Numeros 14:9 - Chol: I T’an Dios

⁹ La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Chol de Tumbalá Bible

⁹ La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Jiñi Tsiji' bʌ Wen T'añ cha'añ Estudio

⁹ Jiñi cha'añ, mach mi la' contrajin lac Yum yic'ot mach mi la' bʌc'ñan jiñi wiñicob ya' bʌ añob ti jiñi lum, come jatetla mi caj la' c'ux che' bajche' mi la' c'ux la' waj; come ma'añix i cʌntʌntel jiñi tejclum yic'ot añ lac Yum ti lac tojlel: mach mi la' bʌc'ñañob.

Numeros 14:9 Iomraidhean Croise

Genesis 48:21

Israel tsi' sube José: I yorajlelix mic chʌmel. Dios mi caj i yajñel la' wic'ot. Mi caj i cha' pʌyetla majlel ti' lumal la' ñojte'elob.

2 Cronicas 13:12

Wʌ'an Dios quic'ot lojon yic'ot pejtelel i motomajob. Mi caj i wusob jini trompeta ti la' tojlel. Israelob, mach yomic mi la' contrajin lac Yum i Dios lac ñojte'el, come ma'anic mi caj i mʌjlel la' cha'an. Che' tsi' yʌlʌ Abías.

2 Cronicas 15:2

Tsa' majli Azarías i taj jini rey Asa. Tsi' sube: Ñich'tʌbeñon Asa, jatet yic'ot pejtelel Judá yic'ot Benjamín. Lac Yum mi caj i chʌn ajñel la' wic'ot, mi xuc'ul mi la' chʌn ajñel yic'ot. Che' mi la' sajcan lac Yum mi caj la' taj. Pero mi tsa' la' cʌyʌ, mi caj i cʌyetla ja'el.

2 Cronicas 20:17

Ti ili guerra ma'anic mi caj la' cha'len leto. Che' jach wa'aletla yom. Ajñenla ti ñʌch'ʌl. Pijtan la' coltʌntel, come wʌ'an lac Yum la' wic'ot. Winicob ti Judá yic'ot ti Jerusalén, mach mi la' cha'len bʌq'uen. Mach mi la' mel la' pusic'al. Ijc'ʌl che' ti sʌc'ajel cucula ti guerra ti' tojel i wut, come joñon mi caj c majlel la' wic'ot”, che'en lac Yum. Che' tsi' yʌlʌ Jahaziel.

2 Cronicas 32:8

Talix yic'ot cabʌl soldadojob, pero winicob jach. Joñonla an la quic'ot lac Yum Dios mu' bʌ i coltañonla, mu' bʌ caj i mʌjlel i cha'an che' mi lac majlel ti guerra, che'en. Tijicñayob tsi' yubiyob pejtelel jini winicob.

Nehemias 4:14

Tsaj q'uele uts'at añob. Tsa' wa'leyon c subeñob jini ñuco' bʌ winicob yic'ot año' bʌ i ye'tel yic'ot yaño' bʌ lac pi'ʌlob ti pejtelelob: Mach la' bʌc'ñañob. Ña'tanla wen ñuc lac Yum mu' bʌ lac bʌc'ñan. Cha'lenla wersa ti guerra cha'an mi la' coltan la' pi'ʌlob yic'ot pejtel la' walobilob yic'ot la' wijñam yic'ot la' wotot, cho'on.

Salmos 106:24

Tsi' chʌn cha'leyob mulil. Tsi' ts'a'leyob jini uts'at bʌ lum. Ma'anic tsi' ñopbeyob i t'an tsa' bʌ i subeyob cha'an jini lum.

Salmos 121:5

Lac Yum jiñʌch xcʌntaya a cha'an. Lac Yum i wentajʌch axñal cha'an mi' moset.

Salmos 14:4

¿Mach ba junlajalobic jini mu' bʌ i cha'leñob jontolil? Ma'anic mi' ch'ʌmbeñob isujm. Mi' jisañob i winicob Dios che' bajche' mi' c'uxob i waj. Ma'anic mi' c'ajtiñob i coltʌntel ti Dios.

Salmos 46:11

I Yum Panchan yic'ot Pañimil an la quic'ot. I Dios Jacob jiñʌch la caj Coltaya i wenta chan bʌ ts'ajc.

