Numeros 14:33 - Chol: I T’an Dios

³³ Jini la' walobilob mi caj i to'ol cha'leñob xʌmbal ñumel ti colem bʌ i tiquiñal pañimil cha'an ti' caj la' mul. Cha'c'al jab mi caj i cha'leñob xʌmbal ñumel jinto mi la' laj chʌmel jatet bʌ la.

Chol de Tumbalá Bible

³³ Jini la' walobilob mi caj i to'ol cha'leñob xʌmbal ñumel ti colem bʌ i tiquiñal pañimil cha'an ti' caj la' mul. Cha'c'al jab mi caj i cha'leñob xʌmbal ñumel jinto mi la' laj chʌmel jatet bʌ la.

Jiñi Tsiji' bʌ Wen T'añ cha'añ Estudio

³³ Jiñi la' walobilob mi caj i cha'leñob xʌmbal ñumel ti colem bʌ i tiquiñal lum cha'c'al ja'b, mi caj i yu'biñob i wocolel cha'añ ti' caj i tsʌtslel la' pusic'al, jinto mi la' chʌmel ya' ti' tiquiñal lum.

Numeros 14:33 Iomraidhean Croise

Salmos 107:4

Tsi' pam cha'leyob ñumel xʌmbal ti jochol bʌ lum. Ma'anic tsi' tajayob ba' mi' cha'leñob chumtʌl.

Salmos 107:40

Dios mi' ts'a'len yumʌlob. Mi' yʌc'ob ti xʌmbal ñumel ti jochol lum ba' ma'anic bij.

Salmos 78:33

Jini cha'an Dios tsi' yʌc'ʌyob ti wocol. Tsi' ñusayob q'uin ti bʌbʌq'uen tac bʌ.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Ezequiel 23:35

Lac Yum woli' yʌl: Tsa'ix ñajʌyiyon a cha'an. Tsa'ix a sutq'ui a pat tic tojlel. Jini cha'an ch'ʌmʌ ti a wenta a bajñel mul yic'ot pejtelel a ts'i'lel tsa' bʌ a mele, che'en.

Oseas 9:1

Mach yomix tijicñayetla, israelob, che' bajche' yambʌ tejclumob, come tsa'ix la' cʌyʌ la' Dios. Wolix la' ch'ujutesan dioste' tac ti jujump'ejl patio ba' mi' jajts'el trigo.

Numeros 32:13

Jini cha'an lac Yum tsi' mich'le jini israelob. Cha'c'al jab tsi' yʌc'ʌyob ti joy xʌmbal ti colem bʌ i tiquiñal pañimil, jinto tsa' laj jiliyob jini winicob tsa' bʌ i ñusʌbeyob i t'an lac Yum Dios.

Numeros 33:38

Che' ya' añob ti wits i c'aba' Hor, tsa' letsi majlel jini motomaj Aarón che' bajche' tsi' sube lac Yum. Ya' tsa' chʌmi Aarón, che' anix cha'c'al jab i loq'uelob ti Egipto jini israelob. Tsa' chʌmi che' ti ojlil julio che' anix uxp'ejl i wucc'al (123) i jabilel.

Numeros 5:31

Jini i ñoxi'al libre an. Jini mulil an ti' wenta i yijñam cha'an mi' toj. Che' tsi yʌlʌ lac Yum.

Hechos 7:36

Moisés tsi' pʌyʌ loq'uel i yalobilob Israel che' bʌ tsa' ujti i pʌs bʌbʌq'uen tac bʌ yic'ot i yejtal i p'ʌtʌlel cha'c'al jab ya' ti Egipto yic'ot ti Chʌchʌc bʌ Ñajb yic'ot ti jochol bʌ lum.

Deuteronomio 1:3

Che' yomix ts'ʌctiyel cha'c'al jab, che' ti 15 de febrero, Moisés tsi' sube pejtelel jini israelob chuqui tac tsi' yʌlʌ lac Yum ti' tojlel che' bajche' tsi' yʌq'ue mandar lac Yum.

Deuteronomio 2:14

Tsa' lac joy xʌñʌ jini Cades Barnea c'ʌlʌl ti ñoja' i c'aba' Zered. Waxʌclujump'ejl i cha'c'al (38) jab tsa' lac cha'le xʌmbal che' bajche' tsi' wʌn alʌ lac Yum, cha'an mach mejliconla ti' ochel che' cuxulob to jini yujilo' bʌ guerra tsa'ix bʌ i ñusʌbeyob i t'an. Tsa' laj chʌmiyob jini winicob yujilo' bʌ guerra.

Deuteronomio 2:7

Come la' Yum Dios tsa'ix i wen cʌntayetla. Tsi' wen q'ueleyetla che' bʌ tsa' ñumiyetla ti pejtelel ili colem bʌ i tiquiñal pañimil. Cha'c'al jab tsi' pi'leyetla la' Yum. Ma'anic chuqui anto yom la' cha'an. Che' tsi' yʌlʌ lac Yum.

Deuteronomio 29:5

Cha'c'alix jab tsac pʌyʌyetla ñumel ti colem bʌ i tiquiñal pañimil. La' pislel maxto anic tsa' ñox'a. La' zapato maxto anic tsa' tsijli ti la' woc.

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

Deuteronomio 8:4

Ma'anic tsa' tsuculʌyi la' pislel. Ma'anic tsa' sijt'i la' woc anquese tsa' jal'ayetla ti xʌmbal ili cha'c'al jab.

Josue 14:10

Lac Yum tsa'ix i coltayon che' bajche' tsi' yʌlʌ. Anix jo'p'ejl i yuxc'al (45) jab Moisés tsi' yʌlʌ ili t'an tic tojlel che' woliyob ti xʌmbal jini israelob ti colem bʌ i tiquiñal lum. Wʌle anix jo'p'ejl i jo'c'al (85) c jabilel.

Josue 5:6

Come jini israelob tsi' cha'leyob xʌmbal ya' ti jochol bʌ lum cha'c'al jab. Tsa' ajniyob ti jochol bʌ lum jinto tsa' lu' chʌmiyob pejtelel jini winicob yujilo' bʌ guerra tsa' bʌ loq'uiyob ti Egipto. Come ma'anic tsi' jac'beyob i t'an Dios. Lac Yum tsi' yʌc'ʌ i t'an cha'an ma'anic mi caj i q'uelob jini lum mu' bʌ caj i yʌq'ueñob che' bajche' tsi' wʌn sube i ñojte'elob. Wen uts'at jini lum. Wen cabʌl mi' yʌc' leche yic'ot chab.