Numeros 16:40 - Chol: I T’an Dios

⁴⁰ Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Chol de Tumbalá Bible

⁴⁰ Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Jiñi Tsiji' bʌ Wen T'añ cha'añ Estudio

⁴⁰ Jiñʌch i yejtal cha'añ mi' ña'tañob pejtelel israelob, cha'añ mach yomic mi yochel joch wiñic mach bʌ i p'olbalic Aarón cha'añ mi' pulbeñon pom, ame che'ic mi' jilelob che' bajche' tsa' ujti Coré yic'ot jiñi tsa' bʌ i tsajcayob, come che'ʌch tsi' wʌn alʌ lac Yum ti' tojlel Moisés.

Numeros 16:40 Iomraidhean Croise

Esdras 2:62

Tsi' sʌclʌbeyob i c'aba' ti' juñilel ba' ochemob i c'aba' i ñojte'elob, pero ma'anic tsi' tajayob. Jini cha'an tsa' chilbentiyob i ye'tel ti motomaj. Jini yumʌl tsi' tiq'uiyob cha'an ma'anic mi' c'uxob jini ch'ujul bʌ waj jinto che' mi' tejchel juntiquil motomaj am bʌ ti' wenta cha'an mi' c'ajtiben Dios bajche' yom melol, come i tilel jini motomaj mi' pejcan jini xajlel i c'aba' Urim yic'ot Tumim cha'an mi' ña'tan chuqui yom Dios.

Salmos 115:10

Jatetla i yalobilet bʌ la Aarón, ñopola lac Yum. Jiñʌch la' waj coltaya, la' mʌctʌjibʌch.

Ezequiel 40:46

Jixcu ili am bʌ ti sur jiñʌch cha'an motomajob mu' bʌ i cʌntañob jini pulʌntib. Jiñʌch i yalobilob Sadoc, i p'olbalo' bʌ Leví. Jiñob jach mi mejlel i melbeñob i ye'tel lac Yum.

Ezequiel 43:19

Jini motomajob i pi'ʌlo' bʌ Sadoc, jini c winicob yom mi' yʌq'uentelob juncojt alʌ tat wacax cha'an mi' tsʌnsʌntel cha'an i tojol mulil.

Levitico 22:10

Mach mejlic i c'ux chuqui tac ch'ujul mi juntiquil mach bʌ motomajic, mi i jula'ic jini motomaj, mi x'e'telic i cha'an. Cojach jini motomaj mi' c'ux.

Numeros 1:51

Baqui ora mi' ch'ʌjmel majlel jini Tabernáculo, an ti' wenta jini levíjob cha'an mi' chejob. An ti' wenta ja'el cha'an mi' cha' wa'chocoñob. Mi tsi' lʌc'tesa yambʌ winic mach bʌ levíjic la' chʌmic.

Numeros 16:39

Jini cha'an jini motomaj Eleazar tsa' caji i tempan i yajñib tac pom melbil bʌ ti c'ʌnc'ʌn taq'uin tsa' bʌ i yʌc'ʌyob jini tsa' bʌ puliyob ti c'ajc. Che jini tsa' caji i cujob cha'an mi' tep'ob jini pulʌntib.

Numeros 3:10

Jini jach an ti' wenta Aarón yic'ot i yalobilob cha'an mi' cha'leñob motomajiyel. Mi tsa' ochi joch winic ti' ye'tel motomaj mi' tsʌnsʌntel.

Numeros 3:38

Jini mu' bʌ caj i yajñelob ya' ti' tojel Tabernáculo ba' mi' pasel q'uin jiñobʌch Moisés yic'ot Aarón yic'ot i yalobilob, cha'an i ye'tel ti' mal jini Ch'ujul bʌ Ajñibʌl, cha'an mi' ch'ujutesañob Dios ti' tojlel israelob. Majqui jach joch winic mi tsa' ochi ya' ti Tabernáculo muq'uix i chʌmel.

Hebreos 5:4

Ma'anic majch mi' bajñel ch'ʌm jini ñuc bʌ e'tel, cojach jini mu' bʌ i pʌjyel ti Dios che' bajche' tsa' pʌjyi Aarón.

Josue 4:7

Mi caj la' subeñob: “Tsi' t'oxo i bʌ jini Jordán ja' ti' tojel Arca che' bʌ tsa' c'axiyon lojon”, che'etla. Jini xajlel tac mi caj i yʌq'ueñob i chʌn ña'tan jini israelob ti pejtelel ora, che'en.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.