Numeros 14:34 - Chol: I T’an Dios

³⁴ Che' lajal bajche' tsajniyetla la' tsajin jini lum cha'c'al q'uin che' ja'el cha'c'al jab mi caj la' wubin cabʌl wocol cha'an la' mul, jujump'ejl jab cha'an jujump'ejl q'uin. Che' jini mux caj cʌntesañetla. Wocol jax mi caj la' toj la' mul cha'an tsa'ix la' ts'a'leyon.

Chol de Tumbalá Bible

³⁴ Che' lajal bajche' tsajniyetla la' tsajin jini lum cha'c'al q'uin che' ja'el cha'c'al jab mi caj la' wubin cabʌl wocol cha'an la' mul, jujump'ejl jab cha'an jujump'ejl q'uin. Che' jini mux caj cʌntesañetla. Wocol jax mi caj la' toj la' mul cha'an tsa'ix la' ts'a'leyon.

Jiñi Tsiji' bʌ Wen T'añ cha'añ Estudio

³⁴ Che' bajche' cha'c'al q'uiñ tsajñi la' tsajin jiñi lum, che' ja'el cha'c'al ja'b mi caj la' wu'bin ca'bʌl wocol cha'añ la' mul, jump'ejl ja'b cha'añ jujump'ejl q'uiñ. Che' jiñi, mux caj la' cʌn che' bajche' yilal jiñi wocol mu' bʌ cʌq'ueñetla.

Numeros 14:34 Iomraidhean Croise

1 Reyob 8:56

La' sujbic i ñuclel lac Yum, come tsi' yʌq'ueyob i ñʌch'tʌlel i pusic'al israelob che' bajche' tsi' subeyob. Ma'anic mi jump'ejlic i t'an mach bʌ ts'ʌctʌyemic ti pejtelel i t'an tsa' bʌ i sube Moisés i yaj e'tel.

2 Cronicas 36:21

Che' jini tsa' ts'ʌctiyi i t'an lac Yum tsa' bʌ i sube jini x'alt'an Jeremías cha'an wersa mi' c'aj i yo i lumal Israel. Lujump'ejl i chʌnc'al jab jochol tsa' cʌle jini lum, come jini israelob tsi' ñusʌbeyob i t'an Dios. Ma'anic tsi' yʌq'ueyob i c'aj i yo i lumob.

Salmos 105:42

Come tsi' ña'ta jini ch'ujul bʌ i t'an Tsa' bʌ i sube Abraham i winic.

Salmos 38:4

Come jini c jontolil tsa'ix i teñeyon jubel. Yom i c'ʌson che' bajche' al bʌ cuchʌl.

Salmos 77:8

¿Tsa ba i junyajlel cʌyʌ i c'uxbiñon ti' yutslel i pusic'al? Tsa' ba i junyajlel cʌyʌ i pejcan winicob?

Salmos 95:10

Cha'c'al jab tsac mele c pusic'al cha'añob. Tsa cʌlʌ: Cabʌl mi' tajob i sajtemal jini winicob x'ixicob. Mach i cʌñʌyobic c bijlel, cho'on.

Ezequiel 14:10

Junlajal mi caj i tajob wocol jini payxo x'alt'añob yic'ot jini cha'p'ejlob jax bʌ i pusic'al. Mi caj i tojob i mul.

Ezequiel 23:35

Lac Yum woli' yʌl: Tsa'ix ñajʌyiyon a cha'an. Tsa'ix a sutq'ui a pat tic tojlel. Jini cha'an ch'ʌmʌ ti a wenta a bajñel mul yic'ot pejtelel a ts'i'lel tsa' bʌ a mele, che'en.

Ezequiel 4:6

Che' i yorajlel ili wocol, yom ma' cha' ts'ej ñoltʌl ti a ñoj cha'c'al q'uin cha'an ma' cuchben i mul Judá. Cha'c'al jab mi caj i toj i mul jini Judá. Jump'ejl q'uin i wentajʌch jump'ejl jab.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Oseas 9:12

Anquese mi la' cosan la' walobilob, lolom jach, come joñon mi caj c pʌyob majlel. Che' jini obol la' bʌ che' mij cʌyetla.

Levitico 20:19

Jini winic mach yomic mi' pi'lʌben i yijts'in i tat, mi i yijts'in i ña', come i ña'jelʌch. Mi caj i yajñel i mul ti' wenta.

Zacarias 11:10

Che' jini tsac ch'ʌmʌ c te' am bʌ i c'aba' I Yutslel c Pusic'al. Tsaj c'ʌsʌ cha'an mic tsictesan wolic jisʌben i c'ʌjñibal c trato tsa' bʌ c ñaxan sube c tejclumob.

Numeros 13:25

Ñumenix cha'c'al q'uin tsa' cha' sujtiyob jini winicob ba'an i pi'ʌlob.

Numeros 18:23

Pero an ti' wenta jini levíjob cha'an mi' q'uelob jini e'tel ya' ti Tabernáculo. Muq'uix i bajñel tojob i mul mi mach ts'ʌcʌlic mi' melob che' bajche' yom. Che'ʌch mi caj i melob ja'el la' walobilob ti pejtelel ora. Jini cha'an mach yomic mi' yʌq'uentelob i lum jini levíjob ti' tojlel israelob.

Numeros 32:13

Jini cha'an lac Yum tsi' mich'le jini israelob. Cha'c'al jab tsi' yʌc'ʌyob ti joy xʌmbal ti colem bʌ i tiquiñal pañimil, jinto tsa' laj jiliyob jini winicob tsa' bʌ i ñusʌbeyob i t'an lac Yum Dios.

Hechos 13:18

Cha'c'al jab Dios tsi' chʌn cuchbeyob i sajtemal ya' ti jochol bʌ lum.

Deuteronomio 2:7

Come la' Yum Dios tsa'ix i wen cʌntayetla. Tsi' wen q'ueleyetla che' bʌ tsa' ñumiyetla ti pejtelel ili colem bʌ i tiquiñal pañimil. Cha'c'al jab tsi' pi'leyetla la' Yum. Ma'anic chuqui anto yom la' cha'an. Che' tsi' yʌlʌ lac Yum.

Hebreos 4:1

Woli to i pʌyonla Dios cha'an mi' yʌq'ueñonla laj c'aj la co. Jini cha'an yom tsajilonla ame anic ti la' tojlel majqui ma'anic mi' c'aj i yo ti lac Yum.

Josue 14:10

Lac Yum tsa'ix i coltayon che' bajche' tsi' yʌlʌ. Anix jo'p'ejl i yuxc'al (45) jab Moisés tsi' yʌlʌ ili t'an tic tojlel che' woliyob ti xʌmbal jini israelob ti colem bʌ i tiquiñal lum. Wʌle anix jo'p'ejl i jo'c'al (85) c jabilel.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.