Numeros 13:33 - Chol: I T’an Dios

³³ Tsaj q'uele lojon i yalobilob Anac, jini wen chaño' bʌ winicob, cʌmbilo' bʌ c'ʌlʌl ti wajali. Wen pec' tsaj q'uele lojon c bʌ che' bajche' ya alʌ sajc' ti' tojlelob, come wen chañob, che'ob.

Chol de Tumbalá Bible

³³ Tsaj q'uele lojon i yalobilob Anac, jini wen chaño' bʌ winicob, cʌmbilo' bʌ c'ʌlʌl ti wajali. Wen pec' tsaj q'uele lojon c bʌ che' bajche' ya alʌ sajc' ti' tojlelob, come wen chañob, che'ob.

Jiñi Tsiji' bʌ Wen T'añ cha'añ Estudio

³³ Che' ja'el tsa' j q'uele lojon wen chañ tacob jiñi wiñicob, jiñʌch i yalobilob Anac, i p'olbal wen chaño' bʌ wiñicob. Joñon lojon, ti' tojlelob, lajalon lojon bajche' sajc', yic'ot che'ʌch tsi' q'ueleyon lojon ja'el.

Numeros 13:33 Iomraidhean Croise

Genesis 6:4

An colem bʌ winicob ti pañimil ti ili ora yic'ot ti wi'il. Jini sajtem bʌ i yalobilob Dios tsa' tili i pi'leñob jini xch'oc bʌ i yalobilob winicob. Tsi' q'ueleyob pañimil i yalobilob. Jiñobʌch ch'ejl bʌ winicob año' bʌ ti wajali. Wen ñucob.

1 Cronicas 11:23

Jini ja'el tsi' tsʌnsa juntiquil soldado ch'oyol bʌ ti Egipto am bʌ ojlil i yuxp'ejl metro i chanlel. Pim i lanza che' bajche' jini te' mu' bʌ i c'ʌñob cha'an jalbal. Pero Benaía cojach tsi' ch'ʌmʌ majlel i te' ti' c'ʌb. Tsa' majli i chilben i lanza. Tsi' c'ʌñʌ i wʌlʌc tsʌnsan jini winic ch'oyol bʌ ti Egipto.

Isaias 40:22

Jiñʌch Dios jini buchul bʌ ya' ti panchan ti' chañelal pañimil. Biq'uit mi' q'uel jini chumulo' bʌ ti pañimil bajche' xc'ajba sajc'. Mi' lich' panchan che' bajche' pisil bʌ otot ba' mi' chumtʌl.

Numeros 13:22

Che' bʌ tsa' ñumiyob ti Neguev tsa' c'ʌlʌ c'otiyob ti Hebrón, ba' tsi' q'ueleyob i p'olbalob Anac ti mojt ti mojt, Ahimán yic'ot Sesai yic'ot Talmai. Wa'chocobilix Hebrón ti oniyi che' wucp'ejl to jab yom cha'an mi' wa'chocontel Zoán am bʌ ti Egipto.

Numeros 13:28

Pero wen ch'ejlob jini winicob ya' bʌ chumulob. Wen colem jini tejclum, joyolob ti ts'ajc. Tsaj q'uele lojon ja'el jini wen chaño' bʌ winicob i yalobilob Anac.

Numeros 14:1

Che' jini tsa' cajiyob ti c'am bʌ t'an yic'ot uq'uel. Jump'ejl ac'ʌlel c'ʌlʌl tsa' sʌc'a ma'anic tsa' ñʌjch'iyob ti uq'uel.

Deuteronomio 1:28

¿Bajche' mi caj la cujtel? Come jini lac pi'ʌlob tsa'ix i bʌc'tesayonla. An abi jini tejclum ñumen colem bʌ che' bajche' lac lumal. Ñumen chañob abi jini winicob ja'el. An abi wen chan taco' bʌ i yotot, yic'ot chan tac bʌ ts'ajc. Tsabi q'ueleyob colem bʌ winicob, i yalobilob Anac, che'etla.

Deuteronomio 2:10

(Ya' tsa' ñaxan chumleyob jini emineojob. Wen ñuc jini tejclum yic'ot cabʌl winicob. Chañob che' bajche' anaceojob jini winicob ya' bʌ chumulob ti oñiyi.

Deuteronomio 3:11

Che' bʌ tsa' chʌmi jini rey Og chumul bʌ ti Basán, ma'anix tsa' cʌle chan bʌ winicob refimob. Melbil i wʌyib Og ti tsucu taq'uin, lotol to ti Rabá ti' wenta jini amoñob. An chʌmp'ejl metro i tamlel yic'ot cha'p'ejl metro i xujc.

Deuteronomio 9:2

Colem winicob, wen chañob ja'el. I yalobilobʌch anaceojob, cʌmbilix bʌ la' cha'an. Ubibilix la' cha'an ili t'an: “¿Majqui mi mejlel i coltan i bʌ ti' tojlel jini anaceojob?” che'ob.

Josue 11:21

Ti jim bʌ ora Josué tsi' jisayob jini ch'ejl bʌ winicob año' bʌ ti wits tac, Hebrón, Debir, Anab, pejtelel jini wits tac am bʌ ti Judá, pejtelel jini wits tac am bʌ ti Israel. Josué tsi' jisayob jini winicob yic'ot i tejclum tac.

Josue 14:12

Aq'ueñon wʌle jini lum am bʌ ti wits che' bajche' tsi' yʌlʌ lac Yum. Ya' añob jini anaceojob che' bajche' tsa' wubi ti jim bʌ ora. Colem i tejclum tac. Wen chajpʌbilob cha'an guerra. Mi cʌl lac Yum mi caj i coltañon. Che' jini mi mejlel c chocob loq'uel che' bajche' lac Yum tsi' subu, che'en.

Josue 15:14

Caleb tsi' choco loq'uel jini uxtiquil anaceojob i p'olbalo' bʌ Anac, i c'aba'ob Sesai, Ahimán yic'ot Talmai.

1 Samuel 17:24

Jini israelob che' bʌ tsi' q'ueleyob, tsa' puts'iyob majlel cha'an bʌq'uen.

1 Samuel 17:42

Jini filisteo tsi' t'ojt'o q'uele David che' woli' tilel. Ma'anic tsi' p'isi ti wenta come alʌ ch'iton jax to tsi' q'uele. Chʌcwaxan i wut. Che' ja'el wen i t'ojol jax.