Numeros 14:14 - Chol: I T’an Dios

¹⁴ Tsa'ix i subeyob jini chumulo' bʌ ti Canaán wʌ'añet tic tojlel lojon. Laj yujilobix añet tic tojlel lojon. Ma' pejcan israelob che' bajche' mi' pejcañob i bʌ winicob che' mi' q'uelob i bʌ. Mic chumtʌl lojon ti yebal a Tocal. Ma' majlel ti ñaxan baqui jach ma' pʌyon lojon majlel. Ma' toj'esañon lojon majlel ti a Tocal che' ti q'uiñil yic'ot ti c'ajc che' ti ac'ʌlel.

Chol de Tumbalá Bible

¹⁴ Tsa'ix i subeyob jini chumulo' bʌ ti Canaán wʌ'añet tic tojlel lojon. Laj yujilobix añet tic tojlel lojon. Ma' pejcan israelob che' bajche' mi' pejcañob i bʌ winicob che' mi' q'uelob i bʌ. Mic chumtʌl lojon ti yebal a Tocal. Ma' majlel ti ñaxan baqui jach ma' pʌyon lojon majlel. Ma' toj'esañon lojon majlel ti a Tocal che' ti q'uiñil yic'ot ti c'ajc che' ti ac'ʌlel.

Jiñi Tsiji' bʌ Wen T'añ cha'añ Estudio

¹⁴ yic'ot mi caj i su'beñob jiñi chumulo' bʌ ti Canaán, come u'bibilob i cha'añ, cha'añ jatet c Yum, wʌ'ʌch añet ti ojlil ti' tojlelob, tsa' pʌsbeyob a bʌ che' bajche' mi' q'uelob i bʌ wiñicob x'ixicob, yic'ot jiñi a tocal ya'ʌch añ ti' tojlelob, che' ti q'uiñil mi' majlel a wic'otob ti jiñi colem bʌ tocal yic'ot che' ti ac'ʌlel mi' majlel a wic'otob ti colem bʌ c'ajc.

Numeros 14:14 Iomraidhean Croise

Genesis 32:30

Jacob tsi' yotsʌbe i c'aba jini ajñibʌl Peniel, “I wut Dios”. Come tsi' yʌlʌ: Tsaj q'uelbe i wut Dios. Dios tsi' coltayon. Ma'anic tsi' tsʌnsayon, che'en.

Nehemias 9:12

Che' ti q'uiñil tsa' toj'esayob majlel ti toj wa'al bʌ tocal. Che' ti ac'ʌlel tsa' tsictesʌbeyob i bijlel ti toj wa'al bʌ c'ajc.

Nehemias 9:19

cabʌl tsa' p'untayob. Ma'anic tsa' cʌyʌyob ti tiquin bʌ lum. Jini toj wa'al bʌ tocal ma'anic tsi' cʌyʌ i toj'esañob majlel ti q'uiñil. Jini toj wa'al bʌ c'ajc ma'anic tsi' cʌyʌ i toj'esañob majlel ti ac'ʌlel. Tsi' chʌn aq'ueyob i sʌclel. Tsi' chʌn pʌsbeyob i bijlel baqui yom mi' majlelob.

Salmos 105:39

Lac Yum tsi' lich'ye'e jini tocal cha'an mi' mosob ti q'uiñil, Yic'ot c'ajc cha'an mi' yʌc' i sʌclel pañimil ti ac'ʌlel.

Salmos 78:14

Che' ti q'uiñil tsi' c'ʌñʌ tocal i pʌyob majlel. Che' bʌ tsa' ic'a c'ʌlʌl tsa' sʌc'a tsi' c'ʌñʌ c'ajc i tsictesʌbeñob i bijlel.

Exodo 15:14

Jini año' bʌ ti colem tejclum tac tsi' yubiyob, Tsiltsilñayob ti bʌq'uen. Tsa' toj sajti i pusic'al jini filisteojob.

Exodo 33:11

Lac Yum tsi' pejca Moisés ti' wut che' bajche' juntiquil winic mi' pejcan jini cʌñʌl bʌ i cha'an. Che' jini tsa' cha' sujti Moisés ya' ti tejclum. Pero jini ch'iton Josué (i yalobil Nun), jini x'e'tel i cha'an, ma'anic tsa' sujti. Ya' tsa' cʌle ti Tabernáculo.

Exodo 33:16

Mi ma'anic tsa' majliyet quic'ot lojon, ¿bajche' mi caj i ña'tañob yaño' bʌ mi tsa' pʌsbeyon lojon i yutslel a pusic'al? Mi tsa' majliyon lojon a wic'ot, che' jini tsiquil mach lajalonic lojon che' bajche' yambʌ winicob x'ixicob ti pañimil, che'en.

Exodo 40:38

Come i Tocal lac Yum ya'an che' ti q'uiñil ya' ti otot. Jini c'ajc an ti Tocal che' ti ac'ʌlel cha'an mi' q'uelob pejtelel israelob baqui jach mi' majlelob.

Numeros 10:34

Jini Tocal i cha'an bʌ lac Yum temel tsa' majli yic'otob che' bʌ tsi' cʌyʌyob jini lum ba' tsa' poj jijliyob.

Numeros 12:8

Mic cha'len t'an yic'ot Moisés che' bajche' mi la' pejcan la' bʌ ti jamʌl. Mach muculic c t'an ti' tojlel. Mi cʌc' c bʌ ti cʌjñel cha'an mi' q'uel bajche' quilal. ¿Chucoch ma'anic tsa' la' cha'le bʌq'uen che' bʌ tsa' la' wulwul a'le c winic Moisés? che'en lac Yum.

Juan 1:18

Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Juan 14:9

Jesús tsi' sube: Cabʌlix ora wʌ' añon la' wic'ot. ¿Mach ba anic tsa' cʌñʌyon, Felipe? Jini tsa' bʌ i q'ueleyon, tsa'ix i q'uele c Tat. ¿Chucoch ma' wʌl, che' jini: “Pʌsbeñon lojon a Tat”? che'et.

1 Corintios 13:12

Come wʌle mi lac yʌxña q'uel Cristo che' bajche' ti espejo. Pero che' mi' tilel mi caj laj q'uelben i wut. Wʌle wolic yʌxña cʌn, pero ti wi'il bʌ ora mi caj c wen cʌn che' bajche' Dios mi' cʌñon.

Deuteronomio 1:19

Che' jini tsa' loq'uiyonla ti Horeb. Tsa' lac pam xʌñʌ jini bʌbʌq'uen bʌ i tiquiñal pañimil tsa' bʌ la' q'uele ya' ti bijlel amorreojob. Lac Yum tsi' chocoyonla majlel c'ʌlʌl tsa' c'otiyonla ti Cades Barnea.

Deuteronomio 34:10

Ma'anic yambʌ x'alt'an che' bajche' Moisés c'ʌlʌl wʌle, come lac Yum tsi' pejca ti' wut.

Deuteronomio 5:24

Tsa' la' wʌlʌ: Quelelix lac cha'an i ñuclel Dios yic'ot i p'ʌtʌlel. Lac Yum Dios tsa'ix i pʌsbeyonla. Tsa'ix la cubibe i t'an ya' ti' yojlil c'ajc. La cujilix melel mi mejlel i pejcan Dios winic come chʌn cuxulet.

Deuteronomio 5:4

Ya' ba wa'al lac Yum ti' yojlil c'ajc tsi' pejcayetla.

Josue 5:1

I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

1 Juan 3:2

C'uxbibilo' bʌ, i yalobilonixla Dios. Maxto tsictiyemic bajche' mi caj la cujtel. Pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' an.