Numeros 16:33 - Chol: I T’an Dios

³³ Cuxulob to tsa' laj jubiyob ti' yajñib chʌmeño' bʌ yic'ot pejtelel i chubʌ'añob. Tsi' cha' mʌcʌ i bʌ jini lum. Ma'anix tsiquil jini winicob ba' tsa' majliyob.

Chol de Tumbalá Bible

³³ Cuxulob to tsa' laj jubiyob ti' yajñib chʌmeño' bʌ yic'ot pejtelel i chubʌ'añob. Tsi' cha' mʌcʌ i bʌ jini lum. Ma'anix tsiquil jini winicob ba' tsa' majliyob.

Jiñi Tsiji' bʌ Wen T'añ cha'añ Estudio

³³ Cuxulob to tsa' laj ju'biyob ti' yajñib chʌmeño' bʌ yic'ot pejtelel i chu'bʌañob; tsi' cha' ñup'u i bʌ jiñi lum; ma'añix chʌn tsiquil jiñi wiñicob ba' tsa' majliyob.

Numeros 16:33 Iomraidhean Croise

Salmos 141:7

Che' bajche' mi' choc lum jini mu' bʌ i pic majlel, Che' ja'el tsa' pam pujqui lac bʌquel ya' ti' ti' mucoñibʌl.

Salmos 143:7

Jac'beñon ti ora, c Yum, come c'unix c pusic'al. Mach a mʌybeñon a wut, Ame lajalic mic sujtel bajche' jini mu' bʌ i jubelob ochel ti ch'en.

Salmos 55:15

La' jilicob ti ora. La' chʌmicob, Come an i jontolil ti' yotot yic'ot ti' pusic'al.

Salmos 55:16

Pero joñon mi caj c chʌn pejcan Dios. Lac Yum mi caj i coltañon.

Salmos 55:23

Dios mi caj i chocob jubel ti tam bʌ ch'en ba' mach chʌn loq'uicob. Ma'anic mi caj i ts'ʌctiyel i jabilel jini stsʌnsajob yic'ot xlotiyajob. Pero joñon mic xuc'chocon c pusic'al ti Dios.

Salmos 69:15

Mach a wʌc'on ti chʌmel ti but'ja'lel, Mach a cʌyon ti tam bʌ ja'. Mach a wʌc'on ti jilel ti mucoñibʌl.

Salmos 9:15

Jini mach bʌ i cha'añobic Dios tsa' cha' wʌlʌc yajliyob ti jini jach bʌ ch'en tsa' bʌ i lon top'oyob. Tsa' chujqui i yoc ti yac tsa' bʌ i lon ac'ʌyob.

Isaias 14:15

Pero wʌle chocbiletix jubel ti' yajñib chʌmeño' bʌ ti' ch'eñal i yebal pañimil.

Isaias 14:9

Jini año' bʌ ti' yajñib chʌmeño' bʌ woli' pijtañet. Mi caj a tajob che' ma' c'otel ya'i. Jiñobʌch ñuc bʌ reyob ti pañimil tsa' bʌ chʌmiyob ti wajali.

Isaias 38:18

Ma'anic mi mejlel i ch'ujutesañet jini chʌmeño' bʌ. Ma'anic mi mejlel i ñuquesañob a c'aba'. Mach tijicñayob i pusic'al cha'an a wutslel. Jini mu' bʌ i jubel majlel i tojob i mul ma'anix i pijtaya. Mach muq'uic i yubiñob i xuc'tilel a pusic'al.

Ezequiel 31:14

Mach mi' lon chañ'esan i bʌ yambʌ colem tejclum anquese cabʌl i p'ʌtʌlel, anquese an i chanlel bajche' tocal. Come ti pejtelelob p'isbil jach i yorajlel, mi caj i chʌmelob. Mi caj i yajñelob ti' yajñib chʌmeño' bʌ yic'ot pejtelel winicob mu' bʌ i chañ'esañob i bʌ.

Ezequiel 32:18

I yalobil winic, yom ma' wuc'tan jini egiptojob. Subeñob ochel ti' yajñib chʌmeño' bʌ yic'ot jini ñuco' bʌ tsa' bʌ chʌmiyob ti yan tac bʌ colem tejclum. Suben Egipto:

Ezequiel 32:30

Ya' añob ja'el jini año' bʌ i ye'tel ti norte, yic'ot jini ch'oyolo' bʌ ti Sidón. Tsa' laj tsʌnsʌntiyob. Ti yambʌ ora tsi' lon bʌc'tesa winicob, pero wʌle woliyobix ti quisin. Temel añob yic'ot pejtel jini tsʌnsʌbilo' bʌ tsa' bʌ sajtiyob.

Numeros 16:32

Tsi' cala i bʌ jini lum. Tsi' laj mujla jini winicob yic'ot i pi'ʌlob, yic'ot i yototob, yic'ot pejtelel jini woli bʌ i tsajcañob Coré, yic'ot i chubʌ'añob.

Numeros 16:34

C'am i yoñelob tsa' majliyob. Che' bʌ woliyob ti oñel, tsa' puts'iyob pejtelel jini israelob año' bʌ ti' joytʌlel. Tsi' yʌlʌyob: Conla ti puts'el ame mujlʌyiconla ti lum ja'el, che'ob.

Numeros 22:33

Jini burro tsi' q'ueleyon. Jini cha'an uxyajl tsi' tʌts'ʌ i bʌ tic tojlel. Machic tsi' tʌts'ʌ i bʌ tic tojlel tsac tsʌnsayet, pero tsac p'unta jini burro, che'en.

Deuteronomio 32:22

Jini c mich'lel mi' lejmesan c'ajc Woli bʌ ti lejmel c'ʌlʌl ti' yajñib chʌmeño' bʌ. Mi' yʌc' ti pulel pañimil yic'ot pejtelel cholel tac. Mi' yʌc' ti pulel i te'el tac.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.