Numeros 16:15 - Chol: I T’an Dios

¹⁵ Che' jini Moisés tsa' wen mich'a. Tsi' sube lac Yum Dios: Mach a q'uelbeñob ti uts'at i majtan tac mu' bʌ i yʌq'ueñetob. Mi juncojtic burro tsac ch'ʌmbeyob. Ma'anic chuqui tsac tumbeyob mi juntiquilic, che'en Moisés.

Chol de Tumbalá Bible

¹⁵ Che' jini Moisés tsa' wen mich'a. Tsi' sube lac Yum Dios: Mach a q'uelbeñob ti uts'at i majtan tac mu' bʌ i yʌq'ueñetob. Mi juncojtic burro tsac ch'ʌmbeyob. Ma'anic chuqui tsac tumbeyob mi juntiquilic, che'en Moisés.

Jiñi Tsiji' bʌ Wen T'añ cha'añ Estudio

¹⁵ Jiñi cha'añ Moisés tsa' wen mich'a, tsi' su'be lac Yum Dios: —¡Mach a ch'ʌmbeñob a majtañ mu' bʌ i yʌq'ueñetob! Mi juncojtic burro tsa' c ch'ʌmbeyob, mi añic chuqui leco tsa' c melbeyob mi juntiquilic.

Numeros 16:15 Iomraidhean Croise

2 Samuel 22:22

Come tsa'ix c tsajcʌbe majlel i bijlel lac Yum. Ma'anic tsac cha'le mulil, ma'anic tsaj cʌyʌ Dios.

Exodo 32:19

Pero che' tsa' c'oti ya' ba' tempʌbilob, tsi' q'uele ya'an alʌ tat wacax. Woli' soñiñob. Tsa' mich'a Moisés. Ya' ti yebal jini wits tsi' choco jini cha'q'uejl xajlel am bʌ ti' c'ʌb. Tsi' top'o.

Proverbios 21:27

Ts'a' mi' q'uel lac Yum i majtan mu' bʌ i yʌq'uen sajtemo' bʌ. Jini woli bʌ ti jontolil mi' lon ña'tan i yuts'esʌben i pusic'al lac Yum yic'ot i majtan.

Numeros 12:3

Lac Yum tsi' yubibeyob i t'an. Uts i pusic'al Moisés ñumen bajche' pejtelel winicob ti pañimil.

Numeros 16:16

Che' jini Moisés tsi' cha' sube Coré: Ijc'ʌl yom majliquet ti' tojlel lac Yum yic'ot pejtelel woli bʌ i tsajcañetob. Mux i majlel Aarón ja'el.

Mateo 5:22

Pero joñon mic subeñetla, pejtel mu' bʌ i mich'leñob i bʌ mi caj i tajob i mul ti' wut año' bʌ i ye'tel. Jini mu' bʌ i wajlen i pi'ʌl, mi caj i taj i mul ti' wut año' bʌ i ye'tel. Jini mu' bʌ i suben sojquem i jol, mi caj i toj i mul ti c'ajc.

Marcos 3:5

Mich' tsi' joy q'ueleyob Jesús, come ch'ijiyem tsi' yubi cha'an i tsʌtslelob i pusic'al. Tsi' sube jini winic: Sʌts'ʌ a c'ʌb, che'en. Tsi' sʌts'ʌ. Tsa' wen'esʌnti i c'ʌb.

1 Corintios 9:15

Pero ma'anic tsaj c'ajtibeyetla chuqui yom tic tojlel anquese an que'tel. Ma'anic mic ts'ijban jini jun cha'an mi la' wʌq'ueñon chuqui yom cha'an c bʌc'tal, ame jilic c ñuclel ti jini wen t'an. Ñumen uts'at mi tsa' chʌmiyon.

2 Corintios 1:12

Ñʌch'ʌl lojon c pusic'al come ti' p'ʌtʌlel Dios tsac mele lojon chuqui isujm yic'ot chuqui toj. Jiñʌch c ñuclel lojon. Tsa' ajniyon lojon ti jump'ejl lojon c pusic'al aq'uebilon lojon ti Dios. Che'ʌch tsac pʌsʌ lojon c bʌ wʌ' ti pañimil. Ñumen tsac mele lojon chuqui uts'at ti la' tojlel, mach che'ic bajche' mi' ña'tañob ti pañimil, pero yic'ot i yutslel i pusic'al Dios.

2 Corintios 7:2

Jambeñon lojon la' pusic'al. Ma'anic majch tsac chilbe lojon i chubʌ'an, mi juntiquilic. Ma'anic majch tsac soco lojon. Ma'anic majch tsac loti lojon.

Efesios 4:26

Mi tsa' tejchi la' mich'ajel, mach la' cha'len mulil. Mach yomic chʌn mich'etla che' mi' bʌjlel q'uin.

1 Tesalonicenses 2:10

Testigojetla bajche' tsac mele lojon. Testigojʌch Dios ja'el. Xuc'ul c melbal lojon, toj ja'el. Ma'anic c mul lojon ti la' tojlel mu' bʌ la' ñop.