Numeros 16:11 - Chol: I T’an Dios

¹¹ Come wolix la' tempan la' bʌ jatetla yic'ot jini woli bʌ i tsajcañetla cha'an mi la' contrajin lac Yum Dios. ¿Majqui jini Aarón? Ma'anic woli la' contrajin Aarón i winic Dios, pero jiñʌch Dios woli bʌ la' contrajin. Che' tsi' yʌlʌ Moisés.

Chol de Tumbalá Bible

¹¹ Come wolix la' tempan la' bʌ jatetla yic'ot jini woli bʌ i tsajcañetla cha'an mi la' contrajin lac Yum Dios. ¿Majqui jini Aarón? Ma'anic woli la' contrajin Aarón i winic Dios, pero jiñʌch Dios woli bʌ la' contrajin. Che' tsi' yʌlʌ Moisés.

Jiñi Tsiji' bʌ Wen T'añ cha'añ Estudio

¹¹ Jiñi cha'añ, jatet yic'ot jiñi woli bʌ i tsajcañetob wolix la' tempan la' bʌ cha'añ mi la' contrajin lac Yum; come ¿majqui jiñi Aarón cha'añ mi la' contrajin ti wulwul t'añ?

Numeros 16:11 Iomraidhean Croise

1 Cronicas 26:19

Ti' pejtelel ili xcʌntayajob loq'uemob ti' p'olbal Coré yic'ot Merari.

Salmos 106:16

Tsʌytsʌyñayob i pusic'al winicob ti' tojlel Moisés Yic'ot ti' tojlel Aarón jini ch'ujul bʌ i winic lac Yum.

Exodo 17:2

Jini cha'an jini israelob tsi' yʌ'leyob Moisés. Tsi' yʌlʌyob: Aq'ueñon lojon c ja'al, che'ob. Moisés tsi' subeyob: ¿Chucoch mi la' wʌ'leñon? ¿Chucoch mi la' wilʌben i pusic'al lac Yum? che'en.

Numeros 11:1

Jini winicob tsa' cajiyob ti wʌlwʌl a'leya ti' tojlel lac Yum cha'an mach tijicñayobic. Lac Yum tsi' yubibeyob i t'an. Tsa' wen mich'a. Tsi' choco jubel c'ajc. Tsa' caji i jisañob ya' ti junwejl i lum.

Numeros 16:12

Che' jini Moisés tsi' choco ti pʌyol Datán yic'ot Abiram, i yalobilob Eliab. Pero ma'anic tsi' jac'ʌyob i pʌyol. Tsi' yʌlʌyob: Mach comic lojon.

Numeros 16:3

Che' jini tsa' majliyob i pejcan Moisés yic'ot Aarón: Jasʌlix chuqui woli la' mel, che'ob. Come laj ch'ujulonla ti Israel. Junlajalonla. Baqui jach añonla ya'an lac Yum la quic'ot. ¿Chucoch mi la' chʌn otsan la' bʌ ti yumʌl ti' tojlel i cha'año' bʌ lac Yum cha'an mic yumañet lojon? che'ob.

Lucas 10:16

Jini c'ux bʌ mi yubiñetla c'ux mi' yubiñon. Jini mu' bʌ i ts'a'leñetla, mi' ts'a'leñon. Jini mu' bʌ i ts'a'leñon mi' ts'a'len jini tsa' bʌ i chocoyon tilel. Che' tsi' yʌlʌ Jesús.

Juan 13:20

Isujm, isujm mic subeñetla: Jini mu' bʌ i pʌy ochel c winic mu' bʌ c choc majlel, woli' pʌyon ochel ja'el. Jini mu' bʌ i pʌyon ochel woli' pʌy ochel c Tat ja'el tsa' bʌ i chocoyon tilel, che'en.

Hechos 5:4

Che' bʌ maxto anic tsa' choño, ¿mach ba a cha'anic? Che' bʌ tsa'ix a choño, ¿mach ba a wentajic jini i tojol? ¿Chucoch tsa' tejchi lot ti a pusic'al? Ma'anic tsa' loti winicob, tsa' loti Dios, che'en.

Romanos 13:2

Jini cha'an, jini mu' bʌ i ñusʌbeñob i t'an año' bʌ i ye'tel, mi' ñusan jini wa'chocobilo' bʌ i cha'an Dios. Jini mu' bʌ i ñusañob t'an mi caj i tojob i mul.

1 Corintios 10:10

Mach la' cha'len wulwul t'an ti la' pusic'al che' bajche' tsi' cha'leyob jini tsa' bʌ jisʌntiyob cha'an jini Angel yujil bʌ tsʌnsa.

1 Corintios 3:5

¿Majqui jini Pablo che' jini? ¿Majqui jini Apolos? X'e'telon lojon tsa' bʌ cʌq'ueyet la' ñop Dios cha'an ti' p'ʌtʌlel lac Yum tsa' bʌ i yʌq'ueyon lojon ti jujuntiquilon lojon.

Judas 1:16

Xwulwul a'leyajob. Mi' jop'beñob i mul i pi'ʌlob. Mi' jac'ob i colosojlel i pusic'al. Mi' chañ'esañob i bʌ ti lot. Mi' pejcañob winicob ti i t'ojol bʌ t'an cha'an mi' tajob chuqui yom i bajñel pusic'al.

1 Samuel 8:7

Lac Yum tsi' sube Samuel: Yom ma' wen ñich'tʌbeñob i t'an jini winicob ti pejtelel chuqui mi' subeñetob. Mach jatetic woli a ts'a'lentel, pero woli' ts'a'leñoñob. Mach chʌn yomobix i yumañon.