Salmos 46:7

Lac Yum an la quic'ot. I Yumʌch panchan yic'ot pañimil. I Dios Jacob jiñʌch la caj Coltaya i wenta chan bʌ ts'ajc.

Salmos 46:8

La'la, q'uelbenla i melbal lac Yum. Q'uelela bajche' tsi' cha'le jisaya ti lum.

Salmos 74:14

Jatet tsa' jisʌbe i p'ʌtʌlel jini leviatán i yejtal Egipto. Tsa' bic'tesʌbe i bʌc'tal leviatán. Tsa' wʌq'ue i c'ux colem chʌy.

Salmos 91:1

Jini mu' bʌ i chumtʌl yic'ot jini C'ax Ñuc Bʌ Mi' yajñel ti' yʌxñʌlel jini Mach bʌ Anic i P'isol i P'ʌtʌlel.

Exodo 14:13

Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Exodo 33:16

Mi ma'anic tsa' majliyet quic'ot lojon, ¿bajche' mi caj i ña'tañob yaño' bʌ mi tsa' pʌsbeyon lojon i yutslel a pusic'al? Mi tsa' majliyon lojon a wic'ot, che' jini tsiquil mach lajalonic lojon che' bajche' yambʌ winicob x'ixicob ti pañimil, che'en.

Isaias 1:2

Tsi' yʌlʌ: Ñich'tanla c t'an, añet bʌ la ti panchan yic'ot ti pañimil. Tsac lon cosa calobilob. Tsac lon cʌntayob. Wolix i chañ'esañob i bʌ tij contra.

Isaias 32:2

Jini Winic i wentajʌch puts'ibʌl cha'an ñuqui ic', i wentajʌch ch'entun mu' bʌ i mʌctan sutujt ic'. Lajalʌch bajche' sʌmʌcña bʌ ja' ti tiquin bʌ pañimil yic'ot lech'el bʌ xajlel mu' bʌ i yʌc' i yʌxñʌlel che' c'unix pañimil cha'an c'ux q'uin.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 41:14

Mach ma' wis cha'len bʌq'uen Jacob anquese lajal a c'unlel che' bajche' chʌchʌc lucum. Come joñon mi caj j coltañet. Joñon jini wen Ch'ujul Bʌ ti Israel, la' Yumon. Tsac mʌñʌyet.

Isaias 63:10

Pero tsi' ñusayob a t'an. Tsi' yʌq'ueyob i ch'ijiyemlel i pusic'al jini Ch'ujul bʌ a wEspíritu. Jini cha'an tsa' sujtiyet ti' contra. Tsa' p'ojlesʌbeyob i wocol.

Jeremias 1:19

Mi caj i contrajiñet, pero mach mejlic i jisañet come añon quic'otet. Mi caj cʌq'uet ti colel ti' c'ʌb, che'en lac Yum.

Jeremias 42:11

Mach yomic mi la' bʌc'ñan jini rey ti Babilonia. Cʌyʌx la' bʌc'ñan. Ma'anic chuqui mi caj i tumbeñetla, come añon quic'otetla cha'an mij coltañetla loq'uel ti' c'ʌb.

Jeremias 48:45

Mi' puts'elob majlel ti Hesbón, pero ma'anic i coltʌntel come tsa'ix tejchi c'ajc ti Hesbón. Wolix ti pulel i yotot rey yic'ot jini templo tac ti Sihon i tejclum rey. Mi caj i pam ñumel jini c'ajc ti Moab. Mi caj i laj jisʌntelob i winicob tsa' bʌ i chañ'esayob i bʌ.

Daniel 9:5

Tsa'ix c cha'le lojon mulil yic'ot jontolil. Tsac ñusa lojon a t'an.

Daniel 9:9

Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Numeros 13:30

Che' jini Caleb tsa' caji i xic' i pi'ʌlob ti' tojlel Moisés: Conla ti ora cha'an mi lac ch'ʌm jini lum, come muc'ʌch i mʌjlel lac cha'an, che'en Caleb.

Numeros 17:6

Jini cha'an Moisés tsi' subeyob jini año' bʌ i ye'tel ti' tojlel israelob cha'an mi' ch'ʌmbeñob tilel barate', jujunts'ijt cha'an jujuntiquil ñuc taco' bʌ i ye'tel. Lajchʌnts'ijt che' ti pejtelelob, come an lajchʌnmojt i p'olbal jini Israel. Jini i barate' Leví jiñʌch chucbil bʌ i cha'an Aarón.

