Numeros 15:4 - Chol: I T’an Dios

⁴ Jini mu' bʌ i ch'ʌmbeñon tilel c majtan, la' i ch'ʌmbeñon tilel yic'ot c majtan melbil bʌ ti harina. Yom uxp'ejl litro jini juch'bil bʌ harina xajc'ubil bʌ yic'ot ojlil i cha'p'ejl litro aceite.

Chol de Tumbalá Bible

⁴ Jini mu' bʌ i ch'ʌmbeñon tilel c majtan, la' i ch'ʌmbeñon tilel yic'ot c majtan melbil bʌ ti harina. Yom uxp'ejl litro jini juch'bil bʌ harina xajc'ubil bʌ yic'ot ojlil i cha'p'ejl litro aceite.

Jiñi Tsiji' bʌ Wen T'añ cha'añ Estudio

⁴ che' jiñi, jiñi mu' bʌ i ch'ʌmbeñon tilel c majtañ, la' i ch'ʌmbeñon tilel cha'p'ejl kilo jiñi wen chʌmeñ bʌ juch'bil bʌ i ñich harina xajc'ubil bʌ yic'ot jump'ejl litro olivo aceite.

Numeros 15:4 Iomraidhean Croise

Esdras 7:17

Xuc'ul yom ma' c'ʌn ili taq'uin cha'an ma' mʌn alʌ tat wacax, yic'ot tat tiñʌme' yic'ot alʌ tiñʌme', yic'ot majtañʌl tac melbil bʌ ti trigo, yic'ot jini japbil bʌ majtañʌl tac. Ti pejtelel mi caj a wʌc' ya' ti pulʌntib am bʌ ti' Templo a Dios ya' ti Jerusalén.

Exodo 29:40

Yic'ot jini ñaxan bʌ tiñʌme' yom ma' wʌc' uxp'ejl litro harina wen juch'bil bʌ, xʌbʌl bʌ yic'ot ojlil i cha'p'ejl litro aceite olivo, wen pets'bil yom. Xʌbʌl yom ja'el yic'ot ojlil i cha'p'ejl litro vino.

Isaias 66:20

Mi caj i lu' pʌyob tilel la' pi'ʌlob loq'uemo' bʌ ti pejtelel tejclum tac, i wenta i majtan lac Yum. Mi caj i sujtelob ti caballo, ti carreta, yic'ot ti ab, yic'ot ti mula, yic'ot ti camello, ti ch'ujul bʌ wits ti Jerusalén, che'en lac Yum. C majtañʌch che' bajche' i wut jam tsa' bʌ i ch'ʌmbeyoñob tilel israelob cha'an mi' yotsañob tic Templo.

Ezequiel 46:14

Yom i ñujp ti ac'ol ti jujump'ejl sʌc'ajel, jiñʌch jump'is harina loq'uem bʌ ti wʌcp'is xʌbʌl yic'ot cha'p'ejl litro aceite. Che'ʌch yom ti pejtelel ora: Jini alʌ tat tiñʌme', yic'ot majtañʌl melbil bʌ ti harina, yic'ot olivo aceite. Yom cha'an majtañʌl ti jujump'ejl sʌc'ajel.

Levitico 1:13

Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Levitico 14:10

Che' ti yijc'ʌlal (jiñʌch i waxʌcp'ejlel q'uin) la' i pʌy tilel cha'cojt tat tiñʌme', mach bʌ wis anic i c'amʌjel mi i lojwel, yic'ot juncojt xch'oc tiñʌme' am bʌ jump'ejl i jabilel mach bʌ wis anic i c'amʌjel mi i lojwel, yic'ot lujump'is jini harina wen juch'bil bʌ, xajc'ubil bʌ yic'ot olivo aceite, yic'ot ojlil litro olivo aceite.

Levitico 2:1

Che' an juntiquil yom bʌ i yʌq'ueñon trigo tic majtan, la' i ch'ʌm tilel wen juch'bil bʌ trigo yic'ot olivo aceite yic'ot i pomil.

Levitico 2:15

Yom ma' xajc'un ti olivo aceite. Yom ma' wotsʌben jini pom, come majtañʌlʌch.

Levitico 23:13

Yom mi la' wʌq'ueñon yic'ot i ñujp cha'p'is harina xajc'ubil bʌ yic'ot aceite. Jiñʌch jini majtañʌl mu' bʌ c pulbentel, wen xojocña bʌ i yujts'il. Yom ja'el jini japbil bʌ majtañʌl, uxp'ejl litro vino.

Levitico 3:7

Mi tsi' yʌc'ʌ tiñʌme' cha'an c majtan, yom mi' yʌc' i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. Jini motomajob mi caj i tsijcʌbeñob i ch'ich'el ti' joytʌlel jini pulʌntib.

Levitico 6:14

Mi caj la' wʌq'ueñon majtañʌl bʌ harina cha'an i bʌl ñʌc'ʌl. An ti' wenta i yalobilob Aarón cha'an mi' pulbeñon.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

Numeros 28:12

Ti jini jach bʌ ora mi caj la' wʌq'uen lac Yum majtañʌl bʌ harina chʌmen juch'bil bʌ, xajc'ubil bʌ yic'ot aceite. Yom bolomp'ejl litro yic'ot jujuncojt alʌ tat wacax. Yom wʌcp'ejl litro temel yic'ot jini tat tiñʌme'.

Numeros 28:4

juncojt che' ti sʌc'ajel, yambʌ juncojt che' mi' bʌjlel q'uin.

Numeros 29:6

Parte yom ili pulbil bʌ c majtan tac mu' bʌ la' wʌc' che' ti' yorajlel i q'uiñilel. Parte ja'el jini mu' bʌ la' wʌq'ueñon che' ti' tejchibal jujump'ejl uw. Parte ja'el jini mu' bʌ la' wʌq'ueñon ti jujump'ejl q'uin am bʌ i ñujp che' bajche' tsac subeyetla ti mandar.

Numeros 7:13

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

Romanos 15:16

yic'ot i yutslel i pusic'al cha'an mic sub Cristo Jesús ti' tojlel gentilob. Mic subeñob i wen t'an Dios cha'an mi cʌq'uen Dios jini gentilob cha'an i majtan. Jiñʌch yom bʌ i ch'ʌm Dios, jini sʌq'uesʌbilo' bʌ ti Ch'ujul bʌ Espíritu.

Hebreos 13:16

Mach yomic mi' ñajʌyel ti la' pusic'al i melol chuqui uts'at cha'an mi la' coltan la' pi'ʌlob, come jiñʌch i majtan Dios uts'at bʌ mi' q'uel.

Juezob 9:9

Pero jini olivote' tsi' jac'ʌ: “¿Yom ba mij cʌy c mel aceite mu' bʌ i yʌq'uen i wenlel Dios yic'ot i wenlel winicob cha'an mi cotsan c bʌ ti' yum yan tac bʌ te'?” che'en.