Numeros 16:22 - Chol: I T’an Dios

²² Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Chol de Tumbalá Bible

²² Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Jiñi Tsiji' bʌ Wen T'añ cha'añ Estudio

²² Pero tsi' ñucchocoyob i bʌ, tsi' yʌlʌyob: —C Dios, C Dios, jatet mu' bʌ a wʌq'ueñob i ch'ujlel pejtelel wiñic ¿mach ba juntiquilic jach wiñic jiñi tsa' bʌ i cha'le mulil? ¿Chucoch woli a laj mich'leñob ti pejtelelob?

Numeros 16:22 Iomraidhean Croise

Genesis 18:32

Abraham tsi' yʌlʌ: Mach yomic mi' tejchel a mich'ajel, c Yum. Junyajl jax mic cha' pejcañet. Tic'ʌl mi an jach lujuntiquil ya'i, che'en. Lac Yum tsi' yʌlʌ: Mach muq'uic c jisan mi an lujuntiquil, che'en.

2 Samuel 24:1

Tsa' cha' caji ti mich' lac Yum yic'ot pejtelel israelob. Tsi' ña'ta i yʌq'ueñob wocol. Tsi' yotsa ti' pusic'al David cha'an mi' choc ñumel x'e'telob i cha'an, cha'an mi' melob censo ti tejclum tac.

2 Samuel 24:17

David tsi' q'uele jini ángel. Tsi' sube lac Yum: Tsac cha'le mulil joñon, pero ili tiñʌme'ob, ¿chuqui tsi' meleyob? Yom ma' jisañon quic'ot c pi'ʌlob, che'en David.

Job 12:10

Dios mi' yʌq'uen i cuxtilel pejtel cuxul bʌ. Mi' yʌq'ueñob i cuxtilel pejtel winicob.

Salmos 99:6

Lac Yum tsi' pejca Moisés yic'ot Aarón, cha'tiquil i motomajob, Yic'ot Samuel ja'el. Tsi' laj pejcayob lac Yum ti' c'aba'. Che' an chuqui tsi' c'ajtibeyob lac Yum tsi' jac'beyob.

Eclesiastes 12:7

Jini ts'ubejn mi' caj ti sujtel ti lum baqui tilem. Jini espíritu mi' sujtel ti Dios tsa' bʌ i yʌc'ʌ.

Isaias 57:16

Mach ti pejtelic ora mi caj c chʌn tiq'uet cha'an a mul. Mach chʌn mich'onix ti pejtelel ora. Mi' caj ti lajmel c mich'ajel. Machic mi' lajmel mi' laj jilelob winicob x'ixicob tsa' bʌ c mele.

Jeremias 32:27

P'isi ti a wenta, joñon a Yumon, i Dioson pejtelel winicob x'ixicob. ¿Am ba chuqui wocol mic mel?

Jeremias 38:16

Jini cha'an jini rey Sedequías tsi' mucu wa'choco i t'an ti' c'aba' lac Yum ti' tojlel Jeremías. Tsi' yʌlʌ: La' i q'uelonla lac Yum tsa' bʌ i meleyonla, jini cuxul bʌ lac Yum. Ma'anic mi caj cʌq'uet ti chʌmel. Ma'anic mi caj cʌq'uet ti' wenta ili winicob yomo' bʌ i tsʌnsañet, che'en.

Ezequiel 18:4

Come c cha'añetla ti la' pejtelel. Tsa cʌq'ueyob i cuxtʌlel jini tatʌlob yic'ot i yalobilob. Jini cha'an jini mu' bʌ i cha'len mulil i bajñel mi' caj ti chʌmel.

Levitico 10:6

Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Levitico 4:3

Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Zacarias 12:1

Jiñʌch i t'an lac Yum ti' contra Israel. Jiñʌch lac Yum tsa' bʌ i mele panchan yic'ot pañimil, tsa' bʌ i yʌq'ueyob i cuxtilel winicob.

Numeros 14:5

Tsi' yubiyob Moisés yic'ot Aarón. Tsi' pʌcchocoyob i bʌ ti' tojlel pejtelel israelob ya' ba' much'ulob.

Numeros 16:23

Che' jini lac Yum Dios tsi' sube Moisés: Yom ma' subeñob jini israelob cha'an mi' tʌts'ob i bʌ ya' ba' añob Coré yic'ot Datán yic'ot Abiram ya' ba' chumulob, che'en.

Numeros 16:4

Che' bʌ tsi' yubi Moisés, tsi' ñocchoco i bʌ ti lum. Tsi' sube Coré yic'ot pejtelel jini woli bʌ i tsajcañob: Ijc'ʌl to mi caj i tsictesan lac Yum majqui i cha'año' bʌ, yic'ot majqui jini ch'ujulo' bʌ, yic'ot majqui tsi' yajca cha'an motomaj.

Numeros 16:45

Yom mi la' tʌts' la' bʌ ti' tojlel ili winicob, come mi caj c jisañob ti junyajlel, che'en. Pero Moisés yic'ot Aarón tsi' pʌcchocoyob i bʌ.

Romanos 5:18

Cha'an ti' mul Adán sajtemob pejtelel winicob x'ixicob, pero cha'an ti toj bʌ i melbal Cristo mi' q'uejlelob ti toj pejtelel winicob x'ixicob, cha'an cuxul mi' yajñelob.

1 Corintios 13:7

Mi' ñusan pejtel wocol, mi' ñop pejtelel chuqui tac isujm, mi' cha'len pijtaya ti' xuc'tʌlel i pusic'al, mi' ñusan ti uts'at pejtelel chuqui tac mi' yujtel.

Hebreos 12:9

Come lac tatob ti pañimil tsi' ju'sʌbeyonla lac pusic'al. Tsa' lac chʌn q'ueleyob ti ñuc. ¿Mach ba yomic ñumen mi lac ch'ujbiben i t'an lac Tat ti panchan cha'an cuxul mi la cajñel?

Josue 22:18

¿Chucoch wolix la' cha' cʌy lac Yum ti ili ora? Tsa'ix la' cʌyʌ lac Yum wʌle. Jini cha'an ijc'ʌl mi caj i mich'leñob pejtelel i cha'año' bʌ Israel.