Numeros 15:39 - Chol: I T’an Dios

³⁹ Che' mi la' q'uel yom mi la' c'ajtesan ti la' pusic'al pejtelel c mandar, cha'an ts'ʌcʌl mi la' chʌn mel, cha'an mach yomic mi la' mel jini mu' bʌ la' bajñel ña'tan ti la' pusic'al. Mach yomic mi la' tsʌclan jini mu' bʌ i bajñel q'uel la' wut cha'an mi' yʌq'ueñetla la' taj la' ts'i'lel.

Chol de Tumbalá Bible

³⁹ Che' mi la' q'uel yom mi la' c'ajtesan ti la' pusic'al pejtelel c mandar, cha'an ts'ʌcʌl mi la' chʌn mel, cha'an mach yomic mi la' mel jini mu' bʌ la' bajñel ña'tan ti la' pusic'al. Mach yomic mi la' tsʌclan jini mu' bʌ i bajñel q'uel la' wut cha'an mi' yʌq'ueñetla la' taj la' ts'i'lel.

Jiñi Tsiji' bʌ Wen T'añ cha'añ Estudio

³⁹ Che' mi' la' q'uel i ch'ʌjlil i ti' la' bujc yom mi la' c'ajtesan ti la' pusic'al pejtelel c mandar. Che' jiñi ts'ʌcʌl mi caj la' chʌn mel, ma'añix mi caj la' jac'ben jiñi mu' bʌ la' bajñel ña'tan la' pusic'al yic'ot mu' bʌ i q'uel la' wut, come jiñʌch mu' bʌ i yʌq'uetla ti ts'i'lel.

Numeros 15:39 Iomraidhean Croise

1 Reyob 12:33

Leco tsi' mele Jeroboam che' bajche' tsi' bajñel ña'ta ti' pusic'al. Tsi' pʌyʌ jini israelob ti q'uiñijel ya' ti Betel. Tsi' tsʌnsa alʌc'ʌl ti pulʌntib. Tsi' pulbe pom.

Job 31:7

Xuc'ul tsac ñopbe i bijlel. Tsa'ic j cʌyʌ i bijlel c Yum, tsa'ic c jac'ʌ i pʌyol c wut, tsa'ic c mula jini mach bʌ c cha'anic,

Salmos 106:39

Tsa' sojquiyob che' leco i melbalob. Cabʌlob i mul tsi' cha'leyob ts'i'lel.

Salmos 73:27

Q'uele bajche' mi' jilelob jini mu' bʌ i tʌts'ob i bʌ ba' añet. Mi caj a jisan pejtel mu' bʌ i cʌyet.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Proverbios 28:26

Tonto jini mu' bʌ i bajñel ña'tan xuc'ul i pusic'al. Jini mu' bʌ i mel chuqui uts'at mi' caj ti colel.

Proverbios 3:1

Calobil, mach ñajʌyic ti a pusic'al j cʌntesʌbal. Chʌn ña'tan c mandar ti a pusic'al.

Eclesiastes 11:9

Che' ch'itoñet to, la' ñuc'ac a pusic'al. Yom belel ora tijicñayet. Sʌclan majlel pejtel chuqui yom a pusic'al yic'ot pejtel chuqui ma' q'uel. Pero ña'tan ja'el, Dios mi caj i melet cha'an pejtel a melbal. Wersa mi caj a mel a bʌ yic'ot Dios.

Jeremias 9:14

Tsʌtsob i pusic'al. Tsi' bajñel yajcayob i bijlel che' bajche' yom i pusic'al. Tsi' ch'ujutesayob jini Baalob che' bajche' tsi' cʌntesayob i tatob.

Ezequiel 6:9

Jini tsa' bʌ coliyob mi caj i chʌn ña'tañoñob ya' ba' pujquemob, come mi caj cʌq'ueñob i melob i pusic'al cha'an tsi' c'uxbiyob dioste' tac ti' ts'i'lel i pusic'al. Ti jim bʌ ora mi caj i yubiñob quisin cha'an i mul tsa' bʌ i meleyob.

Oseas 2:2

Yom ma' pʌy a ña' ti wocol t'an, come tsa'ix ochi ti' yijñam yambʌ winic. Mach quijñamix. Tsi' cʌyʌyon. Suben ti wocol t'an cha'an mi' cʌy i ts'i'lel, cha'an mach mi' chʌn pi'leñob yaño' bʌ.

Deuteronomio 29:19

Che'ʌch mi' yujtel ti' tojlel winic mu' bʌ i ñusan i tic'ol. Mi' lon chañ'esan i bʌ. Che' mi' yujtel i yubin mi yʌl: “Uts'at añon anquese mic mel chuqui jach com ila ti pañimil. Ma'anic muc'on ti bʌq'uen”, lon che'en. Jini mu' bʌ i mel che' bajche' jini woli' yʌc' ti jilel i lum.

Deuteronomio 4:23

Jini cha'an yom wen tsajiletla cha'an ma'anic mi' ñajʌyel la' cha'an i t'an lac Yum Dios tsa' bʌ i yʌq'ueyetla. Mach mi la' mel i yejtal tac, come lac Yum Dios tsa'ix i tiq'uiyetla.

Deuteronomio 6:12

Tsajaletme la che' jini ame ñajʌyic la' cha'an lac Yum tsa' bʌ i loc'sayetla ti' lumal Egipto ba'an majtan e'tel.

Deuteronomio 8:11

Tsajin la' bʌ cha'an ma'anic mi' ñajʌyel la' cha'an lac Yum Dios, cha'an ts'ʌcʌl mi la' jac'ben pejtelel i mandar yic'ot i t'an woli bʌ c subeñetla wʌle.

Deuteronomio 8:14

Che' jini mi caj la' chañ'esan la' bʌ. Mi caj i ñajʌyel ti la' pusic'al lac Yum Dios tsa' bʌ i loc'sayetla ti' lumal Egipto ba' tsa' la' cha'le majtan e'tel.

Santiago 4:4

Lajaletla bajche' x'ixic mu' bʌ i cʌy i ñoxi'al cha'an mi' c'uxbiben i contra. ¿Mach ba la' wujilic? Jini mu' bʌ i c'uxbin i cha'an bʌ pañimil, mi' contrajin Dios. Jini yom bʌ i c'uxbintel ti pañimil, woli' yotsan i bʌ ti' contra Dios.