʌl ti jini q'uin che' bʌ tsa' caji j cʌñetla c'ʌlʌ wʌle.

Deuteronomio 9:7

Yom mi la' chʌn ña'tan. Mach ñajʌyic ti la' pusic'al. Tsa' caji ti mich' lac Yum Dios ya' ti colem bʌ i tiquiñal pañimil ti' caj la' mul. C'ʌlʌl ti' tejchibal xʌmbal che' bʌ tsa' loq'uiyetla ti' lumal Egipto, c'ʌlʌl wʌle che' c'otemetix la ti' ti' la' lumal, tsa'ix la' ñusʌbe i t'an lac Yum.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.

1 Samuel 2:12

Jontolob i yalobilob Elí. Ma'anic tsi' p'isiyob ti wenta lac Yum mi i ye'telic motomaj. Ma'anic tsi' meleyob che' bajche' yom Dios. Come i tilel ti Israel ba' ora mi' tilelob winicob x'ixicob cha'an mi' tsʌnsʌbeñob i majtan lac Yum, che' woli to ti tic'an jini we'elʌl, jini motomaj mi' suben jini x'e'tel i cha'an, cha'an mi' yotsan ya' ti perol jini junts'ijt e'tʌjibʌl am bʌ uxts'ijt i ni' cha'an mi' loc'san jini we'elʌl.

1 Samuel 30:22

Añob jontolo' bʌ tsa' bʌ majliyob yic'ot David. Tsi' subeyob i bʌ: Ma'anic tsa' majliyob la quic'ot. Jini cha'an ma'anic mi caj la cʌq'ueñob chubʌ'añʌl tsa' bʌ lac ch'ʌmʌ tilel. Jini jach i yijñamob yic'ot i yalobilob la' i pʌyob majlel. La' sujticob che' jocholob i c'ʌb, che'ob.