Numeros 15:15 - Chol: I T’an Dios

¹⁵ Pejtelel chumulo' bʌ ti jini lum junlajal mi caj i jac'ob c mandar, jini israelob yic'ot jini ñajt bʌ ch'oyolob, yic'ot la' walobilob ti pejtelel ora. Junlajaletla tic tojlel.

Chol de Tumbalá Bible

¹⁵ Pejtelel chumulo' bʌ ti jini lum junlajal mi caj i jac'ob c mandar, jini israelob yic'ot jini ñajt bʌ ch'oyolob, yic'ot la' walobilob ti pejtelel ora. Junlajaletla tic tojlel.

Jiñi Tsiji' bʌ Wen T'añ cha'añ Estudio

¹⁵ Pejtelel chumulo' bʌ ti jiñi lum junlajal mi caj i jac'ob c mandar, jiñi israelob yic'ot jiñi ñajt bʌ ch'oyol ya' bʌ chumul la' wic'ot. Jiñʌch c mandar cha'añetla yic'ot cha'añ la' walobilob ti pejtelel ora; junlajaletla tic tojlel yic'ot jiñi ñajt bʌ ch'oyol.

Numeros 15:15 Iomraidhean Croise

Ester 9:27

Jini cha'an tsi' cha'leyob mandar cha'an mi' chʌn melob ili q'uin i p'olbal judíojob ti pejtelel ora cha'an mi' chʌn ña'tañob chuqui tsa' ujti ti' tojlel i tatob. Wersa mi' melob q'uin cha'p'ejl q'uin ti jini jach bʌ tsic ti jujump'ejl jab che' bajche' ts'ijbubil. Mach yomic mi' cʌyob i mel.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 12:24

Mi caj la' chʌn mel Pascua yic'ot la' walobilob ti pejtelel ora.

Exodo 12:43

Lac Yum tsi' sube Moisés yic'ot Aarón: Jiñʌch mandar cha'an Pascua: “Jini ch'oyolo' bʌ ti ñajtʌl mach mejlic i tem c'uxob we'elʌl yic'ot c cha'año' bʌ.

Exodo 12:49

Jump'ejl jach jini mandar cha'añetla yic'ot jini ñajt bʌ ch'oyolob am bʌ ti la' tojlel”, che'en.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Levitico 24:22

Che'ʌch yom mi la' mel ti' tojlel jini ñajt bʌ ch'oyolob, yic'ot ti' tojlel la' pi'ʌlob wʌ' bʌ añob i lumal, come la' Yumon la' Dioson, che'en.

Numeros 10:8

Cojach jini motomajob mi mejlel i wusob jini trompeta tac. Che' bajche' wolic subeñet, che'ʌch yom mi' melob la' walobilob ja'el ti pejtelel ora.

Numeros 15:29

Jini israelob yic'ot i pi'ʌlob ti chumtʌl parte bʌ i lumal junlajal jach mi caj i jac'ob ili mandar.

Numeros 18:8

Lac Yum tsi' cha' sube Aarón: Joñon tsa'ix cʌq'ueyet ti a wenta jini c majtan tac. Jiñʌch majtañʌl tac mu' bʌ i yʌq'ueñoñob israelob. A cha'añʌch yic'ot i cha'añʌch ja'el a walobilob c'ʌlʌl ti pejtelel ora, come ch'ujuletla, motomajetla. La' tem cha'an jach pejtelel c majtan mu' bʌ i yʌq'ueñoñob.

Numeros 9:14

Mi an winic chumul bʌ la' wic'ot mach bʌ i lumalic, yom bʌ i mel Pascua ja'el, lajal yom mi' melob che' bajche' jatetla. Jini cha'an junsujm jach jini q'uiñijel mi la' mel, yic'ot jini xjula'ob chumulo' bʌ ti la' tojlel. Che' tsi' yʌlʌ lac Yum.

Gálatas 3:28

Mi judíojet, mi griegojet, mi añet ti a yum, mi to'ol che' jach añet, mi winiquet, mi x'ixiquet, ma'anic chuqui mi' cha'len, come juntiquilet jach la ti Cristo Jesús.

Colosenses 3:11

Ti Cristo mach jelchojquic mi' q'uejlelob winicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic jun, mi an ti' yum, o mi ma'anic i yum, pero Cristo i Yumʌch pejtelel winicob yic'ot pejtelel chuqui tac an.

Josue 8:33

Ya' wa'alob pejtelel israelob, jini xñoxob yic'ot año' bʌ i ye'tel ti jujunwejl jini Arca ti' tojel i wut jini motomajob yic'ot levíjob mu' bʌ i q'uechob majlel jini Arca ba' lotol jini Xuc'ul bʌ i T'an lac Yum. Ya' añob ja'el jini ñajt bʌ ch'oyolob tsa' bʌ tiliyob ti chumtʌl ti' tojlelob. Lamital ya' añob ti yebal wits i c'aba' Gerizim. Yaño' bʌ ya' añob ti yebal wits i c'aba' Ebal. Che'ʌch tsi' meleyob cha'an mi' ts'ʌctesañob i mandar Moisés i winic lac Yum cha'an mi' yʌq'uentelob i yutslel i t'an lac Yum.

1 Samuel 30:25

Lajal mi caj i yʌq'uentelob ti pejtelelob, che'en David. Jini cha'an jiñʌch ley ti' tojlel israelob c'ʌlʌl ti ili ora.