Numeros 14:43 - Chol: I T’an Dios

⁴³ Mi caj i jisañetla ti espada jini amalecob yic'ot cananeojob ya' ba' woli la' lon ña'tan majlel, cha'an tsa' la' cʌyʌ la' ñop lac Yum. Jini cha'an lac Yum tsa'ix i cʌyʌyetla. Che' tsi' yʌlʌ Moisés.

Chol de Tumbalá Bible

⁴³ Mi caj i jisañetla ti espada jini amalecob yic'ot cananeojob ya' ba' woli la' lon ña'tan majlel, cha'an tsa' la' cʌyʌ la' ñop lac Yum. Jini cha'an lac Yum tsa'ix i cʌyʌyetla. Che' tsi' yʌlʌ Moisés.

Jiñi Tsiji' bʌ Wen T'añ cha'añ Estudio

⁴³ Come jiñi amalecitajob yic'ot cananeojob ya'añob ya' ba' woli la' lon ña'tan majlel, mi caj i tsʌnsañetla ti espada come lac Yum ma'añic mi caj i yajñel la' wic'ot, come ma'añic tsa' la' jac'ʌ la' tsajcan majlel.

Numeros 14:43 Iomraidhean Croise

1 Cronicas 28:9

Jini cha'an, calobil Salomón, yom ma' wen cʌn Dios, i Dios a ñojte'el. Ch'ujutesan ti pejtelel a pusic'al yic'ot ti' tijicñʌyel a pusic'al. Come lac Yum mi' wen cʌmben i pusic'al winicob x'ixicob. Mi' cʌmbeñob i pensar. Che' ma' sajcan lac Yum, mi caj a taj. Pero mi tsa' cʌyʌ, mi caj i junyajlel cʌyet.

2 Cronicas 15:2

Tsa' majli Azarías i taj jini rey Asa. Tsi' sube: Ñich'tʌbeñon Asa, jatet yic'ot pejtelel Judá yic'ot Benjamín. Lac Yum mi caj i chʌn ajñel la' wic'ot, mi xuc'ul mi la' chʌn ajñel yic'ot. Che' mi la' sajcan lac Yum mi caj la' taj. Pero mi tsa' la' cʌyʌ, mi caj i cʌyetla ja'el.

Salmos 44:10

Tsa' wʌc'ʌyon lojon ti puts'el ti' tojlel j contrajob lojon. Jini mu' bʌ i ts'a'leñon lojon mi' xujch'iñob lojon c chubʌ'an.

Isaias 63:10

Pero tsi' ñusayob a t'an. Tsi' yʌq'ueyob i ch'ijiyemlel i pusic'al jini Ch'ujul bʌ a wEspíritu. Jini cha'an tsa' sujtiyet ti' contra. Tsa' p'ojlesʌbeyob i wocol.

Oseas 9:12

Anquese mi la' cosan la' walobilob, lolom jach, come joñon mi caj c pʌyob majlel. Che' jini obol la' bʌ che' mij cʌyetla.

Levitico 26:17

Mi caj j contrajiñetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'o cha'len bʌq'uen che' ma'anic majch woli' yajñesañetla.

Numeros 13:29

Ya' chumulob i yalobilob Amalec ti Neguev. Jini heteojob, yic'ot jebuseojob, yic'ot amorreojob, chumulob ti wits. Jini cananeojob chumulob ti' ti' colem ñajb, yic'ot ti' ti' Jordán ja', che'ob.

Numeros 14:25

Awilan jini israelob woli' bʌc'ñañob jini amalecob yic'ot jini cananeojob chumulo' bʌ ti joctʌl. Jini cha'an yom mi la' sutq'uin la' bʌ. Cucula ti colem bʌ i tiquiñal pañimil ya' ba' tilemetla ti' bijlel jini colem bʌ ja' i c'aba' Chʌchʌc bʌ Ja'. Che' tsi' yʌlʌ lac Yum.

Numeros 14:42

Lolom jax mi la' letsel majlel, come ma'anic mi' majlel lac Yum la' wic'ot. Mach chʌn majliquetla, ame jisʌntiquetla ti' tojlel la' contrajob.

Numeros 14:44

Pero tsi' wersa ña'tayob letsel ya' ti wits, anquese ma'anic tsa' majli Moisés. Ma'anic tsa' majli ja'el jini Arca i cha'an bʌ lac Yum.

Deuteronomio 28:25

Lac Yum mi caj i yʌq'uet ti puts'el ti' wutob a contrajob. Junts'ijt bij mi caj a loq'uel a taj a contra. Wucp'ejl bij mi caj a majlel ti puts'el ti' tojlel. P'ump'un jax mi caj a tic'lʌntel ti jujump'ejl a lumal.

Josue 22:15

Che' bʌ tsa' c'otiyob ba' añob jini rubeñob yic'ot jini gadob yic'ot jini manasesob año' bʌ ti Galaad, tsi' subeyob:

Josue 7:12

Jini cha'an mach chʌn mʌjlix i cha'añob ti' tojlel i contrajob. I contrajob mi caj i yajñesañob, come tsa'ix i yʌc'ʌyob i bʌ ti chojquel tic tojlel. Ma'anix mic chʌn ajñel la' wic'ot jinto mi la' jisan jini tsa' bʌ i cha'le xujch'.

Juezob 16:20

Che' jini tsi' cha' sube: Sansón, wʌ'ix añob jini filisteojob, che'en. Che' bʌ tsa' cajni i wut Sansón, tsi' lon ña'ta ti' pusic'al: Mi caj j colel che' bajche' ti yan tac bʌ ora. Che' tsi' ña'ta. Pero mach yujilic mi cʌybilix i cha'an lac Yum.