Numeros 14:8 - Chol: I T’an Dios

⁸ C'ux mi' yubiñonla lac Yum. Mi caj i yʌq'ueñonla jini lum ba' yujil colel pejtelel pʌc'ʌbʌl. Jiñʌch wen bʌ lum ba'an cabʌl leche yic'ot chab.

Chol de Tumbalá Bible

⁸ C'ux mi' yubiñonla lac Yum. Mi caj i yʌq'ueñonla jini lum ba' yujil colel pejtelel pʌc'ʌbʌl. Jiñʌch wen bʌ lum ba'an cabʌl leche yic'ot chab.

Jiñi Tsiji' bʌ Wen T'añ cha'añ Estudio

⁸ Mi uts'at mi' q'uelonla lac Yum, jiñi mi caj i pʌyonla majlel ti jiñi lum yic'ot mi caj i yʌq'ueñonla; jiñʌch jump'ejl lum ba'añ ca'bʌl leche yic'ot cha'b.

Numeros 14:8 Iomraidhean Croise

2 Samuel 22:20

Tsi' yʌc'ʌyon ti colel cha'an mi cajñel ti xuc'ul. Tsi' pʌyʌyon loq'uel ti wocol, Come c'ux mi' yubiñon.

1 Reyob 10:9

La' sujbic i ñuclel a Yum Dios tsa' bʌ i yajcayet cha'an ma' wochel ti' yum israelob. Tsiquil cabʌl jax i c'uxbiya lac Yum ti pejtelel ora come tsi' yʌq'ueyet a ña'tʌbal cha'an ma' cha'len meloñel ti toj. Uts'at bajche' ma' cha'len yumʌntel ti' tojlel i cha'año' bʌ, che'en.

Salmos 22:8

Mi' lon alob: Tsi' ñopo lac Yum. La' i coltan, la' i col loq'uel ti wocol mi c'ux mi' yubin, che'ob.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Isaias 62:4

Ma'anix majqui mi caj i yʌl “cʌybilet”. Ma'anix majqui mi caj i yʌl “jisʌbil a lumal”. Mi caj i yʌlob “c'uxbibilet i cha'an lac Yum” yic'ot “pʌybilet che' bajche' ti ñujpuñijel”, che'ob, come tijicña mi' q'uelet lac Yum. Ñujpuñemet yic'ot.

Jeremias 32:41

Tijicña mi caj cubin che' mic melbeñob chuqui uts'at. Mi caj c cha' pʌc'ob ti jini lum ti pejtelel c pusic'al yic'ot ti pejtelel c ch'ujlel. Xuc'ul mi caj i yajñelob.

Sofonias 3:17

Come lac Yum an a wic'ot. Jini P'ʌtʌl Bʌ mi caj i coltañet. Tijicña mi caj i yubin yic'otet. Mi caj i yʌq'ueñet a c'aj a wo. Mi caj i c'uxbiñet. Mi caj i cha'len c'ay come tijicña mi' q'uelet.

Numeros 13:27

Tsi' yʌlʌyob: Tsa' c'otiyon lojon ya' ba' tsa' chocoyon lojon majlel. Melel on mi' yʌc' leche, yic'ot chab. Wʌ' tsac ch'ʌmʌ lojon tilel ts'ita' i wut te' cha'an mi la' q'uel.

Numeros 16:14

Ma'anic chuqui tsa' wʌq'ueyon lojon, mi lumic mi ts'usubilic. Ma'anic tsa' pʌyʌyon lojon tilel ba' mic jap lojon lech ba' mic mʌc' lojon chab. ¿Mu' ba cajel a lotiñon lojon? Jini cha'an mach letsicon lojon, che'ob.

Romanos 8:31

¿Chuqui yom mi lac sub, che' jini? Mi woli' coltañonla Dios, ¿majqui mi mejlel i contrajiñonla?

Deuteronomio 10:15

Anquese ñuc bʌ Yumʌlʌch, tsi' wen cʌnta lac ñojte'el. C'ux tsi' yubiyob. Jini cha'an tsi' yajcayetla, i p'olbaletla. Ma'anic tsi' yajca yan tac bʌ tejclum.

Josue 14:12

Aq'ueñon wʌle jini lum am bʌ ti wits che' bajche' tsi' yʌlʌ lac Yum. Ya' añob jini anaceojob che' bajche' tsa' wubi ti jim bʌ ora. Colem i tejclum tac. Wen chajpʌbilob cha'an guerra. Mi cʌl lac Yum mi caj i coltañon. Che' jini mi mejlel c chocob loq'uel che' bajche' lac Yum tsi' subu, che'en.