Numeros 20:2

Tsa' caji i tempañob i bʌ winicob cha'an mi' contrajiñob Moisés yic'ot Aarón come ma'anic ja'.

Numeros 24:8

Dios tsi' pʌyʌyob loq'uel ti Egipto. Añob i p'ʌtʌlel che' bajche' jontol bʌ bajlum mu' bʌ i c'ux jini bʌte'el. Mi caj i jisañob i contrajob. Mi caj i juch'beñob i bʌquel. Mi caj i julob ti jalʌjb.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Romanos 8:31

¿Chuqui yom mi lac sub, che' jini? Mi woli' coltañonla Dios, ¿majqui mi mejlel i contrajiñonla?

Deuteronomio 1:21

Lac Yum Dios tsi' pʌyʌyonla tilel. Jini lum an ti' tojel la' wut. Cucuxla. Ch'ʌmʌla che' bajche' tsi' subeyetla lac Yum Dios, i Yum lac ñojte'elob. Mach mi la' cha'len bʌq'uen. Mach yomic c'un la' pusic'al. Che'ʌch tsac subeyetla.

Deuteronomio 1:26

Pero ma'anic tsa' la' jac'ʌ majlel. Tsa' la' ñusʌbe i t'an lac Yum.

Deuteronomio 1:29

Jini cha'an tsac subeyetla: Mach la' cha'len bʌq'uen. Mach yomic mi la' bʌc'ñañob.

Deuteronomio 31:6

P'ʌtesan la' bʌ. Yom mi la' ch'ejl'an. Mach yomic mi la' bʌc'ñañob, come lac Yum Dios temel mi caj i majlel la' wic'ot. Ma'anic mi caj i cʌyetla. Ma'anic mi caj i choquetla. Che' tsi' yʌlʌ Moisés.

Deuteronomio 31:8

Lac Yum mi caj i majlel ñaxan ti a tojlel. Mi caj i yajñel a wic'ot. Ma'anic mi caj i cʌyet. Jini cha'an mach ma' cha'len bʌq'uen, che'en.

Deuteronomio 32:42

Mi caj c julob ti jalʌjb. On mi caj c bec'beñob i ch'ich'el. Mi caj c tsepbeñob i bʌc'tal j contrajob ti espada. Chʌctilan i ch'ich'el i jol j contrajob, che'en lac Yum.

Deuteronomio 7:18

mach yomic mi la' bʌc'ñañob. Ña'tanla chuqui tsi' mele lac Yum ti' tojlel Faraón yic'ot ti' tojlelob pejtelel jini año' bʌ ti Egipto.

Deuteronomio 7:21

Mach la' bʌc'ñañob, come lac Yum Dios an la' wic'ot. Wen ñuc ajñel, wen bʌc'ñʌbil.

Deuteronomio 9:7

Yom mi la' chʌn ña'tan. Mach ñajʌyic ti la' pusic'al. Tsa' caji ti mich' lac Yum Dios ya' ti colem bʌ i tiquiñal pañimil ti' caj la' mul. C'ʌlʌl ti' tejchibal xʌmbal che' bʌ tsa' loq'uiyetla ti' lumal Egipto, c'ʌlʌl wʌle che' c'otemetix la ti' ti' la' lumal, tsa'ix la' ñusʌbe i t'an lac Yum.

Filipenses 1:27

Yom jach mi la' wajñel ti uts'at che' bajche' mi' cʌntesañonla i wen t'an Cristo. Che' jini mi tsaj q'ueleyetla, o mi ma'anic tsaj q'ueleyetla, mi caj cubin xuc'uletla ti jump'ejl la' pusic'al, che' temel mi la' cha'len wersa cha'an mi' ñojpel jini wen t'an.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Josue 14:12

Aq'ueñon wʌle jini lum am bʌ ti wits che' bajche' tsi' yʌlʌ lac Yum. Ya' añob jini anaceojob che' bajche' tsa' wubi ti jim bʌ ora. Colem i tejclum tac. Wen chajpʌbilob cha'an guerra. Mi cʌl lac Yum mi caj i coltañon. Che' jini mi mejlel c chocob loq'uel che' bajche' lac Yum tsi' subu, che'en.

Juezob 1:22

Che' ja'el i p'olbalob José tsi' cha'leyob guerra ti' contra Betel. Lac Yum an yic'otob.