Numeros 14:18 - Chol: I T’an Dios

¹⁸ Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

Chol de Tumbalá Bible

¹⁸ Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

Jiñi Tsiji' bʌ Wen T'añ cha'añ Estudio

¹⁸ “C Yum, mach orajic mi' mich'an yic'ot ca'bʌl i yutslel i pusic'al, ñusʌbeñob i mul yic'ot i jontolil, anquese ma'añic mi caj a to'ol q'uelben i mul jiñi añobʌch bʌ i mul, come awujil i yʌc'ol i tojolob i mul jiñi tatʌlob yic'ot i yalobilob c'ʌlʌl ti yuxlajmlel yic'ot ti' chʌnlajmlel i p'olbalob.”

Numeros 14:18 Iomraidhean Croise

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Job 21:19

Mux caj la' jac': “Isujm ma'anic woli' toj jini winic, pero mux caj i tojbeñob i bet i yalobilob”, che'etla. Pero mach che'ic yom. La' i toj ti ts'ʌcʌl jini am bʌ i mul. La' i bajñel taj wocol cha'an i mul.

Salmos 103:8

Lac Yum mi' cha'len p'untaya, uts i pusic'al. Jal mi' mich'an. Cabʌl mi' p'untañonla.

Salmos 108:4

Come mi' tsictiyel jini nuc bʌ a wutslel c'ʌlʌl ti panchan, Yic'ot i xuc'tilel a pusic'al ya' ti tocal.

Salmos 109:14

C Yum, ña'tʌben i jontolil i tat. Mach yomic mi' ñajʌyel ti a pusic'al i mul i na'.

Salmos 145:8

Uts lac Yum, wen yujil p'untaya. Jal mi' mich'an. C'ux mi' yubiñonla.

Salmos 78:38

Pero Dios tsi' p'untayob. Tsi' ñusʌbeyob i mul. Ma'anic tsi' laj jisayob. Cabʌl tsi' tiq'ui i bʌ che' bʌ tsi' mich'leyob.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Exodo 20:6

Mic pʌsbeñob i yutslel c pusic'al bajc'ʌlob mu' bʌ i c'uxbiñoñob mu' bʌ i jac'beñon c mandar.

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 32:18

Jatet ma' pʌsbeñob i yutslel a pusic'al bajc'ʌl winicob. Ma' wʌq'ueñob i tojbeñob i mul i tatob, jini i yalobilob. Ñuquet, cabʌl a p'ʌtʌlel, Dios. I Yumet Panchan yic'ot Pañimil. Che'ʌch a c'aba'.

Lamentaciones 5:7

Tsi' cha'leyob mulil c tat lojon. Jini cha'an mach chʌn añobix.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Numeros 14:17

Jini cha'an c Yum, mij c'ajtibeñet ti wocol t'an, la' tsictiyic a p'ʌtʌlel. Coltañon lojon che' bajche' tsa' wʌlʌ.

Numeros 23:21

Come ma'anic mi' tajbeñob i mul i p'olbalob Jacob ti' tojlel lac Yum. Ma'anic mi' q'uelbeñob i jontolil jini israelob. Come ya' añob yic'otob lac Yum Dios cha'an mi' yumañob.

Romanos 5:21

Tsiquil che' jini, tsa' chʌmiyob cabʌlob ti' yumʌntel mulil, pero cha'an ti' yutslel i pusic'al Dios anix laj cuxtilel mach bʌ anic mi' jilel, cha'an tsa' aq'uentiyonla toj bʌ lac pusic'al ti Jesucristo lac Yum.

Deuteronomio 5:10

Mi cutsi p'ojlesʌbeñob i yutslel c pusic'al mu' bʌ i c'uxbiñoñob, mu' bʌ i jac'ob c mandar c'ʌlʌl ti jump'ejl mil i lajm la' p'olbal.

Deuteronomio 5:9

Mach a cotchocon a bʌ ti' tojel i wut. Mach a diosiñob, come a Yumon a Dioson. Cujil mich'ajel che' ma'anic mij c'uxbintel. Mi cʌq'ueñob wocol winicob ti caj i mul i tat c'ʌlʌl mi' yubiñob i butsob, yic'ot i yalobilob i butsob jini winic mu' bʌ i ts'a'leñon.

Deuteronomio 7:10

Mi' q'uextʌbeñob i mul pejtelob mu' bʌ i ts'a'leñob, mu' bʌ i ñusʌbeñob i t'an. Mi caj i jisañob. Ma'anic mi' jalʌtesan i bʌ cha'an mi' yʌq'ueñob i toj i mul. Muq'uix i yʌq'ueñob i toj.

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.