Numeros 14:6 - Chol: I T’an Dios

⁶ Che' jini Josué i yalobil Nun, yic'ot Caleb i yalobil Jefone, jini tsajniyo' bʌ i q'uelob jini lum, tsi' tsiliyob i pislel cha'an i ch'ijiyemlel i pusic'al.

Chol de Tumbalá Bible

⁶ Che' jini Josué i yalobil Nun, yic'ot Caleb i yalobil Jefone, jini tsajniyo' bʌ i q'uelob jini lum, tsi' tsiliyob i pislel cha'an i ch'ijiyemlel i pusic'al.

Jiñi Tsiji' bʌ Wen T'añ cha'añ Estudio

⁶ Josué i yalobil Nun, yic'ot Caleb i yalobil Jefone, jiñi tsajñi bʌ i q'uelob jiñi lum, tsi' tsiliyob i pislel

Numeros 14:6 Iomraidhean Croise

Genesis 37:29

Che' bʌ tsa' cha' majli Rubén ba'an joyol bʌ lum tsi' q'uele mach ya'ix an José ti mal. Tsi' tsili i pislel.

Genesis 37:34

Jacob tsi' tsili i pislel. Tsi' lʌpʌ coxtal i wenta i wex. Tsi' yuc'ta i yalobil cabʌl q'uin.

Genesis 44:13

Tsi' tsiliyob i pislel. Ti jujuntiquilob tsi' cha' p'ʌtbeyob i cuch i burro. Tsa' cha' majliyob ti tejclum.

2 Samuel 3:31

Pero David tsi' sube Joab yic'ot pejtelel jini año' bʌ ti tejclum: Yom mi la' tsil la' bujc. Yom mi la' mel la' pusic'al cha'an tsa' chʌmi Abner, che'en. David tsi' cha'le xʌmbal majlel ti' pat jini ch'ujlelʌl.

2 Reyob 18:37

Eliaquim (i yalobil Hilcías) jini xq'uel e'tel yic'ot Sebna jini sts'ijbujel, yic'ot Joa (i yalobil Asaf) am bʌ i ye'tel ti' tojlel Ezequías, tsa' majliyob ba'an Ezequías. Tsi' tsiliyob i bujc. Tsa' c'oti i subeñob chuqui tsi' yʌlʌ jini ch'oyol bʌ ti Asiria.

Job 1:20

Tsa' wa'le Job. Tsi' tsili i bujc. Tsi' set'e i jol cha'an ch'ijiyem i pusic'al. Tsi' choco i bʌ ti lum. Tsi' ch'ujutesa Dios.

Numeros 13:30

Che' jini Caleb tsa' caji i xic' i pi'ʌlob ti' tojlel Moisés: Conla ti ora cha'an mi lac ch'ʌm jini lum, come muc'ʌch i mʌjlel lac cha'an, che'en Caleb.

Numeros 14:24

Pero mi caj i q'uel jini lum jini c winic Caleb cha'an tsi' ñopoyon ti pejtelel i pusic'al. Xuc'ul i pusic'al quic'ot. Jini cha'an mi caj c pʌy ochel ti jini lum ya' ba' tsajni i q'uel. Ya' mi' cajelob ti chumtʌl i p'olbalob ti pejtelel ora.

Numeros 14:30

Pero Caleb, i yalobil Jefone, yic'ot Josué i yalobil Nun, mi' cajelob ti ochel ti jini lum cha'an mi' ts'ʌctiyel c t'an.

Numeros 14:38

Jini jach Josué i yalobil Nun, yic'ot Caleb i yalobil Jefone, cuxul tsa' cʌleyob che' bʌ tsa' chʌmiyob jini lujuntiquil i pi'ʌlob tsajni bʌ i q'uelob jini lum.

Numeros 14:5

Tsi' yubiyob Moisés yic'ot Aarón. Tsi' pʌcchocoyob i bʌ ti' tojlel pejtelel israelob ya' ba' much'ulob.

Numeros 14:7

Tsa' caji i subeñob pejtelel israelob: Uts'atax jini lum ba' tsajni j q'uel lojon. Cabʌl mi' yʌc' i wut pʌc'ʌbʌl.

Mateo 26:65

Jini c'ax ñuc bʌ motomaj tsi' tsili i pislel. Tsi' yʌlʌ: Tsa'ix i cha'le p'ajoñel. ¿Chuqui to i c'ʌjñibal xtoj'esa t'añob? Awilan, tsa'ix la' wubi i p'ajoñel.

Marcos 14:63

Jini c'ax ñuc bʌ motomaj tsi' tsili i pislel. Tsi' yʌlʌ: ¿Chuqui to i c'ʌjñibal xtoj'esa t'añob?

Hechos 14:14

Jini apóstolob, Bernabé yic'ot Pablo, tsi' tsiliyob i pislel che' bʌ tsi' yubiyob. Ti ajñel tsa' ñumiyob ba' motocñayob. Wen c'am tsi' cha'leyob t'an.

Josue 14:6

Tsa' c'otiyob i p'olbal Judá ba'an Josué ya' ti Gilgal. Caleb i yalobilʌch Jefone, jini cenezeo. Caleb tsi' sube Josué: C'ajal a cha'an chuqui lac Yum tsi' sube Moisés i winic Dios ya' ti Cades Barnea. Tsi' yʌq'ueyonla albil bʌ t'an ti lac cha'ticlel.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Juezob 11:35

Che' bʌ tsi' q'uele, tsi' jet' tsili i bujc Jefté. Tsi' yʌlʌ: Calobil, p'ump'uñon jax. Tsa'ix a wʌq'ueyon c wocol, come tsac cha'le trato ti' tojlel lac Yum. Mach mejlix c chʌn yʌn c t'an, che'en.