Numeros 15:3 - Chol: I T’an Dios

³ mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Chol de Tumbalá Bible

³ mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Jiñi Tsiji' bʌ Wen T'añ cha'añ Estudio

³ mi mux la' wʌq'ueñon pulbil tac bʌ c majtañ, yic'ot tsʌnsʌbil tac bʌ c majtañ, mi i ña'al wacax tac o mi tʌñʌme' tac, mi cha'añ tsa' la' wʌc'ʌ xuc'ul bʌ la' t'añ o cha'añ tilem bʌ ti la' pusic'al, o cha'añ mi la' wʌq'ueñon che' ti yorajlel la' q'uiñijel tac xojocña bʌ i yujts'il tic tojlel,

Numeros 15:3 Iomraidhean Croise

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

Esdras 7:17

Xuc'ul yom ma' c'ʌn ili taq'uin cha'an ma' mʌn alʌ tat wacax, yic'ot tat tiñʌme' yic'ot alʌ tiñʌme', yic'ot majtañʌl tac melbil bʌ ti trigo, yic'ot jini japbil bʌ majtañʌl tac. Ti pejtelel mi caj a wʌc' ya' ti pulʌntib am bʌ ti' Templo a Dios ya' ti Jerusalén.

Salmos 54:6

Ti pejtelel c pusic'al mi caj cʌq'ueñet tsʌnsʌbil bʌ a majtan. Mi caj c sub i ñuclel a c'aba' c Yum, come uts'atax.

Exodo 29:18

Yom ma' pul pejtelel jini tat tiñʌme' cha'an pulbil bʌ i majtan a Yum. Jiñʌch yom bʌ mi' pulel, jini mu' bʌ c ch'ʌm tic wenta.

Exodo 29:25

Ti wi'il yom ma' ch'ʌmbeñob ti' c'ʌb cha'an ma' pul ya' ti pulʌntib. Jiñʌch pulbil bʌ c majtan, uts'at bʌ, xojocña bʌ, pulbil bʌ ti c'ajc.

Exodo 29:41

I cha'cojtlel bʌ tiñʌme' yom ma' wʌq'ueñon che' ti ic'ajel, lajal ma' mel che' bajche' ti sʌc'ajel, yic'ot lajal i xojocñʌyel cha'an pulbil bʌ i majtan a Yum.

Levitico 10:13

Jini cha'an yom mi la' c'ux ya' ti Ch'ujul bʌ Ajñibʌl, come jiñʌch tsa' bʌ aq'uentiyetla mi la' c'ux, jatetla yic'ot ch'iton bʌ la' walobilob. Loq'uemʌch ti pulbil tac bʌ i majtan lac Yum che' bajche' tsi' subeyon.

Levitico 7:16

Pero mi an juntiquil mu' bʌ i yʌc' majtañʌl tilem bʌ ti' pusic'al che' bajche' tsi' ña'ta i yʌc', mach bʌ cha'anic wocolix cʌlʌ, mi tsa' to colobaji, mi mejlel i cha' c'uxtʌl che' ti yijc'ʌlal.

Numeros 28:27

Mi caj la' wʌq'ueñon pulbil bʌ c majtan xojocña bʌ mi cubin. Yom cha'cojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jump'ejl i jabilel.

Numeros 29:8

Ti jim bʌ q'uin yom mi la' cha' pulbeñon yambʌ c majtan, juncojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jump'ejl i jabilel mach bʌ i p'ajomalic, xojocña bʌ mi cubin.

Numeros 6:15

Che' ja'el yom jump'ejl alʌ chiquib waj mach bʌ xʌbilic yic'ot levadura, melbil bʌ ti sʌsʌc bʌ harina xajc'ubil bʌ yic'ot aceite yic'ot hojuela (galleta) bombil bʌ yic'ot aceite mach bʌ anic i levadurajlel. Yom majtañʌl ja'el melbil bʌ ti trigo, yic'ot japbil bʌ majtañʌl tac.

Mateo 3:17

Awilan, tsa' loq'ui tilel t'an ti panchan. Tsi' yʌlʌ: Jiñʌch Calobil mu' bʌ j c'uxbin. Wen uts'at mij q'uel, che'en.

2 Corintios 2:15

Come xojocña mi' yubiñonla Dios cha'an woli' yajñel Cristo ti lac pusic'al. Xojocña i yutslel Cristo ti' tojlel jini woli bʌ i coltʌntelob yic'ot jini woliyo' bʌ ti sajtel.

2 Corintios 2:16

Che' mi' yubiñob jini sajtemo', mi' ña'tañob woli' majlelob ti toj mulil. Che' mi' yubiñob jini año' bʌ i cuxtʌlel, mi' ña'tañob añʌch i cuxtʌlel. ¿Majqui an i p'ʌtʌlel cha'an mi' bajñel mel jini e'tel?

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Deuteronomio 12:11

Yom ts'ʌcʌl mi la' ch'ʌm majlel chuqui mic subeñetla ya' ti' yajñib lac Yum Dios yajcʌbil bʌ i cha'an. Ya' yom mi la' ch'ujutesan. Ya' yom mi la' wʌq'uen jini pulbil tac bʌ majtañʌl, yic'ot tsʌnsʌbil bʌ majtañʌl, yic'ot la' diezmo, yic'ot la' wofrenda tac, yic'ot ja'el pejtel mu' bʌ la' wʌq'uen lac Yum.

Deuteronomio 12:17

Mach yomic mi' la' c'ux ti la' wotot i wut la' pʌc'ʌb tsa'ix bʌ la' wʌc'ʌ cha'an la' diezmo, mi la' ts'usub, mi la' waceite, mi jinic i yʌx'al la' wacax, mi la' tiñʌme', mi jinic tsa'ix bʌ la' wʌlʌ cha'an mi caj la' wʌq'uen lac Yum. Mach yomic la' bajñel c'ʌn jini majtañʌl mi ofrenda tilem bʌ ti la' pusic'al.

Deuteronomio 12:6

Ya' yom mi la' pʌyben tilel i majtan mu' bʌ caj i laj pulel, yic'ot i majtan mu' bʌ caj i tsʌnsʌntel, yic'ot la' diezmo, yic'ot la' wofrenda, yic'ot ja'el jini t'an mu' bʌ caj la' wʌc', yic'ot jini majtañʌl tilem bʌ ti la' pusic'al, yic'ot i yʌx al la' wacax, yic'ot i yʌx al la' tiñʌme'.

Filipenses 4:18

Tsa'ix la' wʌq'ueyon pejtelel chuqui yom. An i ñumel. Jasʌlix. Epafrodito tsi' ch'ʌmbeyon tilel ti pejtelel. La' wofrenda, xojocña i yujts'il yilal, lajal bajche' pulbil bʌ i majtan Dios mu' bʌ i mulan, uts'at bʌ mi' q'uel.